返回列表 發帖
219/75076

未散席住。

小肥梗會執埋個尾 ge。

此為之七日鮮,七日執一劑。

某日 ...

某移民熱門外國 ...

某移民熱門小區 ...

某伯父施施然攤開將馬閘,

... 再他他條條放底壺茶,攤開埋個架步。

然後 fan 落張馬閘度,打開張報紙係度慢慢索。

不過,伯父對眼就週維圍碌,

... 左邊射下,

... 右邊射下。

咦,有發現喎。

原來有家人剛剛落車,開緊隔離屋度門。

睇真 d 原來重有架貨車仔跟尾。

伯父就自言自語:又黎,個個走過黎,真係有得分咩。

伯父繼續:搶貴曬 d 野,搶貴曬 d 樓。

伯父拉低頂魚夫帽,繼續睇佢 ge 報紙,

... 睇下,睇下,瞌著左。

唔知隔左幾耐,伯父聽到有人話:excuse me ...

好似係同佢講喎。

伯父射哩眼稍稍,華人 ...

伯父:講廣東話啦,識聽 ge,跟住托一托頂帽,露出付尊容。

對面個中年人:好羅,原來係自己人。

伯父個心就想,好熟呀,自己人。

中年人:想借把梯用下,請問聲方唔方便呢。

伯父:有,轉頭 ...

中年人:老頂哥,原來係你呀,咁蹺 ge。

伯父:你,你變位呀你。

中年人:風光 Sir,記唔記得風光 Sir 呀。

伯父:你 ...

中年人:呢,個次跟出跟入哥個二打六,讀書仔乙呀。

伯父:呀,認得啦,認得啦。

中年人:認得哪。

伯父:你都移民呀。

中年人:係呀,不個重要返去執埋 d 手尾;職就辭左勒。

伯父:真係因生可處不相逢呢。

TOP

220/80115

2014-3-18 就係哩分鐘 ... 又上傳啦 ...

一個久旱逢金露,

一個就他鄉遇故知。

頂爺同讀書仔乙兩人,竟然逐漸發展出一段友誼。

係好純潔 ge 友誼同背背無關,

... 更唔係超友誼 ...。

兩人週不時就把盞歡;或者擺下龍門陣。

吹下水,講下是非。

有一日,講下講下,就提返當年風光 Sir 單野。

讀書仔乙:早兩年前風光 Sir 行左人羅。

頂爺:
附件: 您需要登錄才可以下載或查看附件。沒有帳號?註冊

TOP

頂爺:HA,咩事呀。

讀書仔乙:無,油盡燈枯,壽終正寢。

頂爺:真係唔知喎;

... 同輩個班,一係走埋,

... 一係同個邊無咩聯絡;

... 完全收唔到風喎。

頂爺:過得去嘛。

讀書仔乙:都係清香一柱,兩個花籃,三五知己,樂得清淨。

頂爺:鞋,珠光寶氣盛極,始終明日黃花。

讀書仔乙:不外三尺黃土。

頂爺:咪係 ... ... ... 化啦,化啦。

讀書仔乙:據聞當日掰面,風光 Sir 咄咄逼人。

頂爺:據聞 ...

讀書仔乙:據聞咪據聞羅。

頂爺:阿叔都想唔到,佢辣成咁,

... 一個一個案例,一條一條法律;

... 重有咩牽一髮而動全身呀 ...

讀書仔乙:直頭羅曬彩,由頭到尾得佢講。

頂爺:輸個尾彩呢,敝在;風光受靶單野阿叔都知。

TOP

222/86620

讀書仔乙:當時真係逼到人有氣無頂透;

... 咁多年,真未見有人氣場強得過風光 Sir 佢。

頂爺:據聞阿甲條粉皮癩尿咁滯。

讀書仔乙:未 … … … 掛,最記得,風光 Sir 行埋窗邊 ...

頂爺:羅個 K 金打火機出黎呀嘛 ...

讀書仔乙:嚓一聲 ... 點著支煙仔 ...

頂爺:跟住話 - 過黎睇睇先講啦 ... 知唔知係邊度買棺材呀。

讀書仔乙:阿甲睇完,睇住佢震。

頂爺:你地經驗唔夠羅。

讀書仔乙:後來知啦。

頂爺:打老虎之前,要起清楚個底呀嘛。

讀書仔乙:剎頭都走左好耐。

頂爺:剎頭 ... ... ...

