返回列表 發帖
199/55627

兩條友仔,真係坐天光。

開始有 d 阿伯阿姥黎晨運,剎師爺就企起身。

拍下個八月十五之後,剎師爺就話:都差唔多時間勒。

風光 Sir:下,你個胃 ...

剎師爺:夠鐘去三元整碗及第粥加隻蛋。

風光 Sir:都好耐無食粥啦。

剎師爺:係呀,當年返夜校,係街邊食菜乾豬骨粥,好似係琴晚刻 ge 事。

跟住順手將個酒 jun 丟落海。

然後羅支煙出黎。

風光 Sir 擰擰頭:隊完就唔好食咁多煙啦;顧住個胃呀。

剎師爺:老啦,大家都老啦。

風光 Sir:吊;剎頭,無野 ge 注意下飲食,搵個好 d 中醫

... 胃 ge 野係手尾長 d je。

剎師爺:有 d 野,可以放手就放手啦。

風光 Sir:唔好傻啦,

... 一世人兩兄弟,一個為名,一個為利;

... 走得去邊,放得邊樣

... 威慣,惡慣,點放手。

剎師爺:當年去泰國係著草走路,

... 一直無同你講 ...

風光 Sir 笑笑口:做兄弟要查家宅架咩。

剎師爺:哈,有 point 喎。

風光 Sir 狂笑:英文好左喎。

剎師爺:返黎之後,死過返生一樣,於是搏命搵錢;

... 挽循待 (此乃普通話),兩兄弟,一個為名,一個為利,點放手。

風光 Sir 開始跳黎跳去:咪係。

剎師爺:知點做啦。

風光 Sir 跳黎跳去,係度玩跳飛機:知啦,囉嗦。

剎師爺:都牛龜咁大隻咯;重咁百厭。

風光 Sir:舊時都係咁啦。

剎師爺:以前有剎頭幫你收科呀嘛。

風光 Sir:而家無咩。

剎師爺:正契弟;剎頭死左,睇下邊個陪你顛。

風光 Sir:去桑拿,順便補個覺。

剎師爺:自便。

... 阿啦去食粥;真陰功,跟住要食幾日齋。

風光 Sir:你個胃 ... 阿嫂佢 ...

剎師爺:食左先算啦;有藥嘛。

一隻歌 - http://www.youtube.com/watch?v=kvzr76ZZgWs

TOP

200/55841
第 201 帖應該係 2014-1-20 浦頭;因為小肥登入唔到,所以 ja 左流攤 ... 奈何。

TOP

201/55851

補一

係城市,各有各生活,各有各忙碌。

晨曦初現,

有人食緊及第粥。

亦有人焗緊桑拿。

重有人係某深山廟宇個曬棚打緊行龍遊身掌。

更有人扭盡六壬,機關算盡,終於鬥掂份薯仔文。

讀書仔甲伸個懶腰,打個冷震;再嗑啖咖啡 ...

... 然後自言自語:稟俾班老鬼,梗痾痾 goh goh。

所謂大話怕計數,讀書仔甲係怕班老鬼先黎日本首相,再開左問右問。

無錯,份薯仔文係似模似樣。

實情,成單野存在太多瑕疵,經唔起班經驗豐富 ge 老鬼琢磨。

何況班老鬼擺明唔好行落去。

針針酌酌,雞蛋堿D骨頭,

... 一個唔覺意撩到野,咪大碌夾長。

咦,唔係;讀書仔甲想 - 新黎個洋人主任咪一直想起頭。

掂,就佢啦。

於是 ...

讀書仔甲:morning sir。

洋人:morning。

讀書仔甲:Sir,I have ...

