標題: 老餅話當年 - 繼續老餅話當年 [打印本頁]
作者: 咱是陳小肥 時間: 2013-7-17 13:18 標題: 老餅話當年 - 繼續老餅話當年
係老八最後一期講到:
2012-12-30
講返出錢合夥人。唔好以為你成為老闆就定過抬炸彈。
公司任何人有錯，合夥人都要負責，重要上身。老細，無籃用，要買啦。還有 … 兵變點呀，做唔切點呀 … me 啦老細 … 到時真係想到腦細。
個個月要跑數，裁員要出聲；年頭要跑稅，年尾要跑保險，兩年跑一次加租。
重要租倉擺 D 做完左的檔案。
朝朝起身就要預備幫 D 客同人開片，返到公司就要面對班客 D 煩惱。
日日如事，收得錢，開得 file，就無得退縮，唔可以做做下話唔做。
生意好，既驚做多錯多，更驚做唔切 me 鑊 (唔使講多，家陣 400-600K 一個車位，成交遲左一分鐘，俾人殺一單訂四皮，做幾多單物業買賣先補得返)，又要驚夥計扭計，跳槽。
生意唔好，去邊度搵。
就好似古代某財子所講 … 你生仔 … … … 唔好亂估，係你生仔易過我作詩。
生仔，你肚裏面有貨；作詩，我心懷幽壑，卻胸無點墨；石頭係鑽唔到血出黎架。
生意好唔好，都要盡量維持住個基本班底。夥計，有 D 就一言九頂，有 D 就四方木；好夥計，就可遇不可求；重可能，轉頭就俾人撬走。
埋齋，講多個故仔。
有晚，撞到個做律師 ge 朋友，佢係做野認真，肯落心機之人。
佢好開心咁話俾小肥聽，有單刑事上訴，個犯話知道佢做得好，夠仔細，跟得足，服務態度又好。
死都要法援將件案派俾佢做。
個犯自己寫的初步上訴理由係佢原審個律師無做足野。
小肥話咁咪好羅，天道酬勤。
不過，佢話，有些少技術問題。咩呀，小肥問。
個律師話 … 我係原審代表個犯 ge 律師。
小肥：咦咿，屈原折箭又折箭，屈完可以再屈喎。
你咪有機會做埋終審。
上訴理由 – 好多人都係用 “律師乜乜物物” 為上訴理由。
有 D 係真 ge，有 D 係陰功架。
講開屈人的故事，再講多幾個。
記唔記得當年電視劇 “上海灘”，許文強落難香港，食野無錢俾，留低支金筆做抵押話轉頭贖返。點知返頭之時金筆變膠筆個故事。
現在就講文明同公道，以前 D 當舖，就算你當幾貴重，新淨，都係寫 – “破銅難鐵”，“舊衫舊棉被”。
家陣都有類似的程式，不過更加文明進步，叫哩 D 做 disclaimer 或者豁免條款。
廿幾卅年前，小肥有個藝術家朋友，英文名 Patrick，中文名就叫柏漆。
柏漆去左個周圍都係沙漠同石油的地方做廣告公司的藝術總監，三年又三年，最後佢話頂唔緊，情願返香港捱騾仔。
佢話係個邊係搵到錢，不過完全唔敢有些少行差踏錯，因為當地法律同習俗相當嚴厲而 D 教長又好大權。
佢的起心肝走投係因為佢辦同事賴左野。
話說，柏漆有四個好鍾意食蘿蔔的同事，四條癡漢係沙漠石油國度搵錢，但係搵唔到食。本來公司都好識做，每三幾個月就包隻艇俾 D 單身寡佬出公海合肥。
幾位蘿蔔愛好者唔知係餓得滯定係想搵刺激，又或者係天意；竟然搵到個飛來飛去的同鄉女仔同佢地援交。
嘩，一對四，直情係東熱情節，尾隨癡漢情意結，禁忌派對，返到鄉下重唔有排講。
正當五條肉蟲係間高級酒店入面也媽爹，玩緊龜甲之際，酒店房門突然俾人撞開，四五個穿著黑袍，黑褲，黑頭巾的男人衝左入來，其中兩位重係腰纏彎刀 ge 護法。
四位鷹哥當堂目定口呆，個女仔就不竟係跑慣江湖，講聲輸咩阿媽醒之後，即刻嗌 “拿衣袍 即係 強姦”。
柏漆佢講：後來聽人講話做援交的女仔要俾石頭掟死，強姦犯就要唔知斬 D 咩。驚起上來，咪那臨返歸羅。
柏漆話，雖然日日做到無停手，但總有攤 tau ge 時候；又話飽暖思淫慾，單身寡佬豆，漂洋在外，好易做錯野。
講下屈，又講下騙。
作者: 咱是陳小肥 時間: 2013-7-17 13:26
本帖最後由 咱是陳小肥 於 2013-7-17 13:28 編輯
玩得返醃, 無咁衰仔, 執多劑 … … …
提多句, 吹水 je; like 就睇下, 唔 alright 就藐下. 唔好上心, 唔好勞氣. 似曾相識, 就當懷下舊. 覺得離譜, 就當睇玄幻.
繼續水青哥的故事 … 小肥識水青哥之時，佢已經從整餅師傅的崗位退下來。老闆照顧夥計，水青哥又唔鐘意遊手好閒，所以，水青哥就係餅家做門市。
佢退休之後，小肥私下跟過水青哥學過藝 (不過唔係學徒又唔係打工) ，純係學炒下蓮蓉同用兩支竹卷下蛋捲。
某年中秋，小肥幫水青哥裝月餅 (個時的名貴包裝重係用紙盒加玻璃面)，送水杯，豬籠，紅色膠金魚。
一路做，一路嗲 (食，唔好玩啦，成千上萬個月餅，睇見都唔會想食啦)，即係從餅盤度羅 D 餅入盒。D 餅趕住落船外銷。
水青哥講完刀割喉嚨之後，又話佢後生好為食，又貪小便宜。
有晚收工，返家途中，突然被人叫住 – 叔台，有筍野，然後招引佢埋牆角。
叔台，平燒鴨，要唔要。因為無街燈，路面比較暗；水青哥隱約見個人一隻手抱住一舊用新聞紙包住的東西，另一隻手係件野度拉條燒鴨頸連頭出來。
阿哥，頭先鼠返來，要就讓過你。
卒之，水青哥好平買左只鴨。
個神秘人就雞咁腳走左。
買左賊贓，水青哥亦雞咁腳走回家，佢又特別驚青。點知，返到屋企，打開張新聞紙一睇 … 唔係呀嘛，竟然系一舊欖形的木頭。不過，個鴨頭同鴨頸係真 ge。
插兩句題外話；有無人記得嘗新的生扣龍躉皮，英京的陳皮鴨，四五六的清水大蟹，龍記的金華玉樹雞，同大三元的蒜子瑤柱甫。
講起瑤柱，記得有段時間出現過螺片扮鮑魚，魚唇扮花膠，豬皮扮燕窩的案件。其實有幾單重羅膽，不個無咩人提。有 D 涉及鋪頭入錯冒牌包包，充頭罐頭或者假罐頭鮑魚。
其實，當時黎講，有 D 罐頭未必係假，只不個係內銷同外銷條生產線唔同，罐頭包裝可能因此有些小出入。家陣唔同, 而家係講入線。
然而，內銷同外銷的品質與及規格，仍然可能會有不同。
作者: 咱是陳小肥 時間: 2013-7-19 16:50
執藥 – 小肥識得一個靚 C9，佢話有次，行開街，去到一間裝修華麗的藥材舖。
諗住入去打個白鴿轉。行下行下，突然有個後生仔售貨員埋來招乎佢。
個售貨員嘴頭十足，又見識廣博，好快就執到重點，知道靚 C9 有兩個錢，又知靚 C9 好緊張佢老公。
於是就向靚C9 推薦一服補藥 (燻個類野) 俾佢老公試下，話咩清熱解毒，舒筋活血，有病醫病，無病防身；又話點好點好，價錢相對又唔算貴 (有麝香，蟲草之類貴價藥，當時重未係咁興蟲草，麝香就基本無咩人用)。
個售貨員話見 D 客用完一個療程，就當堂見效。
