返回列表 發帖
159/51739

寫左一大輪廢話;唔爭在繼續寫多堆廢話。

人在江湖,身不由己;個個知道,位位識講。

但是,身不由己 ge 生活,就真唔係人人嚐過。

飲飲食食,做下人情;哩 d 叫輸人唔輸陣。

自不然係識洗唔識抹,入不敷支;不過唔緊要,係百花齊放 ge 時代,自然可以財來自有方。

行動成功機會高,自不然係恩威並施,多方俾面。

自不然係有來有往,放蛇放水;不過唔緊要,係百花齊放 ge 時代,當然可以隻眼開隻眼閉。

總而言之,有功有過;其身不正,有所建樹。

哩下,唔怪得曬風光 sir ;當時,大部份人都係咁。

哩 d 咪身不由己羅。

唔理你 like 唔 like,認唔認同。

所謂做此官來行此理;現代話叫埋堆。

當時,百花齊放得實在太個厲害,有點兒尾大不掉;上頭覺得係時候要執執個場。

但係,執黎執去,都係塘水滾塘魚;自己人查返自己友。

大加繼續百花齊放;後來,情況有左改變。

TOP

160/51855

話說,上頭阿頂爺返祖家同佢阿公傾起百花齊放 ge 問題。

阿公完全支持;不過講左句:嗌吾 see,你 see ... 想做咩,即管做。

於是,頂爺返黎就成立左個部門專責處理百花齊放 ge 問題。

頂爺同個部門新主管一樣係講左句:艾 唔 see 勒,你 see 住個全新部門啦。

又話,有野就直接稟上黎啦。

於是,一個全新部門成立左勒。

萬時起頭難,無論朝早定平時做野都係一樣。

全新部門點查野,點做野,大把電影講過,小肥唔返腌用黎呃字數勒。

小肥即管作 d 無人提過 ge 情形同大家研究下啦。

所謂力不到不為財,唔吹唔擔又點起到個頭,開到個始呢。

全新部門係成立之初,基本上係被動執行;即係話要有人投訴先開到 file,正式等運到。

主動查案又有 d 老鼠拉龜。

唔通叫個有經驗 ge 查案員自己舉扒話幾時幾日同阿邊個一齊貪左幾多。

又或者登報尋找邊緣人咩。

新仔查案員 ... 就更唔知點入手,拿手唔成勢啦。

於是,有個醒目仔查案員想到條絕世好竅。

TOP

160/51855

話說,上頭阿頂爺返祖家同佢阿公傾起百花齊放 ge 問題。

阿公完全支持;不過講左句:嗌吾 see,你 see ... 想做咩,即管做。

於是,頂爺返黎就成立左個部門專責處理百花齊放 ge 問題。

頂爺同個部門新主管一樣係講左句:艾 唔 see 勒,你 see 住個全新部門啦。

又話,有野就直接稟上黎啦。

於是,一個全新部門成立左勒。

萬時起頭難,無論朝早定平時做野都係一樣。

全新部門點查野,點做野,大把電影講過,小肥唔返腌用黎呃字數勒。

小肥即管作 d 無人提過 ge 情形同大家研究下啦。

所謂力不到不為財,唔吹唔擔又點起到個頭,開到個始呢。

全新部門係成立之初,基本上係被動執行;即係話要有人投訴先開到 file,正式等運到。

主動查案又有 d 老鼠拉龜。

唔通叫個有經驗 ge 查案員自己舉扒話幾時幾日同阿邊個一齊貪左幾多。

又或者登報尋找邊緣人咩。

新仔查案員 ... 就更唔知點入手,拿手唔成勢啦。

於是,有個醒目仔查案員想到條絕世好竅。

TOP

係時候提一提; 小肥係 … 純粹老作, 完全靠吹, 唔好認真, 萬勿當真.