洋人:講 punti 啦;no problem。

讀書仔甲:Sir,有個案件,部門唔係好重視。

洋人:Well。

讀書仔甲:原因可能係衍涉某 d 同事 ge 同袍。

洋人:銅煲,咩銅煲。

讀書仔甲:Sir,唔係銅煲;係 former colleague。

洋人:噢,舊同事,you mean。

讀書仔甲:哩度有份初步調查報告,同埋 d 口供。

洋人:let me 瞧瞧。

TOP

202/55855

讀書仔甲就係蝦鬼頭識講唔識睇。

洋人亦傻唔曬,一路睇份英文報告:你講講 d 口供同其他 materials ge 內容。

讀書仔甲就避重就輕咁簡譯 d 口供同材料。

然後再加鹽加醋;猛落嘴頭。

一番唇舌之後,洋人決定採取行動。

畢竟,洋人係佢祖家係受過正式訓練;又真係當個兩年更。

又剛剛係全新部門上班唔夠半年,做事始終要穩陣。

於時,洋人表示要再見見番老闆。

讀書仔甲:OK,今日佢應該要返黎報到。

洋人:Good。

讀書仔甲望下隻手蛋:都十二點咯,時間差唔多啦。

點知一路等到 ... 日頭猛做,到依家輕鬆下,食過晚飯,要休息返一陣 ...

... 都未見番老闆出現。

洋人:唔等啦,100% jump bail 啦。

讀書仔甲心想 - 使鬼你講咩。

洋人:出去 chaau 佢啦。

係洋人講緊踢保,差唔多 ge 時間,

... 某深山廟宇 ...

番老闆:辛哥,龢哥,祺哥 ... 

... 剎老大 ...

... 各位大佬,

... 你地挾細佬黎荒山野嶺 ... 做乜解究呀。

TOP

203/55952

辛哥:等你阿大黎先啦。

龢哥 ja 住碌滾,笑笑口:諗下做咩啦,整個諗樣黎睇下先啦。

祺哥係張八仙檯處。

羅左個蘋果出黎。

再拿把刀,三刀切開六片。

然後,祺哥就話:蝦,哩 d 係咪叫三刀六棟呢下。

番老闆:嘩。

直頭拆天咁聲。

係哩個時候,廟宇個 ja fit 人行左入黎。

只見佢著住套神父袍,踩住對多耳麻鞋,梳左個道髻。

直頭非僧非道,不倫不類。

剎老大 (also known as 剎師爺):道爺。

祺哥:唔使勸勒。

道爺:各位施主,你地玩乜都好,唔好敢大聲。

祺哥係爆仗頸:多 Q 事。

道爺:嘈到無意你地就大檸樂。

祺哥:咩無意呀 ... 你 ... 你係話個隻顛狗。

道爺:就係,佢差唔多時間起身打行龍遊身掌勒;唔好自誤。

辛哥:顛狗 ... 你講緊單老六個痴線佬。

註:單老六係八仔故事 “赫記號” ge 人物。

龢哥:佢唔係重躉係馬交咩 ...

龢哥未講完,就聽到外面響起 - 笑征夫, 何驕傲, 想儂當年退敵, 單槍保你頭呀髏

(段曲詞抄自舞臺劇 – 南海十三郎)。

四個阿叔加埋道爺一齊:殊。

番老闆好奇都唔識驚:咩環境呀,剎老大。

剎師爺:出面哥個傻架,知大家係度開壇,佢實入黎趁熱鬧架,殊。

番老闆:唔係呀嘛。

剎師爺:係呀,佢打起上黎,六親不認架,

哩度四個都俾佢打過架,殊。

番老闆:話緊你地呀,大佬;要扎咁大件事。

剎師爺:無,見你哩排口臭,請你食幾日齋清下腸胃 je。

道爺突然好大聲講:今晚食青菜,你地想炒定淥。

單老六突然係出面喊:師兄,出去搵狗肉食。

大家當堂鬆口氣。

剎師爺:行啦,道爺,炒同淥對你黎講有咩分別;

... 一個用水淥,一個用水炒,都係唔落油。

道爺:咪點叫齋呀。

TOP

南海十三呀 ... 郎; 第一代海報
附件: 您需要登錄才可以下載或查看附件。沒有帳號?註冊

TOP

205/56168

補一 (sorry, sorry, sorry)