跟住又講下自己點努力向上，可惜家境問題，勤工儉學，一人吃飽，全家無憂，窮到除左錢就咩都無。
接返又吹下劑藥，跟住又話有緣，醒包蜜糖山渣餅俾阿大姐。
靚 C9 係識貨之人，用開上野，見價錢 OK，就話試下啦。
跟住繼續行下睇下。
到埋單，換左個死老野過來，盛惠七千五呀，太太。
靚 C9 當堂呆左 …
靚 C9 當堂呆左，唔係五百咩。
係呀，一劑五百，一個療程十五日咪七千五羅。
重送蜜糖山渣餅添。
唔係喎，我要一劑試下先喳喎。
你唔早講，呢 D 藥係一個療程，一個療程咁執。
家陣 D 藥材都囅碎曬，分好曬咯，點分返開呀，太太，我地打工 ge，好難做架。
後來，靚 C9 怕老公知道，唔敢帶返屋企，就成 lot 野俾左小肥；小肥晚刻係屋外面燒野食或者打邊爐 (唔好插，山邊地方，有時夏尾秋頭都重有蚊架) 之時，用來當蚊香用，發覺真係有 D 用，用左真係無咁多蚊，唔知真係有麝香定係 D 艾草起作用。
作者: 咱是陳小肥 時間: 2013-7-21 18:06
平民夜總會，有野賣，有野食，有野聽，有野睇就好多人都知。其實，平民夜總會重有野學。
有段時間，小肥同班豬朋狗友，好鍾意落某平民夜總會；劃鬼腳請食飯，聽下野，睇下野，唔覺唔覺又一晚。好彩個晚，可能斗零都唔使俾就玩足一晚。
班豬朋狗友裏面，有幾件係做算命，睇相；其中有一兩個重係江相高手。高手裏邊有個於老頭，都算有名有姓，據講佢批命係真有一手。
不過佢只係幫客睇，唔幫死黨睇，佢話做得老朋，就唔出得術，唔出術，就漏天機，無著數，做唔過。
於老頭係火麒麟，係某平民夜總會浦好多年，算係佗地兼資深帶街。
話說，有晚，睇完戲還早，成班友遁落某平民夜總會，諗住謀殺下時間等夜 D 推野 (天地人鵝梅個隻)。
落到夜總會，有人大聲大氣係講野，隱約聽到咩 … 賭錢 … 輸死你呀細佬 … 老千 … 要乜有乜 … 諸如此類。
小肥奇怪，咦，有傳道人過左來開壇呀。
於老頭：跟住學野啦。
作者: 咱是陳小肥 時間: 2013-7-22 02:14
埋到人堆，見到一條大漢傍住一個猴形靚仔阿伯；呢那，就係個靚仔阿伯係度嚮勒。
靚仔阿伯：要咩有咩，你地想見咩牌呀，夫佬，四條煙或者黃拋奇，想唔想。
班觀眾無人答嗲，等左一陣，有個四眼仔剛想開口，於老頭立即搶住話：一條青龍，我要倒牌。
靚仔阿伯：我切，踩場係嗎，阿叔。
跟住又話，好彩我地呢 D 真金就唔怕紅爐火，叔台，倒牌啦。
睇野呀那。各位街坊，一條青龍 … 佢就開條大龍出來。
然後，靚仔阿伯又話 – 今日初到貴境 … 省去五分鐘演詞；各位街坊，有興趣學防千術，就每位五個銀錢，學左唔好用來出千搵食呀，限額十人。
於是，成班人湧埋去報名，包括靚仔阿伯同小肥，重有一個，一睇就知剛剛師傅上左身眼都紅曬 ge 哥仔。
小肥有 D 奇怪，於老頭收左小肥五雞屎，但好似無俾過錢靚仔阿伯 (一係就欺詐，唔係就托水龍或者食夾棍；會唔會係破壞誠信呢)。
各位老細，呢度唔方便，請跟我過一過個邊。
於是，小肥無再想學費 ge 問題。
於老頭突然同小肥講，一陣有咩事，唔使驚，慢慢散就得架勒。
小肥實在無摸不著頭腦，學野 je，有咩事呀。
作者: 咱是陳小肥 時間: 2013-7-22 23:28
成班人去到一棟唐樓的樓梯底，靚仔阿伯就教大家點樣砌條青龍出來 (其實係好笨的方法，所以只可以倒牌，唔可以洗亂)。
不過，又真係教左野喎。
好勒，家陣教第二招 … 紅眼哥仔突然發羊吊，口水鼻涕一齊來，向天仰臥，四肢抽搐。靚仔阿伯即刻結兩個手印，然後合指一算，然後話，麻 X 煩，條友仔撞野，賭就最邪架啦，明知自己時運低，就唔好撞埋來，害人害己，醫返都曬藥費羅。
唔知會唔會上第個身添喎。
嘩，霎時間雞飛狗酒，契弟走得麼。
剩返五個人係度。
靚仔阿伯突然間話，唔該曬於哥，下次飲茶，我 ge (past consideration 定 gift)。起身收工啦，道友成 (employment 定 partnership)。
頂，個時一個飯盒都係兩個半喳。串謀行騙呀，妖。
作者: 咱是陳小肥 時間: 2013-7-24 00:30
當年係老八, 小肥寫過幾個鬼故; 例如, 小肥阿叔係鏡湖玩自嚇個煲. D 大學鬼故, 甚麼荷花池女鬼呀, 後山辮子姑娘呀, 大大話話都傳左幾十年, 講左百九幾次.
又有個鬼故啦. 話說, 香港地有幾大呀, 中大同沙田, 行路都係行個兩粒靚鐘 (唔好拗, 小肥行過). 中大同沙田中間有個山 (好似叫道風山, 唔係好肯定).
卅幾四十年前, 有幾個大仙, 諗話泡妞, 就約埋幾個新學妹上道風山踏下青.
於是一路行, 就一路溝 … … … 通. 行下入 d, 又行下上 d – 係行, 唔個係摸, 唔著亂估.
咦, 點解有間石屋係度 gam 宜人 ge; 入去羅杯水飲下都好喎.
咯咯咯, 無人應門 ge. 再咯咯咯, 都係無人應門. 死蠢, 有門鐘都唔用. 練練, 練練, 都係無人應門 ge.
有個窗喎, 個去裝裝啦.
咦, 入面 gam 暗 ge; 有人打緊牌喎. 話蟹, 一個大三元扛曬做緊十八羅漢, 兩個清一色九張落地. 唔怪得練練都唔應啦.
幾個材俊不自然就比個牌局吸引住.
突然, 無開牌個家 “拍” 一聲開左隻牌, 然後話: 自摸紅中, 十三么.
有條友話: 邪呀, 有咩邪得過賭呢.
作者: 咱是陳小肥 時間: 2013-7-25 03:41
其中一個大仙就話: 嘩, 奇牌呀. 另一個就話, gam 都食到真係本事. 其中一個美女就話: 大牌食絕章呀嗎. 跟住, 成班人一齊 “嘩” … 絕章呀.
然後, 背住幾個材俊個位牌友擰轉面望 … … … 成班人即刻又一齊 “嘩 … 走呀”. 其實, 唔應該話係擰轉面望, 應該係話, 擰轉個頭用塊面對住佢地. 之後, 成班人三緘其口, 提都唔敢提.
之後, 其中一個大仙係飲大左 ge 情況下, 同人講左單野出黎.
又蹺喎, 言者無心, 聽者有意; 聽班人裏面有幾件又想一探究竟. 係爆響口大仙處羅到詳細資料, 地步. 係某個風和日麗 ge 艷陽天, 四條加爛豆, 帶齊架生, 上埋萬佛寺, 估話想一探究竟. 點知, 由天光行到黃昏, 由大學炒到沙田再行返轉頭, ja 住張手繪地圖, 都係搵唔返個條上山 ge 小路.
行到日落, 四條加爛豆突然覺得天氣好似轉涼, 開始拗底; 最後都係覺得返落大圍食乳鴿好似穩陣 d.
那, 哩件絕對唔係真人真事, 千祈唔好當真呀.
