咱是陳小肥

119/33431

飛哥食埋最後個匙羹飯話：錯，佢同老頭子講，屋企盤生意佢掂都茅掂過，全部係 d 細佬落手落腳做。

小肥：咦；兄恭弟愛，好事呀。

飛哥：佢同佢老竇踱左廿盤水自己開律師樓；盤生意佢只係掛名做個非執行董事。

小肥：掛名用黎照保呀。

飛哥：係，個時有個狀師牌真係夠照。

如是者，經個一段時間，老頭子埋左單，屋企盤生意亦蒸蒸日上，豬籠入水，幾個細佬亦都羅下荷蘭水蓋呀，做下總理呀咁。

當然，d　表面風光，面子工程，棍爺亦唔差。

面子無問題，裡子就千瘡百孔勒，十瓶九蓋。

小肥：點解。

咱是陳小肥

120/34175

無他 ge，棍爺愛面子　．．．　有困難呀，唔收啦，識邊個呀，唔收啦，咁麻煩呀，唔接啦，咁腩串呀，唔接啦；平時又三妹四姐，司機花王；重還要　boom 測測同 afternoon tea。

最重要，阿大少唔會同　d　客應酬，唔同　bank 佬食飯　．．．；叫你阿　sir；咁大少係咩呀，大少成家都係荷蘭水蓋。

自不然金山都食空啦；何況，點話點好，律師樓始終都係商業組織，要求財架。

更何況，睇住班細佬珠光寶氣；棍爺難免想顯示下大哥　ge　本事。

哪，有欲有求就出事勒。

有日，有個講番文　ge　人打電話上棍爺間律師樓。

咱是陳小肥

121/35049

棍爺因為原先有錢，愛面子，又係米字國生活，實習多年；所以佢間行係無師爺，反而有 managing clerk / legal executive。當年　legal executive　得英國有得讀，有得考。

Legal executive　前身係　managing clerk。

Managing clerk　係一班好有經驗 ge 從業員　．．．　中國人俗稱　“師爺”。

起初有個會，係由　managing clerk　埋堆而成；最後發展成更有規模同制度　ge The Institute of Legal Executive；家陣好似 Chartered　埋添。

個　managing clerk　聽完電話，就向棍爺匯報：有班南美　ge 　商家佬想告銀行歧視喎。

棍爺：告銀行　(棍爺面露猶豫)；做唔過喎　(棍爺公子唔曬，唔好話當年，今時今日，試問又有幾多人敢告銀行)。

Managing clerk：係告信我就托銀樓。

棍爺：掉溝渠啦將佢；咪我老表個間。

咱是陳小肥

122/35511

今晚醒啦; 出左先瞌眼訓.