大家吹得興高彩烈之際,突然有人話:種荷花羅。

又有人話:係羅,番老闆大佬行緊入黎啦。

嘩,番老闆當堂刻嚇到鼻哥窿都無肉

番老闆:大佬,唔使咁大件事下嘛。

道爺就一手拍落番老闆個頭度:後面有個荷花池,

... 剛剛清理好,準備落種呀,低能仔。

當然,無一個係現場 ge 人會同情番老闆。

第日朝早,風光 Sir 大搖大擺咁返公司。

只係隻手指尾有塊藥水膠布包住。

有人問起,風光 Sir 就話因工受傷,被紅彈魚插到。

因為紅雞繩;

... 亦因為讀書仔甲高調做左好多小動作。

咩小動作,小肥唔識,所以作唔到;總之,好膠調啦。

例如,咩問下野啦,

... 咩吹下風啦,

... 咩狗下仔啦之類羅。

所以大家都收到多少風聲。

於是,多左好多人埋黎爹下風光 Sir。

風光 Sir 亦突然表現佢親民一面,

... 成朝烚熟狗頭。

係全新部門,讀書仔甲班人一知到風光 Sir 蒲面,即刻雞飛狗走。

打文件 ge 有,

... 整裝待發有,

... 執齊野有 ... 總之 “林林嬸嬸” 乜都有。

讀書仔甲想親身去 “塔” 風光 Sir。

已經去到極致。

佢竟然傻到叫洋人親自去法庭羅搜查令。

用黎搜風光 Sir 個 office。

還竟然傻到唔記得,家陣邊個先係 leader。

一聽之下,洋人面色一沉:阿 Sir 唔識申請搜查令。

今日個篇

事實洋人無吹水;閒時,都係班細 ge 去法庭等官老爺簽 warrant 個喎。

何況,家下件案已經過左去洋人度;

... 佢先係 leader 嘛。

而且,今次對象係高級人員喎。

邊會有人肯放過哩個揚名立萬 ge 呀;洋人都係人 je。

讀書仔甲唯有死死氣落 Court 等搜查令。

洋人就同讀書仔乙帶隊去風光 Sir 個 office。

中國人有句說話:力不到,不為財;真係無錯。

今次唔關財事,讀書仔甲漏一漏招,就出事勒。

洋人見成功在望;估話重唔係今晚打老虎。

心情輕鬆,鬆毛鬆翼。

自不然,同讀書仔乙係途中吹下水。

本來單野就唔係讀書仔乙 ge 事。

再加上成單野都係古古怪怪。

讀書仔乙都好惻惻膊。

一路都係求 Q 其應酬下洋人隊長。

當洋人話:真係 XX 撞棍勒,

... 咁好彩件案自己部門都開左 file,

... 到時可以納埋公司個件,兩邊夾料 ... ... ...

讀書仔乙聽到,難免汗流浹背。

因為,佢知實情係點。

心有戚戚,對答之間,難免有 d 雲遊太虛。

講得兩講,洋人察覺到讀書仔乙有問題。

洋人不竟係紅褲子出身 ge 學院派。

見勢色唔對,立即轉 channel。

先帶讀書仔乙遊花園。

再逗佢兩逗。

逗得兩逗,讀書仔乙就亂曬龍。

亂左龍,梗係再 chok 兩 chok。

卒之 ...

讀書仔乙話:阿 Sir,其實 ... ... ...。

都重未聽完,洋人就話:sleep 你兩條 PK 個 mother 啦 (洋人哩句語法有問題 - 兩條,點會得一個 mother,無 “s”);

... 阿 Sir 頭先重打電話俾風光 Sir 個大 sir made 左個 appointment,shit;