讀書仔乙:係呀,剎頭呀。

頂爺:不過你地條魁頭都硬淨呀,面不改容,執住紅雞繩黎講。

讀書仔乙:頂爺你都唔差呀,都爭 d 

TOP

讀書仔乙:頂爺你都唔差呀,都爭 d maang 槍。

頂爺:無,無,無,羅煙 je;當年坐正之後,連玩具槍都未摸過。 

讀書仔乙:到自己坐正之後先明你當時做緊乜。

頂爺:咩呀。

TOP

224/95817

Sorry, sorry ... 近排掛住上圖 ... 

遲到好個無到 ... 總之 ... sorry ... 

上次講到讀書仔乙彈 Q 左頂爺一句:焗風光 Sir 攬條數上身羅。

鞋,天下烏鴉一樣黑;都係個句:死道友不死貧道呀 ... 兄弟。

頂爺有得辯駁喎 ... 

頂爺:阿叔想架,開瓣大架話,阿叔咪連休都無得退。

頂爺繼續:兩大部門點收科;退一步,開闊天空,

... 大家唔使奔波,走糴,行人咪好羅。

頂爺再繼續:玩到咁大,橫豎風光 Sir 同紅雞繩梗要 high 一件;

... 唔係兩大部門塊面放係邊。

頂爺仍然繼續:風光咁 ge 功績,實力;

... 開口羅人情容易 d 呀嘛。

讀書仔乙心想:真係你講曬,十二神祇,

... 柑,蕉,桔,梨,籮,柚,雁,鷲,鵰,狸,獅,狒;真係開邊範都得。

讀書仔乙把口就:當時大家都騎左上虎背 (無 ge,吹水之嘛,何須認真)。

頂爺識睇眉頭眼額:講清楚好喎,你地磨碌先 ja 喎。

頂爺繼續:總之爆大鑊就攬住死。

讀書仔乙:你都保到風光 Sir 同紅雞繩呀。

頂爺:梗要一人行一步 ge;提做退休 je,唔算好惡吞呀哩隻死貓。

讀書仔乙:鞋,當年大家都係年少氣盛。

頂爺:你地 ja 下。

讀書仔乙:係啦,係啦。 

頂爺:係呢,點解佢會跌舖咁應 ge。

讀書仔乙:老生常談,天欲讓其滅亡,必先使其瘋狂。

頂爺:講戲肉啦;好學唔學,學陳小肥懶文藝。

讀書仔乙:單野本來唔係風光個部門查 ge。

頂爺:即係你地查啦,有人貪心咩。

讀書仔乙:懷疑,懷疑,OK。

頂爺:OK,OK。

讀書仔乙:當時有人買左間股票公司 d 爛賬。

頂爺:又關風光 Sir 事,佢買呀。

讀書仔乙:唔係,拒只係間收數公司 ge 董事長 ... ... ...

翻返去舊時 ... ... ...

紅雞繩:阿 sir 之前你嫌公司細就話無癮 je,

... 家產陣唔同喎,你睇盤數 ...

風光 Sir:唔銅就鐵。

紅雞繩:哪,你睇盤數,收到一半,都幾百盆水架。

風光 Sir:唔 ...

紅雞繩:重有呀,會請人收數,你咪又有班兵跟住。

風光 Sir:唔 ...

紅雞繩:班債仔有好幾件惡人,要搵人鎮住架 ...

風光 Sir:睇過,邊個咁惡呀。

紅雞繩:睇睇 ...

風光 Sir:係喎,有字號喎 ...;哩個,哩個,食過飯,哩個就 ...

紅雞繩:咪係羅,無你點成事呀。

風光 Sir:條數點計。

紅雞繩:哩 d 就要坐低,慢慢傾啦。

TOP

225/102988

點擊過十,唔知真定假,有無篤數呢。

卒之,搵日,流氓律師做庄連同班 “car 啦鬚” 真請風光 Sir 食飯,斟下世界咁話。

風光 Sir 話想食翅喎;咁咪食翅羅。

坐落,大家風花雪月,講下 boom 測測;一輪言不及義之後轉入正題。

原本流氓律師不過係想借風光 Sir 個字號黎照保,羅料容易 d。

再唔係,有人出黎檔,自己都要有人夠班拆先得。

聽得兩聽,風光 Sir 就拍檯起扒 ... 超也麼,咁收法,幾時先夠錢收山呀。

成班友當堂又驚又喜。

紅雞繩連隨就問:有咩好路數呀,大佬。

風光 Sir:債仔有老竇老母外父外母架嘛,債仔得半層樓就 ... ... ...