作者: 咱是陳小肥 時間: 2013-7-25 21:24
睇電視，見到有個政府宣傳片，由一位前文雀出來現身說法，教人點樣防止俾人打荷包。
我就想起雞仔老爸同過小肥講：人唔貪心，唔好奇，老撇 (即是騙子俗稱老千) 就無運行。就好似以前阿步雲叔講佢幫 “布魯士。 李” 起個藝名叫小龍的起因 (太多人知，不再覆述了)。
雞仔老爸重有個阿哥，兩兄弟係孤兒，從細由佢地死鬼老竇的拜把子兄弟養大；即係兩兄弟的義父。阿義父做過山賊，當過兵，又撈過近身保鑣；一身好武藝傳曬俾兩個義子。
義父過身後，兩兄弟後來流落香港。
雞仔老爸兩兄弟身無長物，唯有兩兄弟拍檔出來跑江湖，後來行老正 (即係做老千)，專設天仙局。
因為係孤兒仔，所以無組織，只係每次埋堆先搵人，無話分甚麼師爸呀；正，提，反，脫 等千門八將如此正規。
雞仔老爸又話，做老撇，應該係重計不重睹；不過佢地無師自通，只係下九流手法，持住打得，監粗黎。
人地問佢邊個社團，佢會答你 “合作社”。
作者: 咱是陳小肥 時間: 2013-7-27 22:29
自持一身武藝 (大哥呢，小肥就唔知，雞仔老爸，小肥就見過佢用手捏爆支衣裳竹，兩隻手指捏爆合桃，將支 Q 當鼠尾棍耍曬成套行者棍)。
得手就得手，失手就打人，走投。
都算係好彩，一直都未有出大事。點知 …
人在河邊走，那能 …。
直到後來，有一個天仙局，佢地搵左個交際花做十口扮風流小寡婦 (即係用來勾引大爺個位美女 (十口應該係出自 “古井” 個古字)，想昆 (好耐以前的講法 = 騙) 個第度返來的大爺。
藉口幫個寡婦開睹局，話呃返佢細叔霸左的身家。
點知，個位大爺斯斯文文，原來正職係大天二。
輸左錢之後，發 “瑯癘” ，講唔夠兩句，maang 支蓮花托 (左輪手槍) 出來，對住阿大哥，連打兩槍，跟住，一個屈尾十，走左。
一槍打碎菠蘿蓋，一槍打中小奄。
作者: 咱是陳小肥 時間: 2013-7-29 01:42
個鑊好大纜，真個大纜鑊。醫左幾年，阿大哥雖然話係保住條命；但，死又唔死得，好又好唔返。落得個終生殘廢，鬱鬱而終。唔好話打拳；扎馬，都係得返一千零一種 … 單蹄吊馬。
當時，無工傷，就算有，佢都係自顧人士。無強積金。更無保險，有都無公司受啦，高危職業，牙煙過做特技呀。
睇怕亦唔敢追人身傷害賠償。追贏左的錢，因為係賭注，有例話明無得追。唯有靠雞仔老爸贍養 (無用錯字眼，國內係叫贍養親人)。
雞仔老爸都叫做有多少積蓄，雞仔又剛剛出世；於是便轉行。
初頭，以為可以靠教拳為生；但係，又唔知個招牌點寫。佢都唔知自己甚麼門派。又唔識人。
其實，雞仔老爸試過下 “開館” 教人，點知頭個一堂，開完筋骨 (正式叫練筋開骨或者叫改力，日本個邊係叫調教，鬆展返筋骨同訓練筋骨適應運力的方式)，講過下用手指解麻繩結 (用來煉指力)；唯一個兩件學神，玩左一堂，就痛到唔敢再返；開館一事，自然不了了之。
雞仔就唔好彩，細細個就俾佢老竇舞。咩扎馬呀，拉筋呀，托塔呀 … … … 犀飛利過當年 d 諧趣功夫片呀。
無計啦，成 “慘” 牙食飯，有大有細，有粗有幼。 之後，雞仔老爸做過睇場，做過字花 (佢話阿小龍哥過埠之前，爭落佢幾個銀錢字花攬，一直未俾過)，搬運 (後來撈埋咕喱頭)。
作者: 咱是陳小肥 時間: 2013-7-29 21:08
後來，水兵生意生意好做，又無需勞氣，烚氣；佢轉行 ja 白牌車 (為左做水兵生意，扯埋皮條 (哩，蘇絲黃呢)，後來竟然俾佢學識英文)。
到白牌車被取締，“九人灣” 當道，唔知點解，佢唔轉做的士，反而做左係飯店撈後鑊。
Ja 白牌車開始，雞仔老爸就學識左打檯波，因為，好多時間，又近灣佬區。
棍哩家野，佢熟，所以好快上手。於是開始兼職 “dam 雞”。Dam 下 dam 下，做埋波樓 marker。
曾經回過一帖，提過下收購中古物業，小肥寫：收購就麻煩 D，所謂檔人財路，猶如殺人父母。
作者: 咱是陳小肥 時間: 2013-7-30 23:44
本帖最後由 咱是陳小肥 於 2013-7-30 23:46 編輯
唔使搵勒；個帖係某壇某帖，花仔搵唔到 ge. 哩個係小肥疏忽，sorry 羅。
人地收樓，你賣樓適當的爭取，扮下鷓鴣，低調小小，然後搏高些少，天公地道。
收購辦人都係打工，出來行都係搵食，有灣轉，基本問題唔係太大。
所以，通常係開個還可以的盤口，傾唔點先拆遷隊上。
因此，正路係先會有收購的跡象。
當年飛哥紮左無耐，泊到個好碼頭，有老細判左煲收樓俾過佢。
當時，重未興大規模收購或者收好成件賣俾老細。老細係細發展商，半炒半起，諗住收返黎就邊射邊走，有大佬要就放賺個差價。
有傻仔就拍住上，玩死魚過刀，過水濕腳。
兩瓣都無，就自己起賺 ｄ 辛苦錢。
隱約記得好似係對一梯兩伙 ge 唐樓。當年唔係 “湯” 房；係板間房同三層 “碌架” 床。一屋九伙廿人行個隻。
作者: 咱是陳小肥 時間: 2013-8-1 00:41
話說，有日黃昏，飛哥打俾小肥問食左飯未，未就一齊，佢請，去大三元。
話蟹，大三元喎，小肥自不然就食左都話未食啦。
去到大三元，開埋飯，食緊個蒜子扣江瑤柱，飛哥問：食完飯，有無地方去。
小肥當堂打個突，心裏面突然出現兩個字 - 賴野 (都話光棍佬教仔架啦)；即刻話：要返屋企食飯，屋企好似留左飯。
飛哥即刻啤住；然後話，食完飯倍我過海做 D 野。
過海，無帶回港證喎。小肥講完，飛哥即刻回嘴，過九龍，帶對腳得勒，唔是過馬交喎。
食完飯，跟飛哥返寫字樓羅左個紅色太空 gib。
知唔知咩係太空 gib，成個連埋把手啤出來，有對銀色扣。重好易拍埋，拍到手 ge。
小肥恨左好耐，都唔捨得賣，一直都係用緊 D 好易爆的航空袋 (唔知咩係航空袋，妖，你都無童年 ge)。
跟住過海。去到目的地；飛哥帶小肥入左一條無咩街燈的街。
咦，做咩愛做 ge 野呢。
作者: 咱是陳小肥 時間: 2013-8-2 00:37
跟住上左去一棟唐樓，一梯兩夥，行到竅下竅下個，隻義大利批蕩，層與層之間有幾條石通花個種。
上到某一單位，飛哥拍門 (有練個喎，點解唔練練佢呢，鬼馬啦)。
拍左好實耐 (度門真係好實，實心個實)，有個著住背心，牛頭褲的阿伯 (高高瘦瘦勁似華南影帝阿哥) 應門兼係個窗仔度裝出黎。
Leng 仔，又返頭呀，走把啦，阿叔，無野好同你講呀。半夜三更。拍門拍到嘈喧巴閉，你係董輝呀。
唔係哩，泉哥 (即管叫佢泉哥啦，費事諗，咁多年，好難記)，俾我入來先啦，我帶住幾十粒，夜媽媽係街，好危險架。
阿泉哥話：超，你危險關我咩事；幾十粒，膽石呀。跟住竟然開門喎。
後來，據阿飛哥講，泉哥係老學究，自命天謫仙人，好攬清高，靠賣佢 D 畫作為生 (即係老尖賣俾遊客批量生產個 D)，係畫匠。
不過，算係高手，阿泉哥國畫，西洋畫都掂；每日生產數幅名畫，所以衣食無憂。嫖賭飲蕩吹，泉哥話哩 D 叫風流喎。
入屋之後，阿泉哥話：細佬，你成日滾搞住，好唔熟性喎。話左唔賣架啦，我住得他條，收租都夠食過世啦。
飛哥話：唔係哩，你老人家，唔應該住 D 敢舊 GE 地方。