... 你班正曲街下價橙,衰到無人買呀。

TOP

206/56362

抱歉,抱歉,小肥整左兩日昇官圖兼作晚,而家係前晚啦,團年。

先祝各位身體健康,萬事勝意。

得就回個帖啦,若過真係有人睇 ge

... ... ... 小肥成日係度自說自話,好易俾人釘帖架。

補一

洋人一路媽叉,一路問;讀書仔乙就一路洒霖,一路答。

前因後果,五分鐘講完;係洋人要補返 d 細節。

講下,講下;部車突然停左。

洋人問:咩事。

個司機話:到左。

洋人發 long 黎勒:點解到左呀,你想點呀,幾時叫你到呀 ... 總之係發曬 tee tan。

講得兩講,洋人話 go back。

點知話口未完,已經見成隊人行埋黎。

原來係風光 Sir 個老頂。

Sorry,一路無介紹。

風光 Sir 個老頂姓老,叫阿頂。

大煲啦,王對王,KING 對 KING;

... 無得走,無得褪添。

何況,老頂身邊個幾件野,粒粒凶神惡殺;直頭可以止咳。

洋人唯有頂硬上。

不竟洋人都跑過下江湖。

先黎一輪言不及義,順手 ja 個扒;

... 再黎,竟然係詐肚痛喎。

想學鴻門宴咁借乜遁。

無咁低庄。

原來洋人借意閃係廁所度研究案情。

睇下有無窿窿罅罅,有無水位走。

鞋,好一個大好青年,竟然要執埋 d 咩坑竅;

... 點解唔腳踏實地做人呢,一早。

今日

正所謂,醜婦終須見家翁。

係清潔阿姐敲左幾次門,問可唔可以洗廁所之後;

... 洋人 X 完鎖鍊出返黎勒。

唔知係咪 X 完之後有鍊用;

... 洋人個樣,完全係自信心返曬黎個隻。

洋人出黎之際,讀書仔甲托住條輪黎到勒。

係 “輪” 喎;唔係粗口黎喎;warrant 呀嘛。

當讀書仔甲成個青年幹探,準備學水戶老公公咁,拿起張 warrant 話:松平定信 ...。

洋人一手就搶左張 warrant 用黎抹手。

洋人牛眼一瞪,大喝一聲,你玩夠未。

洋人精過無尾蛇。

佢明白,哩煲過唔過到骨係一件事。

最緊要係唔好大家都無得返轉頭。

首先要做,就係縮窄影響範圍。

閂埋門,狗咬狗,最多一嘴毛;大不了,推讀書仔甲落火坑。

出賣朋友就話唔好 je;出賣傻仔 ... 算把啦。

明知有鑊,重攬上身,將件事玩到大曬;係對自己 ge 不負責任。

而且,哩 d 係你地本地人 ge 恩怨事非。

跟住,洋人就扮無野,巡例同老頂再講講案情背景。

然後點名叫阿甲同阿乙一齊係老頂間房見風光 Sir。

係間房到,老頂搖個電話過風光 Sir。

老頂:風光呀,麻煩你過一過黎呀;唔該。

老頂無話有客,亦無話做咩。

有個句麻煩同唔該,收到啦;你老細曾幾何事同你講唔該呀。
附件: 您需要登錄才可以下載或查看附件。沒有帳號?註冊

TOP

207/56879

謹祝:步步高昇,仙福永享,引福歸堂 ... ... ...

風光 Sir 同老頂哥送全新部門辦人去停車場羅車。

老頂哥班細 ge,“pang” 一聲拉開去停車場個度大門。

風光 Sir 當堂眉頭一皺。

只見停車場個廣場上面,人山人海。

有等上班 ge,有落左班 ge,

... 有被人 “塔” 住 ge,

... 有無被人 “塔” 住 ge,

有古惑仔,有邪牌;

... 總之乜人都有。

有人交頭接耳,有人自然自語,有人叫風光哥;更多人係眼望望。

點都好,一睇就知民心可用;哩班係風光 Sir  ge 粉絲。

幾件獨書仔開始始發軟蹄。

小肥曾經提過,世人唔好奇,唔貪心,老千就無曬符 “fit”。

老頂哥褪後幾部。

老頂哥班細 ge 直企兩邊。

洋人,洋人唔見左。

風光 Sir 突然豪氣大發 ... 長嘯一聲 ...