講到哩度,斬亂下歌柄。

當獨書仔乙講到風光 Sir 同流氓律師班人埋堆,頂爺就話勒:風光卒之到求實期啦。

讀書仔乙:咩野,阿叔。

頂爺:咩你唔知人生有其個階段 ge 咩,細侄。

讀書仔乙:講黎聽下咩野,叔臺。

頂爺:哪,細蚊仔 ge 時間,就追求玩具,養下寵物;哩個時間係求鳩期。

讀書仔乙:即係玩雀啦。

頂爺:賤格。

讀書仔乙:跟住呢。

頂爺:到大個 d;蘇蝦仔大個左啦喂,識拍拖學人地曳 ... 就係求戀期。

讀書仔乙:明道。

頂爺:事業有 d 樣子,當打當扎,開始求嬌期勒 ... 因為行年廿八歲,金翡翠,鬢影衣香拖靚女。

讀書仔乙:之後呢。

頂爺:梗係生返個 “袋” 啦;好此你咁,求孩期羅。

讀書仔乙:咩叫求實期呀。

頂爺:明白咩叫腳踏實地做人羅。

讀書仔乙:重有無。

頂爺:有,就似阿啦同你而家咁羅。

讀書仔乙:即係 ... ... ...

頂爺:事事但但,求 Q 其,係度 hea 羅。

TOP

風光 Sir 話想食翅喎;咁咪食翅羅

本帖隱藏的內容需要積分高於 5 才可瀏覽

TOP

227/142937

斬亂歌柄後,蛇王一輪,再次言歸正傳。

風光 Sir ge 所謂債仔老竇老母外父外母架同債仔得半層樓 ...

其實,講穿,不外乎就係 ... 迫 ... taam ... 呃 ... 打 ... 嚇 (唔通型英帥靚正咩)。

攪掂半層樓,再威逼利誘,羅埋另外個半邊橙。

再唔係咪叫 d 債仔還息唔還本羅。

實際點做,因為河蟹,各位自踱啦,唔該。

對家老襯底 ge,咪橋入三關;有人檔 ge,就睇住黎食羅。

本來就豬籠入水。

無風無險,重有排做,點會唔火燒旗桿呢。

悶聲發財咪好羅。

點知風光 Sir 死性不改 ...

定係想話過人知佢幾風光,越玩越揚。

疊樓洗兩洗之後,風光 Sir 竟然玩拍賣,話拍賣個價去得高喎。

拍得兩轉,有 d 債仔收到風 ...

嘩,你監平監賤黎收層樓,然後唔夠幾日,執成個開放出去。

於是,有人走去篤勒。

去報案,篤層樓 d 野;又唔係刑事喎。

之前 ge 迫 taam 呃打嚇 ... 阿哥,你當時唔舉手。

層樓平買貴賣 ... 阿哥,哩 d 好難話刑事喎。

於是,輾輾轉轉,單野去到全新部門。

起初,全新部門都覺得無咩野好做。

點知問下問下,問到 d 野喎。

邊個咁醒,阿甲羅。

無他 ge 佢熟風光 Sir 嘛。

問到野又點,家下佢見到繩都喊話係蛇。

既然驚成咁,阿甲當然收埋個 file,有咁實就收咁實,紅毛泥都無咁實個隻啦。

點知真係有現眼報哩樣野 ... 

近年叫做長江後浪推前浪,前浪死在沙灘上。

有個新入行 ge 新丁 ... 叫佢做讀書仔甲A啦。

甲A 個師傅就係阿甲。

甲A 跟出跟入,自然知道 d 野;亦自然知道阿甲收埋 d 野。

江湖 ... 從此就多事啦 ...

代續 ... ... ...

TOP

代續 ... ... ...

鎖你,鎖你,係待續先真

TOP

229/176815

鎖你,鎖你,小肥咁耐先再舖一章,係有原因 ge ... ... ... 

因為 ... ... ... 鞋 ...