Managing clerk：係呀。

棍爺：唔接，唔接。

Managing clerk：班洋人話幾多錢都得喎；為啖氣喎。

棍爺：咩咁大件事呀。

棍爺：咦，成班洋人。

Managing clerk：係呀，成班架，唔係一個人呀。

棍爺：講黎聽聽。

話說，有班南美洋人，拿注疊值幾球嘢　ge 　花旗國債，上到信我就托銀樓。

上到去就阿之阿左，幾百萬未開頭咁款　(又真係　ja　幾百萬喎)。

班洋人原來想過黎做生意，開戶口。

重話要開　LC 戶口，重要羅埋咩　bank guarantee，bank bond　呀咁。

咱是陳小肥

123/36219

開得銀樓，又點會係流。

班掌櫃，賬房逗完一輪，問完同業，打埋　telex；真連隨洒手兼擰頭，準備禮送哩班大哥出門口。

唔地除咩係　telex；呢，杰杰杰，釘，杰杰杰杰杰杰，釘，個隻呀　．．．　重唔明　．．．　有圖。

點知，班洋人發老難；媽媽叉叉，咩必處呀，蝕呀之餘，連西班亞牙文都出埋。

當然，打開門口做生意，以和為貴之餘，梗有多小保護自己　ge 　能力。

擾攘之際，黃氣又到；因為係銀樓出事，今次竟然係條魁帶隊。

以洋制洋，無話一等乜乜二等物　ge 　情況出現；事件係銀樓哩邊好快又平息勒。

但係，班洋人唔係偃旗息鼓；反而一不做二不休，閂埋房門就玩奔走。

咱是陳小肥

124/36927

點奔走法呀；無，玩維權羅，奔奔走走幾間律師樓。

不過，可奇怪喎。

通常哩　d　咁大煲嘢 ge，梗係搵洋人大行；或者，起碼都砣地大行啦。

班吊吊　thing　行親埋去都係　d　中小企。

卒之行到棍爺度。

唔知係棍爺時運低呀；定班洋人老襯當旺勒。

飛哥講到哩度；小肥就問勒：你點知呀，你　“餅埋係佢地床下底偷聽呀”。

飛哥：班友上過黎阿啦度。

上過黎　．．．　叻條中秋幽靈會忽領嘢。

飛哥：騎騎騎，雞仔老竇咁蹺個日係度。

關咩　．．．　．．．　．．．

咱是陳小肥

125/37599

飛哥：關咩呀關；聽唔聽呀，聽就唔好斬亂歌柄啦。

聽　．．．　聽；你老人家繼續吹。

Managing clerk　接到班洋人電話，再同棍爺斟酌之後，決定見見班洋人。

無他　ge；貪心同好奇，咪害死人羅。

再加埋，棍爺諗住同銀樓有偈頃，今次重唔天降財神　．．．　ja 住大疊水　ge　外來人，重係成竇，跟住後續重有大把生意往來。

拆得惦，掃得平；就更加係班親戚朋友度羅曬彩。

係律師樓棍爺同班洋人開完會，唔知係鬼掩眼定無咩人生經驗定係錢遮眼。

棍爺竟然受曬班洋人個套喎。

咱是陳小肥

126/38263

棍爺一方面擒住班洋人唔好起扒去隊銀樓；一方面就起私心勒。

咦，班七古碌肯羅疊國債做抵押，又肯俾近乎大耳窿　ge　息口；轉俾其他銀行咪賣個大人情。

個時，銀行人情真係好大架；一般黎講：買樓合約收三千，買賣契收一餅，按揭契又一餅；重可以代表埋買賣雙方，差唔多收雙份咁滯　．．．　真係會滯架。

做親按揭，銀行一定指定律師。

所以話，銀行人情真係好大架。

中間個過程就唔詳細寫勒。

總之，班洋人攪到棍爺覺得　d　債券涉及某國機密，內容唔可以公開，正本唔可以俾銀行。

結果就係棍爺做認證，擔保 d 債券係堅之類，攬曬上身。

講到哩道，小肥咁蠢，都知班洋人係行老正，昆人老襯啦。

昆係千門下八將之一；簡單　d　講，即係出口術。

咱是陳小肥

127/38963

擔保，本來無咩大不了；棍爺有一早分左家，點都算唔到屋企人身上。

大不了破產，交返個狀師牌出黎；返去食屋企，咪一樣係大少。

個時，大氣候之下，對世家子弟不竟都會較為寬鬆；所以，正路黎講，都唔會追究佢刑責。

弊就弊在佢少爺皮性，接受唔到破產，怕比人笑傻仔；更接受唔到破產　ge 後果；結果就越踩越深。

佢一個唔覺意，諗歪左；竟然穿自己櫃桶底，標自己 d　客松柴，笠錢走佬咁話。

一走了之　．．．

走佬，話咁易咩。

棍爺大本世正職都係做大倌，攬住舊錢，連走佬都唔識，點走，走去邊，唔知。

最後，攬住舊錢，搵左間渡假屋避左幾日。

結果，俾個當年一齊食臘腸　ge　老死搵到，陪左佢幾日幾夜，又鬧左佢幾日幾夜。

最係，棍爺明白都係走投無路，死死氣走返屋企。

咱是陳小肥

128/39726

所謂醜婦終須見家翁；好採兄弟又夠騾，出錢又出力，無計咩家好好醜醜面子名譽。

後來，搵埋　London Seal　(即係英國御用大狀)，打一輪官司；都係要坐花廳，雖然刑期唔算長。

黎到哩度，小肥有問題：點解飛哥無瀨嘢。

飛哥：哪，就咁；因為飛哥哩就英明神　．．．

小肥：哪　．．．　兩隻手指添呀　．．．　見過蟹喊無。

飛哥：都話雞仔老竇上左黎。

小肥：呀，雞仔老竇識破佢地係老千。

飛哥：講　d　boss，any jetso　for me；beautiful suzie wong；port ball；事　dap　shot雞仔老竇就識。

小肥：即係點呀。

飛哥：雞仔老竇上黎話搵埋你一齊去捉雞仔姦，唔係，係睇下雞仔個女朋友；包食飛鷹　d　扒餐喎。

無，其實呢，飛來蜢呢，就入公司數；賺幾多都係老細　ge。

小肥：．．．

又話，之前接電話個時，老細企隔離就話無得郁；佢地上到黎，老細都撇左咯，阿叔咁搏命，托呀。

飛哥繼續吹：所以咪落雨收柴，求其開個會聽班友講一輪廢話，收佢一千，話有心無力做唔到哩 d　大案，俾埋銀行公會地址，電話，就耍佢地走羅。

小肥：．．．　．．．　．．．　正契　．．．。

註：千門有八將，上八將所謂：正、提、反、脫、風、火、除、謠；下八將分別係：昆、種、流、馬、撞、天、風、掩。

註 (講緊下面個 d)：小肥好耐之前係第個壇出過　ge：

試下豬 ngaap 下訴訟部門的工作, 又係聽番來, 睇過就算, 唔好當真.  你玩認真, 小肥傷心.