... 一支串雲箭 ... ... ...

餘音未了,下面回一句 - 千軍萬馬黎商見 ...

嘩,即頭賓虛咁 ge 場面。

幾件讀書仔直頭牙關打顫。

老頂哥心想 - 哩個咩世界,好彩阿 Sir 就退休 je。

二樓廁所窗變,洋人係處望望下:One general achieves renown over the dead bodies of ten thousand soldiers。

... 哩單野成就左風光 Sir,阿甲就變枯骨。

(One general achieves renown over the dead bodies of ten thousand soldiers 抄自http://www.disanna.com/redirect.php?tid=152261&goto=lastpost#lastpost 帖 83#)

無錯,洋人又借尿遁勒,哩次。
附件: 您需要登錄才可以下載或查看附件。沒有帳號?註冊

TOP

208/57033

無錯,洋人又借尿遁勒,哩次。

三個月後,老頂哥正式退休。

差不多時間,風光 Sir申請提早退休。

六個月後,紅雞繩因工傷申請退休。

十二個月後,讀書仔甲合約期滿,未有續約。

PS一支串雲箭 ... 千軍萬馬黎想見 ... 並非小肥原創;出處,網上有大量資料,有興趣,可自行發掘。

TOP

209/57287

大家相識之後 ...

有晚,小肥同風光 Sir 係樓梯底燒夜。

係樓梯底,因為落緊雨。

燒夜,因為真係嚮處燒野食當消夜。

燒 d 咩;咪又係蠟燭燒臘腸羅。

好易架;哪,用上等玉扣紙,撕成一條條。

整濕 d 紙條,用黎卷住條臘腸。

燒到 d 紙乾,臘腸就燒好;香到隔幾條街都聞到呀。

天寒地凍,再加二兩;嘩,人生在世,都不過如此。

言歸正傳 ...

傾下講下,風光 Sir 突然 “鞋” 一聲。

小肥:鞋乜春,行得,食得。

風光 Sir 又 “鞋” 多聲。

小肥醒水勒,死老野有想話當年勒。

於是,小肥就接介口:為咩攪到家下咁 “呢 hea”。

風光 Sir 再 “鞋” 聲,小肥突然見佢頭上出現個影像。

就係有人講緊:一世人兩兄弟,一個為名,一個為利;走得去邊,放得邊樣,威慣,惡慣,點放手;哥個影像。

重有旁白添。

嘩,咁邪惡。

原來唔係,係小肥飲多兩啖肥仔水,出現 ge 後遺症 ... 即係幻覺。

正如話過 - 威慣,惡慣 ... 

... 風光 Sir話:退休之後,無人叫 “morning sir”,

... 出入無人見禮,無人拉門,唔慣。

小肥:新生活,新開始;重新適應羅。

風光 Sir:你未試過,唔會明架啦。

小肥:你又知小肥未試過。

風光 Sir 無理小肥,繼續稟神 ... ... ...

恭賀新禧
附件: 您需要登錄才可以下載或查看附件。沒有帳號?註冊

TOP

210/57636

風光 Sir 再灌多兩啖,無理小肥;繼續自言自語。

退休之後,風光 Sir 講,過左段無牽無掛日子 ...