TOP

163/51949

哪,真係作架 ja,咪個當係真呀哪。

醒目仔係屋 chuen 長大,發現三姑六婆唔只係用黎話 d 八婆;好多八公都可以 用哩個 term 黎形容。

科學 d 講;即係正常靈長類 ge 正常心理同生理反應。

醒目仔經長期研究,並以受害人 ge 身份親身經歷,發現三姑六婆類生物係收唔到口 ge。

由其是係三九唔識七 ge 人面前或者搭緊野 (唔理係 “lip” 車定係船) ge 檸檬時間。

搭野期間個種口沫橫飛 ge 程度,直情令人髮指。

於是,全新部門就安排 d 查案員扮的士佬,專嚮幾個熱門部門等客,乘機索料。

熱門部門自不然包括風光 sir 個竇口。

唔係小肥搵大家老襯,係車度好多人都會口水亂噴,認屎認屁。

無他,同上網一樣,起個馬甲陳小肥,阿誰識你咩;車天車地,全無責任義務。

聽到乘客吹水又點,唔通羅得黎做證據咩。

梗係唔得啦;但係,都叫有門有路,知到點搵呀嘛。

TOP

164/52051

又係個句 ... 話說某次風光 sir 帶隊去過大海,又係未夠鐘收工就閃人個隻。

幾條友截左家二五仔的士過海去碼頭。

其中一個講起話 d 船飛係阿邊個邊個感恩圖報送 ge。

原來風光 sir 出身木屋區,所以有 d 原則。

佢打死都唔肯做 d 佢認為真係傷天害理 ge 事。

放水,叫施恩 ... 等緊回報。

飲食,叫亮相 ... 阿 sir 人在。

黑錢,佢點都唔收;細 ge 點做 ... 佢無見到喎,見唔到即係無啦。

當然,財來自有方,蛇自有蛇路。

原來,好多案件 (特別係騙案,冒牌或者商業糾紛報案之類),受害人唔一定追唔返 d 錢。

要返追 d 錢;一係就有後臺,一係就搵到賊人 ge 財產,告 Q 個賊,追究個賊 d 身家財物。

當年黎講,鉈住支鐵,起人字容話都無咁容易。

連你係邊間竹館邊張檯輸幾錢都查到;無話家下咩私隱呀,保護呀諸如此類。

於是,由最初開始,因為同情而過料俾個受害人,一路發展到有 d 受害人自動識做,最後到不問真新假鬼,明碼實價賣料。

TOP

165/52191

風光 sir 唔使收虧都豬濃籠入水。

因為無收規,出面班撈家,行內班同袍就更加俾面;無欲則剛嘛。

過料,又係天知,地知,買賣兩家先知。

風光 sir 真係風光到極,面子裡子齊曬。

係的士上面,係汽車渡海輪上面,成班友係咁擦,風光 sir 笑住受。

又即係連環爆。

嘩,講完一單又一單;雖然片言隻字,但係,慘得過聽者有意,有心算無心。

的士佬就在心中呀。

個的士司機返到本部,即刻上報;上頭即刻立案,準備查風光 sir 哩隻大老虎衣不稱身勒。

最重要係,風光 sir 身處高位,又無倚無靠,唔搵你做燈搵邊個。

查下,查下,查到咁上下;全新部門班友有些少拗底。

話曬風光 sir 有咁上下斤兩,好易牽一髮就動全身。

於是,全新部門班哥哥就穩陣,納齊成個 file 搵風光 sir 阿頂傾傾偈先勒。

TOP

166/52348

即炒即起 ...

點解班友如斯穩陣。

一來,風光 sir 夠大粒。

二來,查案手法唔真係咁光明正大。

三來,風光 sir 出左名辣手;正所謂 ... 好佬怕爛佬,爛佬怕喪佬。

風光 sir 出名係喪,唔喪點會夠膽係百化齊方年代唔同流合污。

最重要係,喪得黎,有支九仔係身呀,大佬。

風光阿頂都係人精。

你班有契哥 ge 人搵阿 sir 過竅 ... 得架啦你地 ...