小肥懶,鎖你,鎖你。

甲A 呢,就係醒目仔。

知還知,佢收埋收埋,無話口大大。

甲A 知師傅卸 d 咩野;自不然唔會就去踩屎。

無野格,唔辣你忌個忽;打個外圍,偷章上唔得呀。

世上怕 ge 真係有心人。

甲A 左穿右插,真係索到 d 料。

矛頭,當然唔係指向主角啦;係收主角水個 d 人。

甲A 為左出頭,就扑心扑命去查。

哈,被佢確認到其中一個收水人 ge 身份。

竟然係某個紀律部隊 ge 人。

甲A 死挖爛挖,卒之執到條衣不稱身黎入落去。

原來個收水人一個禮拜過幾日大海 ...

        重逢賭必輸,輸左又唔使羅數。

雖然話幾舊水上落 ... 

問題係每月個份糧係得咁多。

你餐搵餐食餐餐清,又唔係老豆大把 ... 

何來得咁多錢黎揮霍呢。

哪資料齊全,時機成熟啦。

甲A 就二話不說,連隨打份薯仔文 ...

        開個 file 黎做佢啦嘛,有親呀。

讀書仔甲一個唔為意,又簽埋個 approval ... 

咁就 ... ... ... 

亂過亂世佳人勒。

欲知後事如何,請看下回分解;謝謝。

TOP

有感而發 ... ... ...

剛剛係網上睇到有所謂食家話: 沙梨篤係下欄 ... 燒味舖會用黎做碟頭飯, 沙梨篤因為位置所在, 有怪味唔奇... ...

真係被佢吹到啤一聲 ... 食都未識食, 沙梨篤係邊都未清楚 ... 就話食家喎

ps 人 ge 屎忽愛黎坐或者想野, 豬 ge 屎忽係到死都有一邊向天架 ... 食家

TOP

本帖最後由 咱是陳小肥 於 2014-8-15 02:34 編輯

231/225295



早輪剛剛講到兩條退左休 ge 伯父係度豬吹,就太監左 ... 即係無下闕。

今日返來就繼續講落去。

甲A 做野,越做越揚。

讀書仔甲唔知係時運高定係福至心靈。

突然無啦啦調個 file 出黎描下。

唔描由自可,一描就滿天都係神佛 

... 嘩,你老母係人外母 ... 又黎。

先前個劑都驚未過,半夜發夢都重會扎醒 

... 重黎。

一支穿雲箭,千軍萬馬來相見個種賓虛咁 ge 場面,重記憶猶新 

... 咪黎。

醫學上叫哩種做創傷後遺症 

... 發夢都重會扎醒就叫 - 發夢扎醒形創傷後遺症 

... 簡稱 ... ... ... 

讀書仔甲知到賴野勒;撳又撳唔到 (好易衰老妨或濫職) 。

讀書仔甲決定棚尾拉箱,打信唔撈 

... 玩唔起,避得起喎 

... 唔黎咪得羅。

甲A 當然地除讀書仔甲開緊大定細啦。

甲A 全情投入響朵大業。

手上有上下斤兩,就連隨越級申請出批文拉人,by pass 讀書仔甲。

點知勝利沖昏頭腦,無想下風光 Sir 咩料。

的左風光 Sir,飲完杯咖啡,甲A 就知咩叫屎行坑石頭 

... 又臭又硬。

問左幾粒鐘,除左被人奚落,就係得個吉。

一惆莫展,老鼠拉龜;上去問老闆點做好。

老闆問返甲A 知唔知幫老細解決問題同叫老細解決問題有咩分別。

臨尾,老闆重加多句 

... 你 in-charge 成個過程架喎。

返到落房,甲A 有拍檯拍凳係度捽班借調過黎 ge “見見習” (即係剛入職見習)。

甲A 風風火火之時,有把弱弱的聲音,好唔和諧地出現 

... 阿 Sir ... ... ...

TOP

232/235933

甲A 當堂火都黎埋:超也麼,阿蛇講野 ...

睇真 d,跳,原來係個條一柴轉過黎 ge 前度 trun crown 友,

... 家下 ge 九等 “見見習” (下面就叫哩位做 “九等靚” 啦)。

最被人睇唔起係咩呀 ... 做十仔羅。

甲A 最睇唔起係咩呀 ... 無沙紙羅。

甲A:七炆兩隻表,Sir 咩呀 Sir,Sir 你老竇個老婆呀。

九等靚:阿 ... 阿  ... 阿 Sir 哩幾張紙可能用呀。

甲A:咩,me me 攬攬呀 (語氣當堂好很多)。

甲A 連隨將九等靚拿住個幾張紙搶過黎:睇過,無黎醒目  ...

甲A 一路講一路 laap,laap 下,laap 下  ...