泉哥：I like it，你吹得我脹呀；無野，好走啦。小肥心話，open door，see mountain 添；好野，收工，打冷。
飛哥話：泉哥，你當幫下我地 D 後生啦。
泉哥：幫左你啦，成日俾你入屋，上次你話入過屋就得格；搵個地產佬來，門都唔實應佢呀。世侄，你走把啦。
小肥心又想，so many people die，why don’t you die，當年阿源老師教哩句 NGAAM 用啦掛。
飛哥話：唔係呢，搞唔點，要炒架。
泉哥：好走羅喎。
上唔到圖，送篇題外話
原來鹹瘦肉加鹹蛋煮蜆殼粉同蝴蝶粉 (因為蝴蝶粉唔夠) 再加青豆，粟米，甘筍粒都幾好食；連鹽同味精都慳返，$10 料左右。
瘦肉 HK$12 一開三，一份留黎晚黑煲鹹蛋瘦肉粥，一份留黎滾芥菜湯或者蒸炸菜 = HK$4
鹹蛋 HK$3一開二，一份留黎煲粥 = HK$1.5
蜆殼粉同蝴蝶粉 HK$10 一開四 = HK$2.5
青豆，粟米，甘筍粒HK$3。5 一開三，一份留黎煲粥，一份未想到留黎做咩 (不過雪得) = HK$1.2
呀，重加左兩三塊芥菜 ($10 兩兜，一兜兩舊個隻) = HK$1
= HK$ 4 + 1.5 + 2.5 + 1.2 + 1 = HK$10.20
作者: 咱是陳小肥 時間: 2013-8-2 23:50
唔係呢，泉哥，老細話俾足兩成訂，你睇下，錢都帶埋來；小肥，開箱。
嘩，原來個太空 GIB，全部係銀紙 (people mountain people sea，sorry monkey 大肚臍，係 money mountain money sea )。
小肥慣左，好順口就唱：昇官發財，開棺，凡年十五十六，生於五三五四，屬牛屬馬就 … 呀，唔係，開箱，都唔係，開 … GIB (係讀 Andy Gibb 個 Gibb 重要拉個高音，sorry，家下先記得提)，跟住落黎，嘩，直頭係 … … … 自己睇啦：
泉 – 有錢大曬呀。表情就係 - 對眼望下 D 錢，然後啤住飛哥。
飛 – 唔 …。
泉 – 唔咩呀唔，好 X 煩呀你。跟住對眼又望返住 D 錢。
飛 – 唔 … 唔係呢 …。
泉 – 挑。對眼繼續望住 D 錢，嘴唇開始有水光。小肥心想：金錢的奴隸；我想做奴隸呀，D 錢係小肥 ge 就好勒。
泉 – 收返埋佢，D 人有幾個臭錢，就利用你呢 D 後生 (咦，針對性改變左 ge；呀，時間可以改變一切，個左半粒鐘，年紀左，思想成熟左 … 時間果然可以改變一切)。
更住 - 你 D後生 ge 又係，夜媽媽，帶咁多錢出街，重同埋 D 唔三唔四 ge 人一齊 (一隻眼繼續望住 d 錢，另一隻就 … 肥仔，話你呀，做咩係處眼碌碌望住 D 錢呀)。
無呀，搵緊牙簽。
泉 – 你褲襠咪有兜羅，搵牙簽。但係，泉哥就唔知想點，對眼繼續望住 D 錢，塊面開始有些少紅粉緋緋。
作者: 咱是陳小肥 時間: 2013-8-4 01:01
本帖最後由 咱是陳小肥 於 2013-8-4 01:03 編輯
插句嘴，打個渾，曾經係第個壇第個貼度講話 (亦有人講過)：出黎行預左要還，但係裝彈弓拉我落 “乙水 即係 taam”，我條氣就唔順 ... 呢句野。
聽講話，係好多年前，有幾位移左民 ge 車頭講 ge 。
重有聽聞，老廉成立之初，收料 ge 方法之一係扮的士司機，然後係的士裝錄音機。那，講係咁講，傳係咁傳，真定假，自己諗啦。
返回正題 …
飛 – 打工好艱難架，泉哥。小肥重想緊，D 江瑤柱黐牙，真係有無牙簽呢；找找。
泉 – 係，搵錢，呀，唔係，搵食係好艱難；望下飛哥，又繼續望住箱錢，開始羅煙勒。註：唔好話小肥倡煙呀那，個時興架。
飛 – 幫佢點完火；係呀，你幫下我啦。小肥：小肥都想食煙，不過無人理。
泉 – 咁，貪新忘舊，又真個係無品，違反我做人原則喎。對眼繼續望住箱錢，開始猛吸支煙勒；跟住，放低支煙，再點一支。
飛 – 你幫下我啦，我唔食，小肥都要食啦。何況，呢 D 叫進步，唔係忘本。
泉 – 咁又係，邊個係小肥。小肥想：到小肥啦，主角出場啦，使唔使講野呢，講咩好呢。
飛 – 噢，哦，我屋企條魚。小肥諗，咦，又有得食，呢煲都英京頂樓啦，慢下手，金山添喎，再唔係過江去龍記食金華玉樹老舉都好 woh。
話時話，小肥哩 ｄ 算唔算唧牙膏呢，唧小小，唧小小，每日。
作者: 咱是陳小肥 時間: 2013-8-5 23:11
泉 – 咁又係，D 魚唔餓得 (魚唔係只怕飽死咩)。
小肥諗：係呀，小肥唔餓得架，係時候整碗細蓉啦。
死佬泉一邊點頭，對眼仍然一邊望住箱錢，然後一邊點第三支煙；不過，頭個兩支都未燒完，真係一進香呀再進香，再進香呀三進香。
飛 – 那，我膽粗粗，自己加 10% 樓價勒，最多減我自己個份，你咁錫我。小肥當堂打個冷震； 嘩，紅繩戀兄弟呀 – 罈罐係邊。
泉 – 咁又係，夜媽媽，帶咁多錢出街，真係好危險。鞋，真係兩難；好啦，擺係我處先啦。
小肥 – 唔危險，使叫埋小肥咩；係呢，小肥轉頭問飛哥，點解唔搵雞仔呢。
飛哥話，半夜三更，邊個敢俾個殺神入屋呀；小肥個樣就 … … …。飛哥話哩種講法係讚小肥喎；小肥就硬係覺得 hurt hurt 地。
老細後來係又破產拍賣投左棟單支返來。
飛哥又請小肥食飯。
嘩，第二煲去收樓就頂癮啦；驚險，奇情，香艷有齊。
真係長篇羅 … … … 有興取就追落去啦老友。
作者: 咱是陳小肥 時間: 2013-8-6 23:46
搞掂泉伯單野之後無來耐，飛哥請小肥食飯，話食完餐飯當 level 無數，mark 鐘再計。
結果就俾小肥跣鑊金，打鑼打鼓話飛哥搵到要請食飯，最後飛哥俾成班家爛逗拉左過澳門食雞，去到澳門，班友話要食葡國雞。
小肥自己識整葡國雞 (係跟澳門名店 X利茶產廳個老闆娘阿廿一姑學 ge )，成日係屋企自己焗黎食；黎到梳打埠，起碼都食非洲雞啦，成班到無文化 ge。
點知，出到 x 文無位，轉去 x 樓又係無位。上 x 居又驚撞到熟人，去西 x 食果 (果字應該有草花頭) 子貍又怕燥。
最後，小肥唔服都無計，唯有一個人吊吊 fing，單拖去左郵電廳對住間 x 記叫金華玉樹雞。
佢地就話去河邊新街鴻圖食咩葡國雞 (河邊新街鴻圖，不與話去福隆新街或者紅窗門呀，N 年前重多呀)。
到第二單收樓埋牙，飛哥又嬲刮，所謂 959818 (即係久唔久刮一刮)。
飛哥今次醒勒，知道利誘行唔通重兼夾重皮。
於是，無端端約齊人去鵝頸橋打邊爐，跟住落巴喇沙打波 (因為蘊莎，滿意收得早)。
打完波就打牌，捱到天蒙光，飛哥竟然主動話去中環 ge 天臺酒家，月宮飲早茶。
作者: 咱是陳小肥 時間: 2013-8-8 02:25
停一停，定一定；全部人定左格。原來唔係想過馬路。
其實係飛哥即時俾人妖 – 一輪你老母我外母之後 ．．． 跟住 ．．． 日日係中環唔厭架，星期日都返中環 (對小肥來講，上環係大件事，要約架；個時，有筲其箕灣上中環，耷搭九人 “灣” 都係五粒神喳)。
有有人話：大間龍門係度，盅頭排骨飯起曬朵，行過馬路就係勒，使唔使上環咁痕呀，痕就 ngaau 下佢啦。