風光阿頂於是話:依法而為,絕對認同,部門絕不阻撓,盡力不放過任何一個牛鬼蛇神。

嘩,又依法,又盡力;阻撓,點阻撓呀。

即係講過咩呀,講左等於無講。

送就左辦瘟神,阿頂都好唏噓;不竟風光 sir 真係做野 ge 人。

於是,阿頂就突然間急尿。

唔覺意行左去風光 sir 個邊個詞所殊殊。

又咁蹺翹風光 sir 同個細 ge 入廁所。

阿頂同件細 ge 講:幫阿 sir 買支媽媽奶。

跟住,睇勻廁格;之後同風光 sir 一五一十。

風光 sir 聽完冷笑一聲 ...;然後話:人死鳥朝天,不死萬萬年。

TOP

167/52448

又係即炒即起 ... 剛剛收工。

阿頂一聽;當堂突一突。

心想,掉,條加長又發傻勒。

把口就話:唔好衝動。

風光把口一樣照舊,唔收 ... 老大,擔定喎,細佬家下好實在咁冷靜喎。

阿頂:你冷靜,阿 sir 重驚呀,阿 sir 叫你大佬啦,唔好攪單大龍鳳呀。

點解阿頂咁講;原來當日風光 sir 出頭上位就係因為夠辣,夠喪。

唔係太辣,太喪;點會真係連一 d 再上 ge 機會 都無 (雖然係微乎其微)。

上頭就係怕佢養唔熟。

風光當日重撈緊散仔,佢當時位大 sir 俾第個環頭某撈家剃眼眉。

風光知道,粒聲唔出,單拖去踢撈家個大檔。

一入門口,拍支炮仔係攤檯上面,就嬲隻抽。

抽低七個打仔,個個唔係斷手就斷腳。

跟住,廿幾卅人面前,係攤檯羅十皮話去食雲吞麵,揚長而去。

另一次重喪,為左捉個扮郵差 ge 入屋行劫;飛身係幾十級跳落去撲個疑犯,拉人兼破左單連環入屋行劫案。

哩兩件事發生之時,風光 sir 一樣係好冷靜。

阿頂重想講野。

風光 sir 就話:叫班鹹蝦自己黎同阿 sir 講啦。

跟住又話;再唔係,咪砌生豬肉羅;唔識,等阿 sir 教佢點做。

接住重話:孤兒仔,係擺明無人鍾意架啦。

講到咁,老頂都無野好講。

好彩,公道自在人心,老頂都的起心肝 ...。

點話點好,風光雖係個異類,始終係自己友,自己亦因為佢 ge 工作能力,承惠唔小。

哩煲,老頂決定撐佢;係成個部門撐佢。

何況,老頂都就咬糧咯,退休之後,理得你洪水滔天,死人 lam 樓啦。

註:記住,唔好用今時今日 ge 標準去睇風光 sir 件事。

TOP

168/52539

重趕緊野;吞個泡,招呼左各位老細先。

老頂話頂,話頂;都傻唔曬。

跟風光 sir 談完心之後,老頂就回返過個邊。

老頂話:好簡單,依法辦事,斯斯文文,就你有你做;阿蛇當被鬼遮住對眼。

若然係使橫手,出古惑,幾千對眼睇住阿蛇,有咩事真係唔方便做嫁娘。

重有,出黎做野,怕咩三口六面;風光叫你地上去同佢傾。

全新部門班友一聽,當堂耍曬霖。

鬼咩,過契轉飯鑊個班,有邊個唔知風光 sir 個底;真係會死人架。

搵老頂,只係想俾 d 壓力;估話拋到風光 sir 。

廿幾歲重攬住條柱班讀書仔,知道個 d 所謂堅料,不外乎係傳聞證據,hearsay,聽返黎。

甚至係聽上聽,所謂 double hearsay;邊有官肯信。

當時去問 d 街外證人,即係出錢收料個班;一係感恩圖報,一係精過無尾蛇。

何況重係現金交易,追無何追。

最邪惡係,風光 sir 時運高,中幾次大冷馬;想鋤得入佢衣不稱身都牙煙。

於是,單野就好似放低左。

全新部門班老笑佛亦準備收皮,唔再攪風光 sir。

風光 sir 就繼續風光。

當然,一切踩界 ge 野 ... 暫停。

班手足借落 d 數,風光 sir 攬埋;費事有人累全家。

但係,班讀書仔就心心不忿,瞞住班老鬼,想話整煲大茶飯。

TOP

169/52688

好,繼續 ...

小人哩樣野,成事不足,敗事有餘。

指意佢幫,實聽乞米;但係,要壞事佢就易如反掌。

小人中最麻乜煩,就梗係讀過書個種小人。

班讀書仔,睇咩都唔順眼;更加睇唔起 d 無留過學,上過大學 ge 老鬼。

自信心又爆曬堋兼盲目,全部人都係錯 ge;得佢地無錯。

被風光 sir 彈到一棟都無。

班讀書仔 chok 住度氣,頂到上心口。

係要整條鉈鐵佬;已經去到障目 ge 地步。

黔驢技窮,竟然傻到話想放蛇。

點知攪黎攪去,老鼠拉龜;風光 sir 直頭請左仇志強黎睇門口一樣。

註:唔識仇志強 ... 都好打有限 ... 亞洲第一鋼門呀,大佬。

估話搵風光 sir 班細 ge 入手;一早講左,阿 sir 攬曬 d 街數。

除此之外,風光 sir 重係出面打曬招呼 ... 邊檔招呼佢班伙計,即係唔招呼佢。

結果成班人要賭,就得個塘水滾塘魚。

咁黃同毒呢;妖,叫雞使得幾錢,落 club 有阿 sir 找數。

毒 ... 太敏感啦;自己想個劇情啦。

可惜,人算不與天算。

漏洞竟然係出在個紅膊頭紅雞繩兼風光 sir 最睇好 ge 後生仔度。

風光 sir 亦從來無想過會係佢

TOP

170/52779

聽日卒之可以攤頭下。

先解解畫。

傳說:紅膊頭 = 識英文。

傳說:藍膊頭 = 識法文。

傳說:紅雞繩 = passing out 成績好。

本來系出名校,因為家庭關係,影響學業,會考畢業科科光頭。

決定投身社會。

好彩學校個 father 寫信加搵班同鄉射住。

所以入左學堂,準備由散仔做起。

紅雞繩學堂出黎一段時間 (總之比其他人快啦),因為程度唔差 (個時講緊小學畢業都可以入職)。

又算係有些少後檯,重根正苗紅,有根有 “襁”,好快調到做雜差。

重家山有福,跟到風光 sir 。

紅雞繩穩穩重重,記得無後為大;跟左風光無耐,就黐左隻二索然後拉埋。

二索有個細佬,都讀得下書;情況就有 d 似紅雞繩舊時。

又係要半工讀,因為屋企窮。

結果成績好飄忽,主要睇佢使唔使開工。

紅雞繩見到咁,就同老婆死慳死抵,供佢讀書。

舅哥仔又生性做人,一個唔覺意比佢入到大學。

個時讀得大學,窮家子弟唔係無;但人數絕對小過二代個邊。

日日睇住人放學呼朋喚友,ja 車去食飯;班克苦學生,難免有些少羨慕。

有計仔 ge ,咪搵兼職羅。

舅哥仔唔敢玩兼職,俾家姐姐夫知道呀,得了。

事實上,自己亦有童年陰影 ... 哩,成績飄忽個下呢。

佢真係驚,雖然大學好小肥人佬;但無話唔肥得人佬。

突然某天,舅哥仔係漆黑一片中見到光明 ... 定係飛蛾撲火呢。

紅雞繩哩條線,點睇都係兄友弟恭,上進勤奮,無奶油有鑊咩喎。

下回分解 ... ... ...