咱是陳小肥

129/40341

講到打官司, 不期然會諗起一個名詞 “師爺”.  香港的師爺當然同清代的 “刑名師爺” , “錢穀師爺” 大有不同.  個人睇法, 係香港, “師爺” 同 “大寫” 在工作上頗有重疊之處; 個人認為分別在於 “師爺” 應該偏重於營運, 策略方面

咱是陳小肥

129/40341

講到打官司, 不期然會諗起一個名詞 “師爺”.  香港的師爺當然同清代的 “刑名師爺” , “錢穀 ...
咱是陳小肥 發表於 2013-11-10 00:48

...

策略方面 ge 工作, 而 “大寫” 就比較著重係支筆度.

近十多二十年來, 律師行越來越多法律行政員; 好多大寫 (無論是負責物業買賣或訴訟) 甚至其他文員, 秘書都身具法律行政員的資格.
想取得法律行政員資格, 只需報讀認可的課程, 期末考試成績合格准予畢業.
法律行政員還可以代表律師行出席某些由聆案官主持的內庭聆訊.

大寫, 法律行政員通常都會係公司坐鎮 (吞泡, 蛇王, 後梯煲煙另計); 正常要出街做嘢就多數係到現場勘察, 開會, 出庭, 到法庭協助大律師之類.

平常派送文件, 到法庭傳檔文件就會由文件文員負責.
好多時, 加簽國際公證文件, 到 ＜遺產承辦處＞ 處理文件工作, 俾法庭費用等等都係由文件文員負責.
因為成日係街度, 文件文員必然係自由過其他坐係公司的工作崗位.
但, 正因為太自由, 容易令到個人懶散, 所謂一得一失, 自求多福.

若果大寫, 法律行政員, 文件文員熟悉訟費評定程序的話, 他們也會以律師行訟費評定文員的身份出席訟費評定聆訊.

純粹豬 ngaap , 勿當秘笈.

咱是陳小肥

131/41003

扇的故事　－　跣到扒抵

好耐，好耐，好耐之前，有個鄉下仔；姑且叫佢著數哥啦。

著數哥係一個大家族 ge　外圍子姪；外到算盤都打唔埋。

點解話佢係鄉下仔，因為一路都係在大家族出身個條村生活。

後來，著數哥翻山越嶺，排除萬難；成功抵壘，羅埋身分證。

羅埋身分證後就投靠係大家族　ge　親戚；係家族生意度拗份老襯，做　boy　即係後生。

著數哥克勤克儉，精靈醒目；捱左幾廿年之後，殺到條血路出黎。

係唔靠家族，單枝自立門戶，身家巨萬，成為城中富豪之一；可惜子嗣緣淺，得一子一女。

咱是陳小肥

132/41756

sorry, sorry, 剛諗 "糞" 醒.