飛哥堅持話個排練緊咩重振雄風神功，想練返對鐵橋手出黎 (其實神油咪重快，搽個度硬個度，即時見效)，所以想係天臺食，方便吸收日月精華。
於是成堆人柴娃娃搭電車上中環。
食左唔似貓同唔似狗，咬埋淫得很，當大家飽食安逸準備遁之際，飛哥好順口講句：夥計，埋單唔該。
係大夥都無留意的情況下，由飛哥找數。
小肥心想 ．．． 賴野勒，光棍佬教仔呀，哩條密底又黎啦；搵路走穩陣喎
落到乜咩春大廈門口，飛哥又話：食完野，散下步哩。
有古惑，其他禽獸都收到勒，當堂醒曬勒。
小肥話電車站係邊。
花公子問邊度有人力車呢下。
教授就話人生如望夢，夢醒返歸，搵艇過海先。
曾搏士最直接：有咩 jetso。
飛哥：搞掂就去灣仔金山。
眾人異口同聲問 – 跳九里係唔係澳運項目。然後 …
作者: 咱是陳小肥 時間: 2013-8-9 02:28
花公子話 – 唔好滾攪阿叔，阿啦要覺豬。
教授話 – 呢範細佬唔識架喎。
曾搏士話 – 齋睇，唔做，只做路人甲。
小肥 ngaam ngaam 想講野，飛哥就截住，然後話：係一樣要求 je，想辦法，入到屋。
小肥話：老爆，唔係呀嘛；蔥爆，醬爆都好過老爆。
飛哥又截住，跟住豎起 … … … 一隻手指，然後又話：一隻超大版百勝龍。
小肥話：妖係妖那媽 … … … 生 ge。
飛哥再截住，然後再話：點攬都唔算得係老爆 (又係度呃小肥膝頭哥唔食辣椒醬勒)。
因為 … 飛哥繼續話 … 老細係老破處拍賣 ge 時候，投左件單棟返來。
小肥：… … …
棟單支樓係位於某成長中的消費區，樓高得個幾層，地盤面績唔個千尺。
小肥：… … … 咁。
飛哥繼續狗 ngap：有樓契，有齊業權文件，連租約，只係無門匙 (拍賣招標講明無得踢契，乜夏秋冬匙都無)。
老細想成棟收返黎自己用。
小肥於是問：租約未完，無收樓理由，唔係和平進出，咪老爆囉。何況 … … …
作者: 咱是陳小肥 時間: 2013-8-10 01:45
何況，收樓都要經 CR101 喎；小肥傻唔曬架，飛哥；何況，傻唔等與係蠢，無 ｄ 常識。
飛哥：樓梯入口係公眾地方，唔係關歸雁災民 (quite enjoyment) 事。
唔怕喎，我精神上同埋肉體係隔離支持你喎。
哪，再加隻雙星大和號連全套顏色雙星噴漆勒。
註 個百勝龍重係度 (哩邊上唔到圖，獻唔到醜，sorry)，大和號就被人殲滅左。
老曾介面答訕：係呀，係呀，我都精神上支持。有事會幫你搵律師。
小肥：人黎架。
一路行，一路掛住講，原來飛哥已經用忍術錯誤引導法帶左各人去到現場。
目側所視，條樓 ge 入口係一度鐵閘。
就埋去，托下，推下 (蹺，唔好傻啦，用條利定搵條毛翹呀，好傷身架) 都唔郁，睇黎真係要鎖匙先開到或者，真係黎個老爆。
作者: 咱是陳小肥 時間: 2013-8-10 23:01
大家正在徬徬徨徨之猜際，兩條粉腸，曾博士走埋一邊交水費，飛哥話睇下有無後門 (丁屋咁格局，會有後門咩，傻 ge ，佢都)。
小肥就羅包熟煙出黎捲。
捲捲下，有個西人，西下西下咁行過黎，一睇就知係宿醉未醒。
咦，卡樂B，骨屎 dap 褲。
呀，骨摸零，賣番。
小肥無理佢，啖住支野，繼續研究度閘；人家正在思考嘛。
個西人又八掛研究埋一份。
睇睇下，個西人突然間話，你做咩諗野，諗緊點老爆呀。
小肥望下佢。個西人又話，我熟喎。
小肥：熟，蒸下咪熟羅。
然後，個西人就左邊貢下，右邊又貢下。
小肥：妖，咪攬左攬右住啦。
西人又話：靜靜地老爆，有聲的不要 （小肥心想：條 鬼子進村呀，打槍的不要）。
小肥再望下個西人，然後卷一飛熟煙俾佢。
作者: 咱是陳小肥 時間: 2013-8-12 00:45
個西人：大大的好，又話，卡樂B 有，老爆會有；跟住舉起四隻手指，科剝牙。
小肥話：two only。
西人：kill you。
於是，小肥即場捲多兩支俾佢。
個西人收左貨之後，突然用流利正宗本地話講 - leng 仔你唔好彩啦，跟住伸手入袋 …
伸手入袋度一路 “淫” 野，一路講多次話 Leng 仔你唔好彩啦。
然後個西人又話，你地早些少黎，咪見到我係個度出黎羅，咪慳返哩幾支好野羅。
跟住係袋度羅抽鎖匙出來。
自我介紹，我姓 Godwin 叫做 Bill (註：哪，唔好當真呀)，住一樓，我係做 “諗” 記；呢，個 D 洋 “倉” 隊呀，鬼佬幫辦呀之類，認唔認得我呀。
小肥：這個嘛；認 … 認得，表 … … … 表哥榮呀嘛。
本來係無雷公咁遠 ge 飛哥，突然九秒九衝埋黎：你係度住，又會幫我地爆門 ge (老曾行緊返來，好似想搵水洗手；哪，咪埋黎呀，個邊，個邊)。
表哥榮：easy easy take it easy，係拍賣會，你舉手買樓架嘛，我認得你 (小肥心諗，話，飛哥竟然有成咁，可以去扑野)。
點知未諗完，飛哥就一野拍落黎 (嘩，虐待兒童呀)，幫老細舉架喳 (嘩，咪即係托 … … … 市)。
小肥正想屈水，飛哥又一野拍落黎，唔好亂諗野，唔好諗住有著數。
表哥榮：唔好扯貓尾勒，你同肥仔點，我就唔理；我就真係想要著數。
老老實實，我肯搬，睇你屙咩花勒。
飛哥當堂就笑曬口，有商量，有商量。然後兩條友就攬埋一邊自自斟，自自斟。
突然，表哥榮好大聲咁問：肥仔你個支咩黎。小肥：雲煙囉。國產野生好野，你洋鬼子唔賴架勒。
表哥榮：真係好野黎喎。
跟住，兩條友就繼續攬 (唔知有無打車輪呢，咁多車拍係度)。
賣糕的，兩個大好青年，竟然係紅繩聯 ge 。
老曾重搵緊水，核突；哪，唔好用口水呀哪。
作者: 咱是陳小肥 時間: 2013-8-13 00:46
講到呢度，天氣又熱，就閘一閘，停一停，提下 D 好悶 ge 背景先 (聽返來，唔好當真) 同說明。
(1) 當時，好多外國人黎香港生活又好，做野又好，玩又好到唔會有買樓的習慣。似乎都係抱住過客的心態。
(2) 唔似貓，唔似狗，淫得很 = 魚翅包，魚翅餃，銀針粉。
(3) 歸雁災民 = quite enjoyment
(4) 當時，有樣野叫租住保障。將 D 租賃分為咩第一，二，四，五部份。
簡單 D 講：二，四，五之外就係第一部份，第二，四部份關於住宅，第五部份係非住宅。
第三部份 – 唔講，你奈我何。
總之，收樓係好難 ge 事，就算你搵馬丁或者差利甚至仁龍去收都係咁話；第二部份 D 樓，基本上無得收。
第四部份 (即係 CR乜乜物物) D 樓，亦好難先收到。有限公司，話收樓自住好難講得通；話重建，有要有實質證據 – 圖則，財力之類。
Daｍ 完鐘，繼續 … daｍ 。
老曾重係到搵緊水，嘴 ngaap ngaap 話：哈，邊度有水呢。
作者: 咱是陳小肥 時間: 2013-8-14 00:37
今日打風；橫風橫雨。小肥開窗佢就落雨，閂窗佢就停雨，真係啤一聲。
繼續 ．．． ．．． ．．．
表哥榮聽到，誤會曾哥哥想飲水；水就無勒，粥 ngaam 唔 ngaam ，豬紅粥 (跟住舉起 … … … 個壺)。
小肥：你魁頭學咩人食豬紅粥呀，你唔怕 ge 咩；吸血鬼。
表哥榮：吹呀，怕，鮑魚，蛇羹我重怕呀；夠膽你就話請呀哪。
老曾：無水，粥都好，跟住就用 D 粥洗手 (都唔怕熱 ge) 。