TOP

171/52894

今天 又 hea 足成日。

學校係一個小社會,學生來自五湖四海,三江八方,真係咩人都有。

舅哥仔同幾個來自 ... 咁高 ... 咁大 ... 咁上下家庭環境 ge 同學仔玩得埋。

原來其中一同學個屋企係賣字花,開煙仔檔 ge。

無野 ge 交朋結友講心腹,唔係睇屋企。

所謂:曹操也有知心友,關公亦有對頭人。

幾條後生,手頭唔係咁多閒錢 (或者其中一 d 手頭無咁鬆動)。

平時行埋都係買二兩孖蒸 (啤酒都重係貴),吹水唔抹嘴,天南地北,吹得就吹。

講下講下,就講到錢銀問題 ... 因為個個都係莫哥,莫財個莫。

又講下講下,就講到賭。

講到賭又有人提到話有套戲話咩有條鐵欖,咩無得輸呀咁。

又講下講下,字花仔就話:真係有人有條鐵欖喎。

字花仔又話:ja 鐵攬條友係開外圍 ge,查實係佢契爺,兼係佢老竇 d 黃紙兄弟。

於是成班發錢寒就雞喙唔斷,係度研究字花仔條所謂鐵攬。

個條鐵攬,其實好簡單;搵隻贏梗 ge 冷馬,穿勻其他買 曬咁多條 Q。

問題係,去邊度搵隻贏梗 ge 99倍。

字花仔當堂就俾人妖,妖完重要俾人炒芥蘭炒天光。

隔左一短時間,大家都無左件事。

點知,字花仔突然吹雞。

人齊之後,字花仔話有料到。

字花仔話琴晚,佢契爺特登 waan 老竇食飯。

字花仔:契爺叫埋老竇夾份;佢話有隻馬。

大學生甲:咩馬。

字花仔:新馬;跑過兩場,第一場入唔到閘,第二場 ... 包尾。

大學生乙:吊,即係跛馬。

舅哥仔:佢講得梗有原因 ge;唔好插嘴住。

字花仔:哩隻野,係馬主特登煲 ge,收埋黎養;特登要無人留意,要減分 ge。

大學生乙:你契爺又知。

舅哥仔:馬主係契爺老細。

字花仔:叻仔。

大家:餓。

字花仔:馬主飲大兩杯同契爺講搭通天地線,連點做遮檔,點留,點去,點走位;之後點分法都講好。

大家七嘴八舌:話,咪 ... 贏 ... 夠 ... 硬。

舅哥仔:重一定好分,慢下手九廿九倍添喎。

字花仔接住:使咩講。

字花仔:所以老細叫老竇注意住 d 欖,咪一個唔覺意被人老襯當旺煲爆廠。

成班人突然起哄:鐵欖 ... ...

於是準備夾錢;點知加加埋埋,跑盡山,都唔夠一千銀,實得八百幾。

當贏到盡,一場馬九隻,八條 Q ,兩注中 = $100 X 2 X 100 = $20,000 分四份,每人得哥五撇水。

正式係做醋唔酸,做糖唔甜。

幾條友當堂啤一聲。

鞋,好一個百年難得一遇 ge chance 呀。

天呀 ... ... ...

字花仔嘩一聲:有計。

TOP

172/53002

字花仔一聲有計之後話:買外圍,有折重有得賒。

話口未完,字花仔就俾人拍到七個一皮:超也麼,去你契爺度落欖呀,實頭。

字花仔:係契仔唔係契 ... 嗌 ya,邊個飛隻拖鞋過黎。

有把聲話:去你契爺度落,咪通曬天;佢肯受咩,契弟。

字花仔:無想過落去契爺度喎。

又有人問:咁落去邊。

字花仔:未想個喎,只係慣性作用,想起就講 ja 喎。

有人話:忍屎忍尿好過忍你。

舅哥仔:見財化水,慘絕人寰呀。

眾人:天妒英才呀。

當各人籌謀莫展 ... ... ...

字花仔又嘩一聲,又話:有計。

幾條沙漠友一齊哄埋去:咩計。

字花仔:都係外圍。

各人:講落去。

字花仔:幫襯第檔外圍。

有把聲又話勒:掉那星,都唔嗅米氣;三九五識七,邊檔肯俾你賒呀。

有人又問勒:起碼要落盤多兩盤水先有用喎。

舅哥仔:艸,去到咁盡。

字花仔:差唔多啦;買 Q 之外要買埋 “WIN” “PLA” 先穩陣。

成班細路又起哄,係度七嘴八舌,買乜買物。

佢地真係覺得贏梗;百幾萬未開頭咁款。

字花仔:咪濫嘈住先啦,聽埋落去先啦。

字花仔跟住問舅哥仔:你姐夫守邊度呀,家陣。

TOP

2013-12-26 死 server

173/53098


正所謂天理循環,簷前滴水,今日 ge 因,明天 ge 果呀。

挑 ... 剔 ge 梗會話,乜因乜果都係你寫 ja 嘛。

這個嘛 ... 睇故唔好駁故,OK;繼續 ...。

繼續 ... ... ...