甲A 順手散過其他讀書仔睇。

然後笑曬口問九等靚:咦,你睇明上面 d 密碼呀;well done。

九等靚:阿 ... 阿  ... 阿 Sir  ... 

甲A 再問九等靚:點睇通架,d 密碼邏輯係點架。

九等靚:阿 ... 阿  ... 阿 Sir  ... 

其他讀書仔睇極都唔覺有料到,之前都睇左九百幾次啦

... 跟住插口:係羅,係羅,點睇架。

甲A:得啦,得啦,講講 d 內容先啦;講咩架,有無人名呀。

九等靚:阿 Sir ... 唔知 d 內容講咩。

甲A當堂又扯火勒:你  ... ...  ...

九等靚:阿 Sir,請你翻轉張紙。

甲A 翻轉睇完問:咪張通告話四環老更想收人羅;

... 你係話 ...

甲A 有 d feel 勒。

九等靚:上面有個皇冠印。

甲A:得咩。

九等靚:即係政府財物。

甲A:鋤得入咩。

九等靚:細老係咁意羅出黎講下,唔高興咪粉牌字羅。

甲A:鋤咩好呀。

九等靚:砌接贓好過盜竊;單 Q 穿兩隻喎        。

甲A:得咩。

九等靚:細佬讀得書小 ... 風光 Sir 收料唔係接贓咩。

甲A:即係點呀,靚哥。

九等靚:細佬讀得書小 ... 不過,見過有鬼係個案情堶掉か鉽蚨疇ョC

甲A:即係搏偷紙當偷資料判。

九等靚:細佬讀得書小 ... 不過,都知道個官字點寫 ge。

甲A:唔 ... 唔 ...。

九等靚:騎 ... 騎 ...。

其他人:唧 ... 唧 ...。

唔知係甲A 病急亂投醫,定係風光 Sir 天網恢又恢 ... 待續 ... ...  ...

TOP

233/282942

塵埃紛飛滿江湖,漫步渡過千尺波浪,
問君記否輕舟去後,誰為你常盼望。

浮生畢竟要假瘋狂,漫步岸邊看碧浪,
浪跡半生,千金散盡,仍舊好風光 ... ... ...

TOP

潮水有高低,來去匆忙,浩瀚情海不到岸,
多少個綺夢,多少風韻事,何妨留待以後講。

俊朗飛哥未行人之前 (其實都好耐之前下),有次打牌傾開,飛哥話佢老細好堅架。

十零歲由後生做起,做左十幾年律師行 (當時有所謂 10 years man,做夠十年就有機會考個試)。

跟著成功考埋個試,做多五年律師見習生 (個時叫 articled clerk)。

成為律師之後,重同個富家女師妹結埋婚。

然後重埋股開左間律師 “紐”。

唔記得有無寫過 “律師行” 哩重叫法。

粵語殘片,李大律師鵬飛就 ngaap 成係 「律師 “紐” 」。

在當年那個講究家勢,背景的年代,飛哥老細直情係傳奇,英雄無敵。

待續 … … …

TOP

235/285984

所謂將相本無種,男兒當自強。

哩勻又吹下,一個碼頭抹車仔,走上佢人生顛峰。

做就人海傳奇,英雄無敵。

話說,未有海底隧道之前,過親海都係要搭船。

人有人船,車有車船,人車加埋就上層坐人,下層坐車。

個庭叫渡海小輪。

當汽車排緊隊等小輪埋岸,等上船之際;

... 就會有班人行埋黎,

... 個個拿住支雞毛掃。

雞毛掃呢,就纏住塊鹹薑。

做咩 ... 抹車羅。

重專揀靚車黎抹。

司機、車主見到就烏忌白忌。

怕你抹花部車,抹花塊大銀幕羅。

於是就拿臨濕一毫斗零 ... 過主啦,兄台。

係人搭個邊,又有班死靚仔係度開車門。

一見到有的士,私家車停低,就蜂擁而上。

哩班係碼頭努力工作 ge 童工,基本上都係牛記笠記。

環境好些少,就踢對前進;

... 有 d 直頭無著鞋。

無一例外,個個都係污糟瘌遢,指甲捆邊。

西裝友見到就慘過見鬼,

... 結果又係一毫斗零遣散費啦。

其實,哩兩個工種,係八十年代初,都重有存在。

係班童工堳K,有條十靚歲 ge 細路特別勤力。

唔但只開車門,重間中執埋抹車。

把口重襠過油,甜個蜜。

人家靠個身世,個細路就靠把口同條乾淨 ge 祝君早安。

重識兩句洋文 ... 骨魔零 ... 骨拜 ... ... ...