然後，用豬紅掟小肥，嘩，咩人黎架，看飛劍 … 吐。
點解表哥榮咁疏爽；原來飛哥話收樓做野有著數，準備預佢一份做線人費 (個陣叫邊緣人)，補錢搬就無得多 (總之人地幾多就佢幾多)，費事做壞規矩；不過，可以俾足五成做上期。
實際係表哥榮識左個女友，佢女友想那那聲同佢返祖家羅居留。
於是，表哥榮開始爆料勒；一樓 (貪錢，即係佢自己)，二樓個哥仔點點點，三樓個大姑娘點點點，四樓個大哥點點點，頂樓個鹹蝦燦點點點。
二樓個哥仔叫分歧 (唔記得佢姓咩勒，好似係 “吳”，不個唔肯定，好肯定唔會係姓陳)，係見習 XX - 用摩登講法：好宅。
三樓個大姑娘姓牛叫潭美，係公共關係 – 好索。
四樓個犀利哥叫Daichi，Tan，係設計師 – 好串。
頂樓個鹹蝦燦洋名叫羅黎死，中文名 “正能”，佢老竇係姓羊，所以佢都係姓羊 (全名係 Mr．羅黎死，正能，羊)，係回流港人 – 好cheap，直情係達到 cheap 精水準。
且看飛哥如何逐一擊破 (時間就撈到亂曬龍，超過廿年 ge 野勒)。
作者: 咱是陳小肥 時間: 2013-8-14 22:10
二樓分歧 - 見習 XX，究竟係 XX 唔重要；重點在於佢係宅中霸王，即係咩 - 宅男囉 （sorry 唔記得講明佢係雄性動物）。
據阿表哥榮係現場報導，分歧哥有好多頂癮野；例如，請跳假，即係請星期 1，3，5。
請黎做咩，無人知，總之，宅男哥放親假都係伏係屋企。一日五餐都係方便麵。
宅哥哥，佢見到女人會面紅同埋會射 … … … 射哩眼咁 gap 呀，亂諗野。
想溝女又 “風吹黃帝褲浪”。
阿表哥榮話聽過佢俾個叫高秀平 ge 姐姐投訴：人地想去 “中環，X 球大廈” 地下間名牌雪糕屋食雙球，佢就請人吃杯裝雪糕。
去老蘭泡，就叫杯汽水，飲完用個杯黎裝自來碼頭老鼠 (小肥對紅酒無咩認識，一向鍾情中國酒，俾小肥揀，小肥情願要黑加倫子味個隻飲品 “潤滑劑”)。
講開，俾個初中程度 ge 賤級謎語估下：粗獷性行為；估一種海味。加多個，點解香蕉叫 banana (小五程度)。
阿婆賽跑就好多人知，下面哩 D 又點 – 棄婦再婚 (估香港屋 CHUEN 名)，處女結婚 (都係估香港屋 CHUEN 名))。
唔好意思，唔係性別歧視，亦無對女性不敬，不過，小肥後生個時，係得哩類野 (或者係小肥文化水準低，接觸唔到 d 高級幽默)。
講返宅哥哥，佢腸胃唔係幾好，成日肚 X，表哥榮見個佢幾次開 turbo 衝返屋企，一路衝，條死氣喉重一路係度咆哮。
分歧哥口頭禪係：問過阿媽先。
作者: 咱是陳小肥 時間: 2013-8-15 23:23
問過阿媽先呢句，就係俊朗飛哥 ge 親身經歷。
飛哥第一個落手就係搵分歧。
原本諗住蝦佢無人生經驗，容易 D 入手。
點知，賤同 cheap 都可以係天賦 ge。
嘩，條懶籐重滑過泥鰍，下下搵老母，重係搵自己老母。
雖然無奈，飛哥仍然希望執個開門紅；正所謂，船到橋頭只然直，我命由我不由天。
於是，阿表哥榮條賤精就獻計 (原來阿榮哥係大學係讀獸醫 ge ，不個唔想當兵，所以避左黎香港) …
補充：提過一位源老師。講多兩句。“源” 呢個姓後好小有。源老師係教外文，個樣十足老夫子，佢外號亦係叫 “老夫子”。老夫子個人啜核，但係好關心學生，鑊鑊單打你，單打完，你會發覺，學到野，有進步。教學，真係做到有教無類，因材施教。
因為 “源” 呢個姓後好小有，族人唔多，當年，基本上，所有姓源 ge 都係親戚，到認識。所以，老夫子成日串人話：你識邊個姓源呀。點知，佢就係小肥手上陰溝裏翻船；佢勢估唔到，小肥當年係澳門個鄰居就係姓源，經呢位鄰居，小肥就識曬其中一房姓源 ge 。
賤精表哥榮條計係咁，約阿分歧出黎，三口六面 (三個人就真係三口六面勒，但係，小肥都係度喎)，四四六六傾掂佢。
食咩，鮑參翅肚，唔使諗勒，貴得滯，亦未必達到表哥榮心目中的效果。
最後決定去食屎忽，哩，即係咩芝士焗龍蝦，果皮蒸鮑魚，豉汁貴妃蚌 (係入邊有條翅個隻)，乾煎大蝦碌，椒鹽賴尿蝦，清蒸桂花魚 (唔好妖住，個時桂花魚剛 ngaam 出現，紅班都重未起，吹到係淡水老鼠班，分分鐘貴過蒸條石班) … 豎起橙汁 (呢個係主角)。
於是，四條友過海食海鮮。重計劃食完海鮮返正街隊糖水。
點解 … 你明 ge；唔明，唔明都唔好問啦，咪當你灌水架。
作者: 咱是陳小肥 時間: 2013-8-17 03:23
無需多言，飲飲食食之際，兩條粉腸自然係落曬嘴頭，又金又銀，重不停斟橙汁。
係, 真係斟橙汁。
有人可能會問，斟橙汁有咩關係呀小肥，又呃鐘呀。
梗係有關係啦；睇落去啦，七八十個帖後就會知架勒。
四條友拍左成五六支橙汁。本來都傾到七七八八，點知分歧又搬佢 “令壽堂” 出黎。
其實，分歧都應該肯搬，不個睇個衰樣，係度緊玩野，阿芝阿 joh，可能，九成，擺明係想搏多些少。
吊 … … … … … … … … … … … … 高黎賣 je。
趁分歧去左打電話之際，賤人甲立即黑起塊面話：跳，你鹵味唔食，食叉燒，敬酒唔飲飲罰酒。
賤人乙：唔好怪我地心狠手辣。
小肥當堂打左個突，兩位，冷靜些少，咩都好，埋左單先。
同埋，小肥 …小肥 … 小肥想走先。
兩條友異口同聲話：你走就得啦咩；一件污，兩件穢 … … … 騎騎騎。
好不容易，埋單走人，飛哥提議係時候轉過去正街食糖水。
分歧就唔好蝕底咁款，小肥就被人夾住去；嘩，兩條友想做 ｄ 心狠手辣 ge 野，跟住去，托咩。
誤交損友勒，哩云。真個係小明哥唱 ge … 班契弟立心不應 … 迫作犯罪經營 … 被補 (的話) 身披枷鎖，攸攸自傷 … … … 薄命。
鞋，自古肥人多薄命，不許人間見人肥；罷了了了了了了。
作者: 咱是陳小肥 時間: 2013-8-18 00:30
去到正街，小肥同分歧一齊去交水費，小肥出黎先，一個唔好彩見到 Mr Godwin，Bill 一路陰陰笑，一路係度攪拌分歧碗綠豆沙。
小肥心諗，究竟係含笑七步釘定係等佢變成一夜七次郎 ge 奇淫合歡散 … … …。
小肥突一突，咩姜中平係番人來咩。
唔知佢兩兄弟係度搞咩，總之，佢地輪流隊阿岐哥食糖水。
被人隊個個又受。之後，齊齊返 demised premises。
係街口附近，飛哥又話要食煙。
於是行埋後巷 (附近有些少工程做緊，有 D 等身高 ge 圍街板)。
小肥 ngaam ngaam 伸隻手出黎，諗住問飛哥羅 (其實小肥係將煙仔當炆香用，所以一向無煙仔係身，亦無揀擇，不個最好係無濾嘴隻沙漠之舟)。
點知飛哥話，小肥，羅你 D 茶瓜出黎，獲利就要回吐，你都食左成兩隻龍蝦。
唔係呀嘛，大出血勒哩舖。
於是，四條友就痞係門口食corona (好彩，D 邱吉爾收得好)。
煲到咁上下，分歧突然間對眼就周圍望。
表哥就候住分歧分神之際，細細聲向住飛哥講左句 - 係時候啦。
飛哥就同分歧講：歧哥，講返收樓個筆勒。
作者: 咱是陳小肥 時間: 2013-8-19 00:17
分歧：都話問過阿媽先咯。
飛哥：小小野，唔使打攪伯母啦，自己喳主意咪得囉。
小肥聽到有 d 水聲：咦，漏水呀。
分歧：唔係啦，要返屋企。