舅哥仔都挑通眼眉:關姐夫咩事。

字花仔:哪咁,細佬就有人面無牙力;你姐夫呢就有牙力無人面。

舅哥仔:唔好攪到姐夫喎。

字花仔:無,拋浪頭 je。

舅哥仔:即係點呀,契勾。

另外兩個:係呀,係呀,即係點呀,契勾。

字花仔:哪 ...,睇下你姐夫邊個環頭;細佬就搵哥個環頭 ja 外圍 ge uncle 落欖。

舅哥仔:得咩。

字花仔:得,你跟埋去,嚮朵兼照保咪得羅。

舅哥仔:人地信咩。

字花仔:細佬老竇同契爺唔係流 ge 。

其他人:妖,人地識舅哥仔係老鼠呀。

字花仔:所以咪要搵 uncle 羅;為弟細佬可以落嘴頭呀嘛。

舅哥仔當堂心郁郁勒。

其他人一齊慫恿,拍曬心口,兩脅插刀。

於是,成辦友就柴娃娃去買外圍。

個外圍佬,大麻成,唔係傻得曬。

見佢四個老襯,傻更更,上到黎話要賭成兩個銀錢白頭片;當堂打個突。

大麻成唔想得罪人,事實係有多小避忌字花仔後面兩條大杉。

大麻成:細侄,有無同你伯爺講聲呀。

字花仔:無,唔關細侄事;細侄純粹做艇仔,執杯咖啡錢 je。

大麻成望下舅哥仔:紅雞哥叫你黎落欖架;咁關照呀,佢一向無幫襯開喎。

字花仔都古惑:佢本來話去馬會 ge;不過字花仔話哩度有 discount 同 credit 喎。

大麻成:下,咩奸,咩跌話。

字花仔:折頭同後數呀。

大麻成望返字花仔。

字花仔:唔俾得老竇知架,你知佢唔想細侄掂偏門啦。

大麻成:刁,家下撈外圍,字花好失禮咩。

大麻成繼續話:又唔係姦淫擄掠,殺人放火。

字花仔:係羅,有強姦無焗賭呀嘛。

舅哥仔:掛住講,唔記得要買咩添;借個電話打俾姐夫問問。

原來,舅哥仔真係古惑 (唔通真係家窮少當家);早一晚做節,同姐夫講話有內幕貼士,問姐夫買唔買。

結果成家人夾左兩舊水,估話買黎高興下。

大麻成睇住佢撥電話,頭哥幾個字就係勒。

跟住聽到 “大房”;然後就係 ... 紅雞哥 ... 哦,姐夫,幾場幾號,咩 win pla Q 咁。

大麻成心想,一睇就知字花仔有份啦。

又想字花仔 ge 老竇同契爺成日提住有個讀大學 ge 仔 ... 車,咪一樣買外圍。

大麻成即刻有惡作劇成功感覺;等你地知個仔買外圍時,就睇下點。

最後,大麻成就叫人開單收欖;跟住同班後生落樓飲咖啡;因為,佢個女都準備升預科勒。

索定料嘛。

楚原講得好:可憐天下父母心。

174/53224

光陰似箭,日月如梭;好快又到左跑馬仔個日勒。

好快又到左跑馬仔個日之後個日 ge 晚頭黑勒。

字花仔:契爺,又話贏梗 ge 隻畜生。

契爺:話明係畜生,無性架嘛。

字花仔:真係俾 ...

字花仔老竇:衰仔,你講咩呀,關你咩事呀。

字花仔 ...

花開兩朵,各表一枝。

舅哥仔:姐 ... 夫 ... ,因為咁咁咁,所以咁咁咁,然後就咁咁咁。

紅雞繩個老婆:衰仔 ... 學人賭錢,重爭人咁多錢 ... ...。

一路又打又鬧成半粒鐘。

紅雞繩:老婆,唔好鬧住 (紅雞繩知道老妻係以退為進),等陣先鬧啦。

紅雞繩個老婆:老公,你點都要幫細佬呀。

紅雞繩:幫,點幫呀;咁大舊錢 ... 去偷去搶呀。

紅雞繩個老婆:問你大佬借呀。

紅雞繩:借條毛呀;阿 Sir 哩排都手緊,更落重 order 話唔準有事。

紅雞繩搖搖頭:俾阿 Sir 知有小動作,分分鐘連份工都無埋。

紅雞繩:亦無理由咩都靠阿 Sir,佢近排好頭痕;無無謂謂唔好煩佢勒。

紅雞繩問舅哥仔:同邊個落架條飛。

舅哥仔:大麻成。

紅雞繩:同大麻成傾傾先啦。

紅雞繩:喂,成哥呀,紅雞繩呀;有野想同你斟斟。

大麻成:紅雞哥,係咪你條數呀。

紅雞繩:下,細佬條數 ... 。

大麻成:你舅仔幫你買個場馬呢;方便就早 d 找埋,公司要交數啦。

講到咁,紅雞繩無得縮。

紅雞繩:得,聽日上你度傾。

175/53349

第日,晨雞咁早,檔口都未開工。

大麻成:紅雞哥,唔係細佬唔熟性呀;條數實在係大,連阿公都問起呀。

紅雞繩:成哥,你都知啦,係班細路唔生性,整個大頭佛出黎。

大麻成:真係難呀。

紅雞繩:幫下手啦;班手足平時都無麻煩你地呀。

大麻成:手足。然後話:風光 Sir 係俾面 (心就想,靚仔,狐假虎威呀;佻) 。

大麻成:鞋,去到盡,扣埋自己留低個份,俾個七折你勒。

字花仔:成叔,閒日都係九折收啦。

舅哥仔拉下字花仔件衫:殊。

大麻成用眼尾望下紅雞繩,然後對住字花仔:細姪,你唔知搵食艱難,坐個位唔大唔細重艱難。

事實上大麻成無講錯;對上面重容易話為,最多爹多兩句。

佢 "咩" 得起檔野,公司點都俾幾份薄面。

對住班細 ge,佢輸人都唔可以輸陣;"咩" 條鐵上黎,吵都未吵過,就話無數,班細佬會點睇。

出面白口白濫讒 (讀:藍蠶),傳下傳下,話佢流過劉家年,求其一個差仔上到黎,都可以又食又擰。

到時,咪係人都叉隻手埋黎。

個檔口唔係天跌落黎架;真係有血有汗架。

註:又唔識劉家年呀,有無睇過部偵探電視劇呀。

最怕就係傳下傳下傳返公司,話佢同紅雞繩串埋打窿通。

嘩,佢個位九百幾人謀住架;何況,大麻成一樣有家爺仔 na 架。

紅雞繩:分期還得唔得,成哥。

大麻成:無咁規矩喎;一係當你羅數羅。

字花仔:嘩,咪九出十三歸,釘疊釘。

紅雞繩:成哥 ... ... ...