收入自不然比其他人好;

... 當然,佢又比人打得。

咪點得咁自在。

細過佢 ge 唔夠佢打;

... 大過佢 ge 九成九都係老同,唔夠佢跑。

TOP

236/286571

哩個細路最佩服三個人。

第一個係張財神。

細路最服就係財神個兩句:漸成大海汪洋,漸成大地四方

... 積少可以成多,儲蓄可以致富

係當年 (六、七十年代),勤勤力力,真係搵到兩餐。

發達,發達就艱難 D;但係,小康亦唔算係神話。

所以,細路就立志要做個有錢人,由儲蓄開始。

有人話:個主角 MC 係劉老師喎。

細路就會話:車,大靠都無件,最多咪係堂官。

大家唔好見怪,細路仔睇野係簡單 D 架勒。

細路又明白一個幾毫,幾時夠數做有錢人。

佢同時又努力學習,由其是係外文。

返學,佢無資格。

英專,佢無條件。

唯有自修啦。

點自修呀 ...

哪,求其一本通勝都有 ge 英語指南咪得羅 

... 一 = 溫,二 = 吐,三 = 飛,禮拜日 = 新底 

... ... ... 英語指南,小肥曾經 post 過上黎啦。

TOP

237/287692

咦,個細路又點解會明白知識能夠改變命運呢下。

咁就關係到細路佩服 ge 另一個人 ... 萬均能先生勒。

萬先生係自由職業者。

佢係隔碼頭九條街外某寫信佬雲集 ge 地方擺檔。

不個唔好誤會,萬先生並唔係寫信佬 

... 佢同其他同業一樣,叫自己做 “地狀”。

咩係 “地狀” 呀;

... 即係地下狀師。

佢地自高聲架,話做緊老狀 ge 野,

... 係爭個牌 je 咁話。

點解有寫信佬生存空間,大家都知。

地狀靠 ge 就係識外文,嫻熟各部門 ge 程序;

甚至識得寫狀紙或者答辯書,

... of course 係用外文啦。

機緣巧合下,細路識左萬先生。

一個唔覺意,細路知道萬先生支筆架勢;直頭係

... 上知天文 (係天文台做過文書),

... 下知地理 (周不時幫人填房署表格申請位於不同地方 ge 廉租屋)。

細路直頭當萬先生係倫文

TOP

238/290380

補返 miss 左,唔知乜頭乜路個 part ...

... 倫文敘再生,刻意奉承

... 老師前,老師後;重周不時弟子服其勞添。

萬先生又孤家寡人,一人吃飽,全家不餓。

自然係兩雙投契;簡直係基情

 ... sorry

 ... 應該叫師情四溢。

兩人相遇,都算得上係一段善緣喎。

呢哪,學外文,就係萬先生鼓勵勒。

萬先生知道自己半桶水,特登叫條細路拿住本“贏”,

... 先咁係旁邊指點一下英文,再順便教下佢中文。

當時,細路做有錢人 ge 指標就係租唐樓成層,再間房分租,做其二房東。

乜特解究會有個咁 ge 志向呢謂。

咁就要講下細路 ge 第三個偶像勒。

話說,細路住緊個度係有個二房東 ge;

... 例牌又係叫做包租婆啦。

細路同佢老母就租左間天臺木版間房;

... 剛剛夠放張多用途碌架床。

細路覺得包租婆天下無敵,

... 一間唐樓加個天臺可以住成六十人 

... ... ... 有床位、有間房、重有露臺套房;

... 連個後欄都重可以“航”兩張帆布床收租。

最利害重係收左 D 租,扣埋大業主個份,重還夠使用。

於是,細路就封左包租婆做偶像勒。

細路屋企環境唔算好差。

佢 mother 係人地米舖做煮飯兼打雜。

細路自己都有收入,唔係攤大手板,辦米入口,辦肥出口個隻。

比上不足,比下有餘咁啦。

要讀書,真係“mang” 水勒;

... 最緊要係佢尊慈無咁 ge 想法。

老人家成日望:阿仔第日大大隻隻,

... 去米舖做學徒托米,生活就穩穩定定,唔憂食啦。

點知真係時來運到 ... ... ... 待續 ...

TOP

返回列表