著數哥得一仔一女，真個唔算係興旺，由其是係講緊十二少哥時個年代。

個女呢，就蘭心蕙質；個仔羅，就資質平庸。

個慈姑掟大學畢業，都係得個推薦合格；重係間大學無哩那更，多左間　“著數哥實驗室”　之後　ge　事。

呢哪，先頭講話洗把扇個位，就係佢個仔勒；即管叫佢做文狄啦。

點解叫文狄，知　．．．　恭喜，你一定好精叻　(因為人老就精)；唔知，一樣恭喜，恭喜你青春年少。

真係唔知，六十年代無睇過電視咩。

無睇過電視呀，睇圖啦。

女公子學業有成，返公司幫著數哥手 (其實應該叫著數 sir 勒，封左爵啦嘛人地)，經營業務長袖善舞；著數哥如魚得水。

唯一美中不足　ge　；女，始終要嫁；點似得個香爐躉可以繼後香燈，返祠堂點燈，分豬肉。

哪，唔係小肥封建。

事實係老一脫　ge　人，始終都係走唔出哩個框框架勒。

小肥對女從無偏見；無論係　“個”　定　“條”。

咱是陳小肥

133/42272

於是，著數哥就幾番努力，希望乖仔成龍；真係咩八寶都出齊。

甚至，夾硬質個仔返公司做副總諗話逼佢學做生意都試過。

可惜，龍生九子，品品不同；當發覺現實比人強，著數哥自不然就失望兼失落。

真係打曬困籠，不知點算好，不知點算好呀。

後來，個女嫁左個有為青年。

女婿平民出身，自己努力，半工讀完成大學課程；結婚之後入埋公司幫手。

貨比貨得扔，人比人得死；兩相比較之下，文狄　ge　情況就更加不堪。

工作上　ge　安排，自然傾斜係得力個邊。

於是，出事勒。

咱是陳小肥

134/42979

因為懷材不遇　(文狄自己覺得)，所以心理唔平衡 (文狄根本就係)，文狄竟然開始賭錢。

唔係賭馬，唔係過大海；係同班二代賭啤。

文狄無哩醒目，老竇又大把；班二代就串埋出佢籠了。

一晚棟十萬，一晚棟十萬；枕住係咁棟，枕住係咁輸，輸完又黎賭過，賭完又俾佢督數。

夠期埋數，文狄無咩，無緊要，埋單可以搵著數哥。

班細侄搵著數哥找數，輸人唔輸陣；著數哥永無失手勢，面對面就粒水都無，即刻劃則紙。

返到屋企就梗係的住文狄插；香蕉佢個沙田柚。

咱是陳小肥

135/43494

唔好話人地無親情，長貧真個係難顧，難就難在個長字呀。

一來唔係錢小，話就話十盤八盤對著數哥黎講，不外乎係面個浸；但係，日日係咁，真係天跌落黎咩。

二來就係壓力，枕住日日驚電話響，一響又話十皮野；都唔好話唔係野。

生你 je，欠你架。

個女同女婿就次次拉住老竇；檯底亦幫文狄找過唔小數。

最後忍無可忍，著數哥對外宣佈唔再攬阿文狄 d 賭債；閂左水喉，班二代就無再搵文狄。

文狄就日日係公司玩嘢，返下放下；間中重還要　hea　下。

一係就呼呼喝喝。

再唔係就叫　酒店　room service 開大餐；係爭在無叫應召。

女婿見到咁情況，外父又日日勞氣；真個唔係路。

於是女婿決定犧生小我。

咱是陳小肥

136/44121

一個外姓人膽粗粗咁同著數哥講：阿爸，咁落去唔係路喎。

唔明　ge；真係以為佢想搏乜。

好彩，著數哥挑通眼眉，知女婿係出個心。

著數哥：鞋。

女婿：不如咁啦；開檔新嘢專賣個隻新貨　XX牌，俾阿哥睇住啦。

最多做女婿　ge　同佢拍住上啦；好過攪到間正舖呀。

咪個上樑不正，攪壞埋班下屬喎。

著數哥：咁你點呀；行內準備推舉你做會長羅喎；轉做洋貨，你之前　d 努力　．．．　．．．　．．．。

做左會長，你自然更上一層樓，唔使再成日俾人話係阿女個老公哪喎。

女婿：哩 d 不外係錦上添花 je。

女婿又話：一家人，最緊要大家開開心心，家和萬事興呀。

女婿重話：阿哥都唔想架，唔係當年佢失戀　．．．。

咱是陳小肥

137/44833

著數哥：戀咩戀，哥個係寡母婆黎架；重大佢成十年。

女婿：開檔新嘢啦，好唔好，阿爸；就算蝕曬都有個譜呀，無所謂啦。

著數哥：阿女點睇呀。

女婿：佢無問題　ge。

於是乎，就開左檔新嘢勒。

阿女婿亦遵守落諾言，就住文狄玩；樣樣做好晒，再請文狄審批，所有財務，支票全部要文狄簽名。

係女婿精心打理之下，又有個強大後檯　back up；檔嘢竟然越做越好，文狄又搵返自我。

點知，兩年之後，女婿意外身亡。

咱是陳小肥

138/45495

無左個棟樑，得返個空心大少，檔嘢自不然出現問題。

於是，著數哥就委派左個內部　ge　有牌會計師過去幫文狄。

會計師，有牌；打工，有上頭；自然執正個執正，古版到加零一。

會計師一執正黎做，文狄 d 空心嘢即刻現形；哩度唔知點解，個度又唔知點算。

一常要匯報。

係文狄落唔到 order ge　時候，會計師重會稟返去著數哥，羅指示。

自我又再次失去勒。

但係，今次，無得賭勒，老竇出曬 warning；阿水同你賭咩。