哩個世界,無鬼真係唔死得人。

當成班人 gi gi jam 之際,大麻成賬房入面有人係度冷笑。

哩個人聽曬成段對話,一路聽一路笑;最後重講左句:天網恢恢呀。

佻,你出來行講天網恢恢,誇左 d 喎。

無錯,哩個講怪話 ge 人,就係當日被風光 Sir 踩爆場 ge 番攤檔老闆。

自從風光 Sir 個鑊之後,佢真係好難起頭。

真係:命媯讞w,難以強求,佢一出去難奔走,就算有 lo 亦唔算有,就算有都好細兜。

註:識就一齊唱啦;唔識呀 ... 搵人教啦,隻歌咁正。

番攤檔老闆係大麻成度老通推牌九,剛剛就係俾班人拍門嘈醒左;然後就係賬房度偷聽。

176/53449

番老闆一路摸住佢舊爛鬼古玉,一路係度口 ngaap ngaap ... 做你世界,做你世界。

哩次一定要做你世界架勒;問題係點做好呢。

又叉一嘢。

玉器做舊好多方法,有人用泥埋 (瓦仔,銅器多數用哩招),有人用血浸 (多數用係玉器上面,用黎扮明器,入過土),有人用化工原料,天然材料例如尿同汗 (地攤手法);五花八門講唔曬咁多。

個 D 鍾意用口含住舊古玉,就你諗你。

重有,古代好多時都係用玉掟口,或者用黎封竅 ... 五官七竅大家都知勒,咁重有一竅呢。

Continue ... ... ...

番老闆繼續係度口 ngaap ngaap ... 稟神咁稟 ...

... 班手足平時都無麻煩你地呀 ... 風光 Sir ... 俾個七折你勒 ...

番老闆:咪即係風光同班手足黎羅七折;重係外圍。

番老闆突然靈光一閃:全新部門咪專捉哩 d 以權謀私。

出黎 lo 最緊要係咩 ... 有口齒 - 錯;夠義氣 - 錯;人醒目 - 錯。

Ok,ok;係小肥錯,上面全部都正確。

但在哥個關鍵時刻,出黎 lo 最緊要係 ... 知自己 ge 位置。

做偏門去報案,阿生你貴姓,住開火星定水星呀;地星真係好危險架,早 d 返歸啦。

番老闆坐言起行,好快就去到全新部門。

番老闆:阿蛇,哩度係咪補襪架。

接待 Miss:係,包保密實。

番老闆:就咁,有單堅料要爆。

接待 Miss:會安排同事同你面談,你請等等下。

番老闆成世人都未試個係衙門做大爺。

佢竟然大大聲話:唔好話要等好耐呀,係乜界名人風光 Sir 。

番老闆又唱:等得耐,阿叔走架啦;因住蘇州過後呀。

接待 Miss 立即安撫住番老闆:先生,請保密;好快有同事黎招呼你啦。

全新部門班讀書仔同風光 Sir ge 恩恩怨怨成個部門都知曉。

接待 Miss 相當醒目,即刻將個 case 過比班讀書仔。

於是,就由班讀書仔會見番老闆。

番老闆重買棺材唔知訂;拿住杯齋啡,係度實下實下咁頭岳岳,兩頭踱。

177/53559

今日係聖誕節,作晚係平安夜;有無刷鑊勁架,無就睇下圖頂多陣先咬啦 (因為死 server,無左圖)。

番老闆係間有油皮沙發,四正光亮 ge 房等左一陣。

有兩個後生仔入黎,介紹自己係讀書仔甲同乙;係個度 ge 主任。

讀書仔甲:番先生,你貴姓呀。

番老闆:小姓番。

讀書仔甲:你睇,年紀大真係無咩記性。

番老闆 (覺得有 d 怪):哥仔,睇你都未過三十喎。

讀書仔甲:哦,未老先衰呀嘛。

讀書仔甲:係呢,你有咩資料提供呀。

番老闆搶住話:係關於一個叫風光 ge 阿蛇。

讀書仔甲:係呢,哩個風車 ...

番老闆又搶住話:係叫風光呀,阿蛇。

讀書仔甲:你睇,真係論盡,咁都聽錯。

番老闆當堂嘴藐藐:又話精英。

讀書仔甲:讀書仔乙呀,不如你幫手記低啦。

番老闆:下,要記低。

讀書仔甲:無 ...無 ...;在下記性唔好 je。

番老闆於是就一口氣講曬紅雞繩單外圍野同佢自己個套:風光同班手足黎羅七折重係外圍。

繪影繪聲係必然 ge 動作;加鹽加醋更無可能避免。

哥剎那,番老闆覺得好痛快。

但係,好奇怪,成個表白過程,兩個讀書仔都無提問;即使出現犯駁或者含糊。

番老闆無受過訓練,當然唔識啦。

同埋,哥個年代,使鬼正正式式落口供咩。

二來,閒時洗太平地,自然有替死鬼去舉手。

最重要係,坐得房耐,下面 d 業務唔熟呀。

所以,番老闆連落口供 ge 經驗都無。

而兩個讀書仔都無提問就真係麒麟形勒;一 d 都唔科學,直頭係化學。

番老闆講完。

讀書仔乙:哦,原來係咁。

讀書仔甲起身:機響,去覆覆機。

番老闆:有野響過咩。

讀書仔甲無理佢行左出房。

讀書仔乙就話:番先生,你睇睇份筆錄,無問題就簽個名啦。

番老闆:下,點解要簽名架,唔係講完就 ...就 ...就得架。

讀書仔乙:要簽名作實架嘛。

番老闆:細佬,你玩阿叔呀,之前又唔講。

讀書仔乙:先生,哩個係法律要求。

番老闆:采你都傻,阿叔走啦。

讀書仔乙:先生,若然你係報假案,浪費公帑 ...

番老闆:下 ... ... ...