飛哥：講清楚先啦。
分歧：唔係哩。
飛哥：唔好咁啦，錢又無俾小你，飯你又食左勒，做人唔好咁無交帶喎。
分歧：唔 …。
飛哥：唔咩呀唔，唔傾掂，咪至意走呀。
分歧：唔 …。
小肥又聽到有 d 水聲：咦，漏水漏得好緊要咁；直頭有萬馬奔騰 ge 感覺。
‘
飛哥：唔 … 屎急哩，風起雲湧，湧到出黎哩。
分歧：你點知 … 唔 … 唔 … Oh … Oh … 屙 … 屙 …。
飛哥：屎急哩。
突然 … “bot” 。
小肥：跳，又話響被啤屁唔臭 ge 。
分歧：我好肚痛。
作者: 咱是陳小肥 時間: 2013-8-20 01:17
見阿水爺同東方兄寫得咁開心，小飛又插句嘴，搭下訕。
盂蘭燒衣源流長
http://www.disanna.com/redirect. ... o=lastpost#lastpost
咁多中國傳統節日, 至唔鍾意盂蘭節, 撇開迷信唔講, 剩係燒衣都浪費大量食物, 燒冥鏹又污糟~
水爺講得無錯。但小肥覺得錯 ge 係心態 ge 改變。
所以，小肥係認同東方兄講： 其實有這些招呼行為，全因出自慈悲之心 ．．． 所以世人便於「鬼節」準備一切物品 ．．． 能大吃大喝，盡興而歸。哩個就係慈悲喜捨，分衣施食。最重要 ge 係招呼孤魂野鬼，實濟貧也；所以叫分衣施食。
分衣施食，凡係盂蘭盤法會或者係傳統喪禮， 應該都會有個鬼王像，上面寫住 “分衣施食”。查實位鬼王，就係觀音其中一個化身。所以，其中暗合 “慈悲喜捨” ge 意思 ．．． 正就係大慈大悲一種表現方式。
“浪費大量食物” ge情況，只係物質豐富左先會有。以前，世界艱難，拜完就人神都肚餓，好小會浪費。平時拜神，不外一注清香。
到近代，物質豐富左，銷售簡單左，講夠衛生左 ．．． 小肥家陣拜山都相當刻薄 （講明 － 小肥拜山唔拜神）； 都係燒肉雞飯一盒 下欄 免切 走色 小飯；所以，拜完都唔會食。
以前，三牲酒禮，果品奠儀 （廣府人就金豬一隻，潮州人就豬頭成個）；開起個壇，七日七夜，水陸法事，僧道訟經，又破地獄，個法陣可以大過個七人足球場。其實又係 － 慈悲喜捨，分衣施食；超度孤魂野鬼，無使魑魅魍魎，繾綣徘徊人間。
講開有講，千祈唔好揭法壇下面塊幔，可能有聽眾係處聽緊經。
“燒冥鏹又污糟”，小肥原則上同意。但是，小肥覺得冥鏹哩樣係傳統文化。應該保留ge。
事實上形式已經越黎越簡單；起碼無左個左鄰右里水陸法壇。試問重有幾多人識接銀角同寶燈；起個寶盤都未必個個識。金銀 ．．． 對摺再反摺兩下哩個摺法已經係新式摺法。舊式摺法，相信都無幾多人識。
金銀幾時反角，咩環境唔使反；路票愛黎做咩，溪錢係乜家伙；金銀未接就當散紙；相信亦都無幾多人識勒，現在。
最新做法，一個現成附荐袋就 ko 曬啦。
話時話，燒野 ge 時間，有 ｄ 野要忌。有人話，見到 ｄ 灰起旋，就唔好行埋去，因為可能收緊野。
又唔好話趕時間，燒到一半用水淋熄 ｄ 衣紙，咪個收野個邊收得一半，自必然火都滾埋，就親家變冤家。
燒緊衣 ge 唔好 “覽” 過去，一 “覽” 帶起 ｄ 風好易扯走 ｄ 灰，一個唔覺意咪扯爛埋人地野，收個位必滾。
以前有 ｄ 避忌；今時今日查實都無咩意義。
所謂人怕鬼三分貴怕人七分，舊時人口，居住密度唔係咁高，就真係要知下避忌。而家逼到咁地步，就鬼到無 deng 企。時運低 ge，行路行中間，樓梯底，騎樓底，免得過就唔好中埋去。
翻返去講古仔 ．．．
飛哥：試下按摩下個合谷啦 …
分歧：無 ．．． 無用。
飛哥：有用重使要家居旅行常備個隻咩。
跟住又到阿飛哥隻急出場，今次係沾屎蒡急，唔係太空急。
飛哥隨手係個急度羅左捆廁紙，係一捆 (卷)；唔再係羅錢出黎勒。
飛哥：要就出聲。
分歧：我要。
飛哥：俾你都無用呀，無廁所。唔通大街大巷 … 乜咩。咁。
飛哥：見唔見個地盆呀。琴過圍街敗板，係入面咪 … 咯咯咯。
說時遲，那時快，只見分歧一個剪步，右手一勾，立住捆廁紙，埋到圍街板，三下五除二就跨過去，直情武當輕身法，飛簷走壁個種。跟住就梗係 … 晾衫 … 晾裙 … 萬里滔滔 … … … 永不休。
榮哥仔陰陰笑行埋黎，話左海鮮加大量維他命 C 會中毒架啦；糖水有風，重唔屙拔甩 (一條洋人竟然識糖水有風會屙，抵你賺 ge 有 D 錢)。
飛哥笑下，然後對住圍街板話：點呀，分歧哥，幾時搬呀。
都話問個 …。
問乜呀問，聽日同你唱通街話你通街屙屎，係度屙屎呀那。
睇下 D 街坊點講，D 地盤工人點做呀那。
你好野，我搬。
題外話：個時 D 紙巾，一係就好貴 ge 咩浦類 (呢類紙巾，靚就靚勒，不個因為有薄荷味，大家覺得 “拿拿” 地)；一係就透明包裝，對開搣個隻，不個紙質麻麻，好易戴戒指。
所以飛哥同小肥一向用開捆裝廁紙。
作者: 咱是陳小肥 時間: 2013-8-20 23:52
小肥唔記得點解，又唔記得點樣，飛哥隊左小肥去搞牛小姐。
小肥最記得牛小姐一句說話：等等，哥仔，得我著返條褲先搞。
個句 “等等，哥仔，得我著返條褲先搞” 重言猶在耳，原來眨下眼已經過左廿幾卅年。
過去 ge 原來已經過去左勒。正所謂：光陰似箭，日月如梭。又有詩雲：一二三四五六七，紅粉佳人兩鬢班，小肥一樣係咁奸。
作者: 咱是陳小肥 時間: 2013-8-22 02:06
當日，小肥 ja 住飛哥俾 d 資料黎睇；住係三樓 ge ，係個索女大姑娘，姓牛叫潭美，係廣告公司做公共關係，未過三十，人豪爽，好飲得，通常好夜先返歸，九點鬆 D 離家上班。
記唔記得當年俏嬌娃個花拉科西美佐斯呀；一樣咁大 … … … 把頭髮，同對 … … … 眼。
哪，唔好認記得便個係花拉科西美佐斯呀，咪人地知你有六，七十 (起碼都五張過外) 架啦。
小肥到而家都唔知點解飛哥會叫小肥去搞三樓收回個 part （雖然小肥自問：眉似八刀，眼似日月，鼻似玄田，口似牛一 ．．．）；唯一解釋就係，小肥一直覺得飛哥係紅繩聯 ge ，所以怕同女人交手。
個日，小肥記得係好早。因為先前試過八九點前搵唔到人；夜 D 又怕嚇親人。
表哥榮話佢隻 na 唔俾佢去搞 (呀，唔係，係接觸) 個位索女。
小肥好攬辛苦咁爬三層樓梯上到三樓；氣囉氣喘，乜都曉。
去到三樓門口，有度 H 型鐵閘，即係上下直條鐵枝通花中間一塊鐵板個種；跟住就木門。
按完個門鐘，無人應，再按，無人應；於是小肥痞低，諗住裝下門縫有無光或者度門有無窿可以望到入邊。
點知，一痞低，度木門就打開左，十足十拍戲 D 鬼屋一樣，然後，嘩，見到 …
作者: 咱是陳小肥 時間: 2013-8-23 01:18
本帖最後由 咱是陳小肥 於 2013-8-23 01:27 編輯
度木門就打開，就見到件男裝睡衣剛剛蓋過條 ．．． 無野啦，下莊接兩條光管。嘩，蛋家佬話齋，烏忌白忌，小肥當堂傻左。
個睡衣女 （哩哪，哩個就係密斯牛勒） 問有咩事。
因為嚇親，小肥開始紅番排隊殊殊，羽毛輪廁勒 – 口窒窒咁話 ．．． 我黎搵阿飛哥，呀，唔係，黎睇樓，呀，唔係，黎開燈 … 最後個句應該係想搞野。
總之就係都唔知想講乜。
姐姐就話勒：等等，哥仔，得我著返條褲先搞。