得閒搵 d 老死飲下茶,打下雀局;飲下飲下,先發覺自己真係無咩朋友。

最大問題係,朋友個個要返工。

於是,走去行山;行下行下,又係 on 居居,一支公。

去社區中心;發覺最後生係自己,班社友最後生哥個都大風光 Sir 十年。

搵份工,風光 Sir 發覺自己只係識查案。

正所謂高不成低不就。

風光 Sir 喎,唔同走去擺街邊或者做看更咩。

最大鑊係,佢唔等錢使,全無經濟壓力。

最後,無聊到買模型返屋企砌。

紅雞繩四十唔到就退休。

份糧用妮生活,飽唔親,餓唔死。

但係佢有其他開支;例如,舅仔 d 學費。

紅雞繩有運喎,一出妮就預返一個被格扯 ge 舊伙計。

舊伙計同人孖份開左間私家偵探社。

個時興捉姦,尋人,起底等等光怪陸離 ge 個案。

私家偵探社唔夠人用,日日做到無停手;於是,立即邀請紅雞繩加盟。

一來紅雞繩剛剛離職,人脈重有係到。

二來紅雞繩熟手。

一個等人用,一個等錢使;正式姣婆越著脂粉客,一拍即合。

返工無耐,紅雞繩發覺起底個範 ge 任務有上升趨勢。

究其原因,係經濟好轉,越來越多新公司。

新公司 ge 生意模式越來越跟歐美。

以前銀貨同紇 ge 做法開始轉為期數。

為求穩陣,貨主做生意之前,願意使多小錢,起起對手個底。

講到起底,紅雞繩就想起風光 Sir;於是,向公司推薦風光 Sir 勒。

TOP

211/58111

紅雞繩連隨跟格扯哥同埋佢個 “拍罅” 孔倫布提出拉風光 Sir 入伙。

兩個老細都多有興趣。

孔倫布就覺得多隻香爐多隻鬼;家下豬籠入水,夠做就算啦。

格扯哥對風光 Sir 知根知底;嘩,請佢返黎,同請尊太公真返妮擺無咩分別。

結果,兩條友異口同聲話:細廟供唔到大菩薩喎。

因為紅雞繩真係做得野,又兼且留到客;乜乜七七一輪之後,形勢比人強之下,兩丁友最終讓步,肯俾紅雞繩去同風光 Sir 斟斟。

佢地想話還下紅雞繩心願;傾 je,實傾得成架。

點知,紅雞繩話:唔係嘛,梗係你地去請啦,咁先有誠意喎。

孔倫布:好呀,搵日呀。

格扯哥:係羅,搵日羅。

紅雞繩即刻發難:條,兩條友到唔嗅米氣 ge。

跟住就左去。

孔倫布同格扯哥四目交投,無野講。

炒佢羅,咁攬串;唔得喎。

做得野,即係兩條友做小好多野;由其係 d 有技術含量 ge 走罅野。

留到客;皆因兩條老粗無紅雞繩賣相咁好,一開口就知係出黎行,

... 大 d ge 客幸俾錢,梗有要求,賣相都好 “擲洗” 下,

... 而且,佢兩條友英文唔得。

如是者,過左一短時間。

紅雞繩條起底 line 竟然跑贏大市;重越來越多大客,越來越多特別要求。

孔倫布同格扯哥又發現,每次有咩奇難雜症,紅雞繩只要打個電話俾風光 Sir,自不然就有計。

最後,兩條友有烚熟狗頭咁同紅雞繩商量:不如睇下風光 Sir 有無興趣羅。

紅雞繩亦無多句說話;立即電聯風光 Sir:阿 Sir,公司老細想拜候你老人家。

兩隻狗公係隔離:係呀,係呀;即頭扮曬皇軍。

孔倫布同格扯哥畢竟係跑慣江湖,一見風光 Sir 就話有個董事長 ge 位,虛位以待。

風光 Sir 聽完都費 Q 事理佢。

TOP

212/61509

曾經一日七,如今七日方能一 ... 鞋 ... 年紀大,真係 ...

咩呀,講緊出帖呀,你想得太多啦。

風光 Sir 梗費 Q 事理佢啦。

哩 d 一百幾十一單 ge 生意仔 ...