讀書仔乙:先生,若然你真係犯法,將會被拘捕同檢控喎。

係哩一分鐘,番老闆覺得自己踩屎勒。

但係,番老闆重係度頂:阿叔 ... 嚇 ... 嚇 ... 大 ge。

當然,佢係頂到牙血都出埋個隻。

讀書仔乙:真係。

然後陰陰嘴笑。

番老闆當堂撻皮變左軟腳蟹。

註:上文 “拘捕同檢控” 好似好牽強;其實可以從另一個角度睇睇:

(1) 要簽名作實架嘛 – 可以唔簽架嘛 (雖然讀書仔乙無講明) 。

(2) 哩個係法律要求 – 口供係需要簽名作實;但又係可以唔簽架嘛 (雖然讀書仔乙無講明) 。

(3) 報假案,浪費公帑 - 報假案,浪費公帑係犯法梗係要拉要告;問題係番老闆有無報假案,浪費公帑。

哩 d 唔係騙,係說話 ge 技巧。

178/53694

小肥傷風 ... 重係大個隻 ... 所以食左藥 ... 導致產生幻覺 ... 引起大腦閉塞 ... 結果係 ... 小肥寫 d 野 ... ... ... 真係睇下好啦,唔好當真呀。

同埋,唔好對個 “mon” 咁近呀;因住傳染呀。

Let’s continue ...

讀書仔乙見好就收勒。

讀書仔乙:無野 ge;簽左只係內部參考,用黎同上面交待 “姐”。

番老闆:官字兩個口,你講咩都得啦。

讀書仔乙:有怪莫怪,細路仔唔識世界。

哩個時候,讀書仔甲就返黎,重拿住袋三文治。

讀書仔甲:一路食一路講。

於是,兩個讀書人加個弱勢社群就係度爹勒。

其中一方就旁敲側擊;另一方就鬼鬼祟祟。

始終一對二,重且係有心算無心;結果當然係問個邊索夠料 ... 起碼知個來龍去脈。

可以行第二步勒。

果不然班友查案真係咁利害,一環接一環,步步緊扣;嘩,好驚呀。

梗係唔係啦;小肥作架 ja。

第二步開始勒。

所謂來龍去脈,即係知番老闆做邊行,番老闆同風光 ge 恩怨,番老闆同外圍佬 ge 關係。

到最後,番老闆嘆左口氣。

然後將最後個塊仔蛋治放埋入口。

跟住就係第二份筆錄度簽埋名。

一件係簽兩件係簽,無所謂啦;番老闆係咁想。

兩個讀書仔,ja 住兩份筆錄行左出去。

番老闆又想:都走得啦卦哩次 ... 真係生不入官門,下次咪滾 gaau 阿叔。

十分鐘到,兩個讀書仔 ja 住份野行返入黎。

番老闆:走得 ...

番老闆未講完,讀書仔甲就話:番先生,而家正式拘捕你,因為你涉嫌 ... 呀,通俗 d 講 ... 經營非法賭博場所。

番老闆:下,你玩阿叔呀,大檔,你地管得到 (讀:倒) 咩。

讀書仔甲:番先生,你完全對;所以,係正式拘捕你之後,會將成件案連閣下,一併移送風光 Sir 個邊跟進。

讀書仔乙:當然,個外圍檔一樣會以同樣方式處理。

番老闆:大佬唔好玩啦。

番老闆:真係怕左你先怕米貴啦;你去拉風光 Sir 啦。

讀書仔乙:番先生,真係好抱歉,頭先你講個 d 唔夠料指證風光 Sir 喎。

讀書仔甲:不過,你份口供就認左開大檔喎。

番老闆:又話內部參考,用黎交待。

讀書仔乙:係喎,第一份呀嘛。

讀書仔甲:第二份 ... 呀,咪講明唔係是必要講個 ja 野羅;警告過你啦。

番老闆:只係以為用黎做呈堂證供隊風光 Sir  ja 喎。

讀書仔甲:唔早講。

番老闆: ... ... ...

番老闆當堂撻多次皮變多次軟腳蟹,然後自然自語:捉蟲啦真係。

頂唔緊啦,要食藥啦;係咁先啦。
附件: 您需要登錄才可以下載或查看附件。沒有帳號?註冊

TOP

2013-12-26 死 server

所以由 173/53052 再開始

番老闆:你地同風光有仇 je。

無人理佢。

番老闆:你地實情想點呀,大佬。

都係無人理佢。

番老闆:有咩咪開心見誠羅。

仍舊無人理佢。

番老闆:阿 ... 唔係,有咩細佬可以做架。

仍舊都係無人理佢。

番老闆:你地話點就點勒。

讀書仔甲對住讀書仔乙話:係呢,上個月個邊咪有個案例關於 super grass ge。

番老闆唔明,眼望望。

讀書仔乙對住讀書仔甲話:唔係 under-cover 黎咩。

讀書仔甲:唔係。

番老闆唔明,眼望望之餘,卒之忍唔住:阿蛇,即係點呀。

讀書仔甲:super grass 唔好意思,即係邊緣人。

番老闆明啦哩次:下,即係 ... 二 ... 五 ... 仔 ...

讀書仔甲:無咁大件事 ...

讀書仔乙:多謝番先生你深明大義 ...

番老闆:唔得架,三刀六洞要扎棍架。

讀書仔甲:咦,風光 Sir 係社團人呀。

番老闆:唔係,無講過佢係。

番老闆有 d 滾勒 (江湖人始終有講究):唔好屈得就屈喎。

唔係社團人咪得羅;街外人,重係當差,講咩義氣呀你,唔化。

顧掂自己先啦。

不過,轉頭,番老闆佢又軟返;番老闆:夾硬做落去,好無陰功架。

讀書仔乙:好,唔講哩筆。

番老闆當堂鬆左口氣。

讀書仔乙:不過,部門方面想咁 ... ... ...

番老闆:下,咪重大鑊。

讀書仔乙:天知地知,你唔講,內部唔講,阿誰知呀。

番老闆:下 ...