平日出街襯,風光 Sir 都袋成雞野係身啦。

生意仔,有 bug 勒小肥;先頭講到話會發達咁 ge。

梗唔係啦,個時 “太古城” d 單位都係六條野左右。

生報都係五粒神一份;小流氓重未改名叫龍虎門。

一般查下冊,現場勘察一下;收個一百幾十,頂曬天啦。

最多查下有無案底,咪加多幾廿皮。

偵探社靠 ge 係量多同剝削伙計 ... 走多幾轉,加班無 OT 之類。

山大斬埋有柴 - 一單賺五十,一日做十單,一個月就皮半野。

六年買到疊樓羅。

量多,穿珠仔咩 ... 所以,風光 Sir 完全無興趣。

收錢做野,叫做打工。

幫紅雞繩拆菠蘿叫義助。

一個打屎忽,一個打邊爐。

天欲取之必先予之。

天網恢恢,真係疏而不漏呀。

話說,當年已經開始有 d 類似“孖展” ge 活動。

係一個風暴下,出現好多清水大蟹。

股票公司之類出現不小爛賬。

好多人亦意興闌珊,想退場,享下清福。

其中一個股票公司老闆,將公司賣盤。

哩個老細都算逆市奇葩。

佢竟然想到將間公司拆開黎賣。

牌還牌,商譽還商譽,爛賬還爛賬。

又有個奇葩洋人流氓律師。

係祖家得罪左惡人,被逼漂洋過海,展轉黎到東方。

流氓律師一眼就睇中左爛賬個盤。

無他,佢係祖家都係做開 d 唔三唔四 ge 野;當然包括收爛賬。

TOP

213/64973

擺明係爛賬喎,點解流氓律師會睇得中呢。

其實係咁 ge。

爛賬 je,又唔係死到絕個庭。

班債仔,唔同家陣 d 債仔,無起上黎真係;直頭人都唔見埋。

好多都係同股票公司老闆都係認識。

或者,籐 lang 瓜,瓜 lang 籐,始終有 d 瓜葛。

唔識,阿誰俾你賭白頭片咩。

何況,好多都重係做緊股票。

炒野 ge 人,隨時三更窮二更富。

一時移寬就緊,都係有拖無欠過隻。

法律,係哥個年代;未必好用得過人情。

哩個,亦係股票公司老闆放手 ge 原因之一。

一追就有人過黎拍膊頭 - 老細,你唔係爭個些少下嘛 ... ... ...

破產,當時,破產等於成世無得翻身;好人好姐,無人敢破產。

所以,股票公司老闆開價五折就肯賣。

買左落黎,蝕 ge 機會好微;有無得賺,賺得幾多,就睇收數佬功架勒。

流氓律師條纜係無錯。

何況佢九一條七又係一條;單身寡老豆,怕條無咩。

走路,未試過咩。

問題係,流氓律師得幾猜野係身;搵咩去搏呢。

流氓律師左踱右鐸;竟然想到招空手套白狼。

佢同佢吹 ... 話有筍盆個位通天經紀夾埋。

首先向股票公司老闆介紹話流氓律師係外國暴力集團 ge 代理人。

又講到話暴力集團想發展國際業務。

然後話暴力集團有把握收數兼且睇中股票公司老闆盤爛賬。

係正式見面時,流氓律師重大支野;差唔多講到話十拿九穩,哩次係明益股票公司老闆。

有時 d 野就係咁,你正路黎話點話點;就算有曬律師,計劃,人地都未必聽。

生定係神神秘秘,霧堿搌寣Ad 人就特別受 ge。

最後,竟然俾流氓律師講到分期付款;先俾 30%,餘額按收數比例發放,封頂就全部欠款 ge 百份之五十。

問題係流氓律師點跑個三分底庄出黎呢。

哪,跟住就黎空手套白狼啦。

PS 哩排食得好野多,唔使七日就可以一更勒;勁哩,小肥。

TOP

214/67630

點空手套白狼法 ... 梗係唔講得。

揚左, 條竅咪通曬天 ... 有所謂教識徒弟,師傅企向樓梯底。

講下笑 je。

哪,講啦 ...

流氓律師都算蠱域 (即係蠱惑) 啦。

五十巴仙總欠款額賣斷個部份就簽正合約。

其他後加特別條件,就用 side letter。

然後,流氓律師拿住張合約向銀行貸款。

唔多,佢同銀行借 40% of 欠款總額。

流氓律師 professed (帳面亦係) 佢會大拿拿 paid 欠款總額 ge 10%。

佢又大手筆,將身上謹有 ge 錢係新開 ge 五星級酒店租間房。

租房做咩 ...

用黎做辦事處羅。

順便大下班銀行佬。

個陣時,一等洋人;重係成身碼頭 ge 洋人 ...

... 唔使講,銀行方面,自不然水到渠成。

跟住流氓律師成立間有限公司用黎做門面;開始做收數佬勒。

講故講到呢度,自不然就係流氓律師同紅雞繩搭上左。

一個供,一個求;直情基情無限。

呢個亦係紅雞繩係偵探社 ge 業務蒸蒸日上其中一個原因。

流氓律師同紅雞繩兩個玩下玩下,越玩越過癮。

開始唔再滿足於只係搵到人,逼到分期付款。

因為 ... 打得鑼多鑼吵耳,打得更多夜又長。

由其事係試過,

... 債仔走左路,

... 拿拿聲羅判決,落押記,

... 再監平監賤將債仔層樓左手賣俾右手,

... 正價買返出去賺個差價哩 d 非正常收入之後。

鞋,財帛動人心呀。

於是,牽涉到風光 Sir  ge 情節就出現勒。

TOP

五星級酒店 ... ... ... 之一
附件: 您需要登錄才可以下載或查看附件。沒有帳號?註冊

TOP

216/69200

續住 didi 姐個帖 [香港新聞] 魔戒除唔甩玩殘消防
http://www.disanna.com/viewthrea ... mp;extra=#pid237079  講埋落去.

夜 d 再上傳跟住落黎 ge 情節.

TOP

真個唔係 Di 姐個帖,小肥都茅記得哩件事。

事源係咁 ge ...

當日,小肥本來就練緊流雲飛袖 ge。

作為三好五優青年,小肥自不然就發揮進步精神。

想話將流雲飛袖改良到好似八斬刀咁,飄飄忽忽,出其不意。

左搵右搵,都係搵唔到件襯手架生。

一個唔覺意就發現左個遮套;即係相片個種。

連隨就套隻手指落個鐵圈度,然後 faat 黎 faat 去。

玩左陣,大檸樂勒,扣實左,除唔到 ... 點算呢。

試過生油,試過肥皂,試埋豬油 ... 都係唔甩。

真係上得山多終遇虎勒,今勻。

於是,拿拿聲走去搵磨刀佬個檔口 (好似係三盞燈附近,唔肯定) 。

想話

TOP

本帖最後由 咱是陳小肥 於 2014-3-5 00:34 編輯

想話搵佢磨刀哥個人力磨 ... 磨斷個鐵圈。

磨刀佬,一路磨住把菜刀,一路吊住支熟煙話:你敢 ge 無問題呀。

小肥見佢磨到噴曬火花,連隨就調頭走。

跟住就走去警察廳搵個熟人,叫咖啡精 (因為佢習慣一日起碼飲兩朗口盅咖啡) 。

咖啡精陰陰嘴笑住話:哩 d 唔係警察 ge 專科喎。

無計,去到新馬路想話搵佢磨刀哥個人力磨 ... 磨斷個鐵圈。

磨刀佬,一路磨住把菜刀,一路吊住支熟煙話:你敢 ge 無問題呀。

小肥見佢磨到噴曬火花,連隨就調頭走。

跟住就走去警察廳搵個熟人,叫咖啡精 (因為佢習慣一日起碼飲兩朗口盅咖啡) 。

咖啡精陰陰嘴笑住話:哩 d 唔係警察 ge 專科喎。

無計,去到新馬路搵阿彤叔;想話借打金師傅 d 架生車車佢。

彤叔叫人開支可樂過小肥,然後話:肥仔,車 ge 時間好熱,過百度個喎,手指都熟架。

所以,最後咪去左鏡湖羅。
附件: 您需要登錄才可以下載或查看附件。沒有帳號?註冊

TOP

返回列表