讀書仔乙:你不過係搭條線 je,其實都只係搭句嘴。

TOP

175/53156

外圍佬:喂,邊位。

番老闆:外圍佬呀,番攤佬呀。

外圍佬:咩事。

番老闆:無,有人想掘條友 d 料。

外圍佬:打黎做乜。

番老闆:你咪識紅雞繩 ge。

外圍佬 (想都唔想):咁又點。

番老闆:無,想叫佢幫下手;價錢照規矩俾足。

外圍佬:挑,哩 d 野都好插手 ge。

番老闆:...

外圍佬:你又知識紅雞繩;其實同佢都唔熟。

番老闆:無,個日聽到你地傾馬攬。

外圍佬:單野係字花佬個仔經手。

番老闆:下,重有字花佬。

外圍佬:哪,你有野就斟斟字花佬個仔啦;哩 d 野無謂沾手,有手尾架。

收線。

番老闆:兩位阿蛇,聽到啦;唔係一兩舍人喎;有咩移郁,瞰世界都知喎。

讀書仔乙:咁呀。

讀書仔甲:試下字花仔啦。

讀書仔乙:會唔會揚左些少。

番老闆:係羅。

讀書仔甲:試下先啦。

TOP

176/53290

讀書仔乙拉讀書仔甲一邊:使唔使稟上去先呀。

讀書仔甲:稟上去,好多限制喎。

讀書仔乙:哪,有焦你食呀。

讀書仔甲:得啦 (心就想,有鑊,你走得甩咩;起碼落個知情不報啦)。

跟住行返埋番老闆處;讀書仔甲:點找到字花仔。

番老闆慣經之之助助。

跟住,讀書仔甲:哪,做戲做全套,家下正式拘捕,點都要搜下身。

讀書仔甲:搜完身再做擔保;拿拿臨,求其摸下得啦。

摸下摸下,讀書仔乙:咦,有本旅行證件 ge。

番老闆:無,原先想話報完串之後 ... 呀 ... 行開下 je。

讀書仔乙:行開下。

讀書仔甲:有無漿糊呀。

讀書仔乙:下,咩話,漿糊。

番老闆:阿蛇,唔好 ... 呀 ... 想點呀,阿蛇。

番老闆話口未完,讀書仔甲就將證件上幅相撕開左。

讀書仔乙:做咩呀。

讀書仔甲:無,用漿糊黐黐佢。

讀書仔乙:黐 ... ... ... 

讀書仔甲:再落多條 - 虛假旅遊證件。

讀書仔乙:點解。

讀書仔甲:理由就係 ... 張相有問題;個證件暫時作為證物收起。

讀書仔乙:下,有指模喎。

讀書仔甲:叫佢自己黐羅,兜。

然後,讀書仔甲對住番老闆話:費時你周圍走,唔見人啦 ... 證人。

番老闆: ... ... ...。

讀書仔甲:你明 ge。

番老闆: ... ... ...。

TOP

177/53414

長話短說,中間個 d 跳過佢。

註:跳過個 d 請自踱。

總之,某某洗太平地,大家都方便 ge 日子;番老闆夾到字花仔出黎勒。

係間咖啡室度 …

字花仔:阿叔,你僭細佬出黎做乜。

番老闆:哥仔,阿叔唔係雀,你又唔係籤,僭你出黎託咩。

字花仔:咪勒,哥前哥後三分險。

番老闆:乜咁拒人千里呀。

字花仔:有咩好關照呀叔臺。

番老闆:真係有 d 野關照你就真。

字花仔:真係有關照 ... 乜得咁錯蕩呀。

番老闆:細路,你都算牙斬呀下。

字花仔:細 ge 係字花佬個仔,契爺係外圍佬。

番老闆:識得呀。

字花仔:識就鴛鴦,唔識就兩樣;伙計,黎杯兩樣潤下喉先。

TOP

178/53534

番老闆心想 - 鞋,虎落平陽 ... 鞋 ... 采,采,采;咪即係話自己係狗。

字花仔:係呢,未請教你呀,邊位叔父呢,係邊 “樹” 發達呀。

番老闆:番老闆,開攤檔 ge。

字花仔:阿叔,大家都係拜二哥,你三五成群,細姪亦有叔伯兄弟。

番老闆心想 - 忍,忍,忍 ...

番老闆又想 - 真係忍屎忍尿好過忍你呀死飛仔。

番老闆:都係閒話一句 je;無咁大件事。

字花仔重笑笑口:有野可以攤開黎講。

番老闆:係羅,唔 ngaam ge 話,咪粉牌字,抹左佢羅。

字花仔:係嘩。

番老闆:年青人,實情係想拜託你幫個手。

字花仔:細佬呢 ... 人又老,錢又無,老婆又大肚,妾侍又走路。

番老闆:後生仔,咪個咁快推定個庄先 ja。

字花仔:睇過。

番老闆繼續:呢哪,件事就係咁 ... ... ...

字花仔努露出若有所思 ge 表情。

番老闆就係咁之後就話:唔得就真係抹左佢,當無講過。

字花仔:嘩蟹,你點知。

番老闆:係外圍佬度聽返黎 (外圍佬哩下真係躺著中槍,死左都唔知點解)。

字花仔:你唔經外圍佬搭。

番老闆:多隻香爐多隻鬼嘛。

字花仔有 d 興趣勒:唔知得唔得喎。

番老闆:唔緊要,肯幫手 ge,無論結果,先俾上期。

字花仔:嘩蟹。

番老闆:尾數睇 “食送” 食飯;料堅就厚 d。

番老闆飲啖齋啡再吹:收到數再封返封大利是。

番老闆再落嘴頭:起碼你個老死還到條數先啦;正式一家便宜三家著。

字花仔:哪傾偈咁傾 ja。

番老闆:得啦,知訂 ge。

TOP

返回列表