密斯牛閂返門，小肥先定一定神，跟住就妖 ge 阿媽勒，咁邪法，慘個搭膊頭，今晚都係睹唔過。
跟住，密斯牛開返門 (木門喳)，點呀，哥仔，想搞咩呀。
無，咦，點解重開住光管 ge 。頂，佢條褲重短過小肥條孖煙通，著黎做乜。邪，真係邪。
無，就咁 ge ，就新業主買左哩棟大廈，就咁，就想收返自用。係呢，唔記得問，牛小姐你貴姓呀。
得啦，麻甩仔，入黎，坐低先傾啦，唔使“劣”喎。
劣，劣咩呀劣，長得滯就要劣。
入咪入羅，驚妳呀；小肥嚇大 ge。
嘩，入到去，先大煲。
作者: 咱是陳小肥 時間: 2013-8-24 04:03
第一，七國咁亂，重彩旗飄飄；咩桃紅色呀，黑色呀咁 ．．． 有幾大吉就幾大吉，有幾利市就幾利市。
無勒，無勒，無得睹勒。
第二就係無凳，只係得張床，間屋又細，唔知實用有無三百。
坐邊呀，小肥好保守架喎。
牛小姐：坐床啦，你。
咁你 …，牛小姐：坐床啦，你，跟住，鼠一聲，阿牛姑姑，佢就鼠左入廁所，連隨痞左上個馬桶度，對住小肥 (真係大吉利是)，點左支殺蝌蚪煙，吊住係唇邊 (哩，就好似包租婆咁款)。
真係 un 頂 tiable。
講得啦，咩盤口，我無乜所謂，阿姐一支公，唔好恰我大姑娘就得。
某日有個中秋幽靈，點左佢一條改左邪，歸左正 ge 傻 B 小弟黎問小肥：點解離婚要每年俾一個銀錢過老婆。
知無咩係中秋幽靈呀。
小肥：法律話要俾。咁點解我要俾。
小肥：你衰囉。唔好玩我啦。
唔係玩你，真係咁個喎。
細路，你有 ge 小肥都有，有咩好玩呀。唔係玩你，真係咁個喎。
哪，離婚可以羅附屬濟助 … … … 咩，咩助話。
超也麼，即係贍養費，孩子生活費，分身家個 D 呀，丙。
哦 …。贍養費，生活費你知咩黎啦。知。
咁，無錢咪無得俾囉。
ngaam ，基本要求就係，要哥個需要幾多，俾哥個俾得幾多。哦。
但係，配偶雙方始終都係對家庭有責任，係咪。又要令到雙方都有保障，唔好話第時臨老唔過得世，即係平衡。你唔識架勒，平衡，高低杠添呀。
作者: 咱是陳小肥 時間: 2013-8-24 23:58
本帖最後由 咱是陳小肥 於 2013-8-25 00:00 編輯
於是，法庭就要考慮曬所有 ge 野，包括雙方之前 ge 行為，主要係錢銀責任，或者有 D 極端 ge
K 使，好似阿咸個女人打跛左佢隻黃金腳就要養佢過世之類，兩個人 ge 年齡，工作能力呀咁。呀，重要睇埋適唔適合做堅壁。咩係堅壁，洋文，即係地莊一煲過。
好勒，發覺另一方好可能過多幾年就搵唔到食，例如，有病，身體越來越差，或者，俾哥個應該要俾，但剛 ngaam 失業，又或者，個仔大 D 收哥個可能要辭左份工湊仔；咁法庭咪俾一個大洋做象徵性贍養費，等第時環境適當，就可以申請加大個一餅野。
無個餅野，到時就可能要羅批准要求贍養費，理論上難度大好多 (實際就未必)。有個餅野係度，俾哥個又有責任通報地址，收哥個咪多個保障囉，死蠢。
大致上係咁上下啦。睇你都係無俾過家用，成狗日失蹤，再包埋二奶，你老婆又要湊仔個種啦。感情 D 野好難講架，英雄 … … …。
妖，你條粉皮叫英雄。
同你大佬阿牛督你背脊呀哪，佢最憎人唔顧家。
繼續牛姑姑 … … …
恰你，你一個女仔，晨早七點，唔著褲，俾個麻甩入屋；妳唔驚我驚呀。
小肥知把口唔夠佢叻 (其實，成唔成都唔關小肥事，講咩大話，又無錢收，小肥講大話要收錢架)，於是就同佢攤開黎講。
講得兩講，發覺 ngaam 曬嘴形。
原來，牛姑姑得個廿 leng ，都已經出黎行左十幾年。
咩話。真喎，佢十一歲就開始做童黨，捉過黃腳雞，係有錢佬度做過小姐，又係藍天堂度賣過點心，後來下定決心，捱份老襯，由 abc 學起 (呀，唔係，佢學法文同日文 ge ，應該係磅甦同 ya 媽嗲)，到可以同鬼子佬拗合約，卒之俾佢行度條路出黎。
作者: 咱是陳小肥 時間: 2013-8-26 01:02
開頭同阿牛姑娘梗係無咁多私語啦。
不外拳來拳往，針針酌酌。
開左個盤口俾佢老人家，阿姐無話制唔制，只係問一句，收樓要咩手續，拿 leng 仔，唔好點阿姐呀，咪切你煲黎雞粥。
個時收樓好乜麻煩。
佢地個 D 叫 Part 4 樓，好鬼多手續；包括 …
小肥就盡所能，講過俾阿牛姐知。做業主好慘架。
Part 4 樓手續；包括要租約期滿六個月前出 CR101，講明收樓 (或者應該叫唔續租) 理由，好似成日欠租，重建，自住呀咁。
經法庭收樓，重建就要有齊成套計劃。自住就重有兩年唔賣得 ge 限制，又唔可以放租；咪要罰 ge 。
出左 CR101，六個月後，又唔知租客點態度，到時環境有無變化。
收樓經土地審裁署，好多手續，程式時間又緊迫。
因為社會客觀環境要求，法律又比較保障租客。
業主通常都會有多少綁手綁腳 ge feeling。
所以，又叫做租務保障。
又所以，好多業主情願傾點佢，好過諸多限制。
傾點 ge ，進可攻，退可守，想點到得。
哩 D 係老曾教 ge ，佢當時好熟物業管理放租。
小肥話口未完，密斯牛就問：小肥，擔唔擔。下，擔 … 擔咩呀。
作者: 咱是陳小肥 時間: 2013-8-27 02:04
今日 (講緊第一次發表個時間，唔係 2013 ge 8月；橫掂寫左，食得唔好徙，出埋) 坤哥牛一，大夥兒柴娃娃幫佢搞左個大食生日會。
長短腳負責煮屎忽，小肥整羊腩煲加蓮耦炆豬肉，蘇老闆送蛋糕，事頭公出潮州鹵味，坤媽整南乳炆齋，婆仔出酒水，汙蹧羊出燒味，獅子頭竟然羅左 D 乳鴿同雞翼出黎燒，坤哥派糖。其他一眾臨時演員出人。
成班人夾手夾腳，出曬老千，打曬龍通下，壽星仔贏左卅幾支甜筒。大會完滿閉幕。主席重特登灣隻艇返黎食。北京陳兩公婆無頂汙蹧羊嘴。
只有些少問題就係：
(1) 羊腩同豬肉肥得滯，小肥唔敢食 (但係，好想食呀)。
(2) 長短腳係舖面炒緊椒鹽癩尿蝦時，蘇老闆八卦走去索的鑊氣，結果瀆親喉嚨，俾佢女人哦左成晚。
(3) 坤哥的甜筒俾阿媽收歸國有，全部變左 cash；慣經。
(4) 汙蹧羊唔肯食羊腩，投訴小肥虐羊同唔整紅燒兔肉。
(5) 坤爸開個唱，大家無鞋挽屐走。
繼續 … … …
唔好問點解牛小姐知小肥個名叫小肥；哩個係 bug，之前寫漏，自己幻想下啦。
．．． 擔咩呀，有乜好擔心。
所謂上爐就係香 (小肥用個嘴邈下台上面用黎當香爐個橙，個香爐橙又插住三支煙當香)，拜得二哥 ge … (小肥再用眼描下橙後面個帝君像) … 就講騾。
阿姐你見過世面，小肥亦都上過山，落過海。玩蘿不如講口齒 (所以家陣潮流興和解，針對 D 詭辯)。
電視上突然播出 ．．． 又越過高山又越過谷 ．．．
牛姐無出聲，係咁係度索煙；小肥亦無再講野。
大家係度扮文藝青年。
小肥：小肥係粗人，一句到尾，過得自己過得人。
今日妳係貴人，難保第日邊個係先生 (N 年前江湖切口 (起碼都清朝，瓊花會館起義哥個年代)，所謂貴人引入門，先生保我行)。
大家繼續高深左五分鐘，小肥幻想緊飛哥請食鮑翅之際，leng 仔，好野；唔擔就吹。
作者: 咱是陳小肥 時間: 2013-8-30 02:24
大姑娘轉頭唔知係邊羅左兩支利納，呀，唔係，係紅酒出黎。
一人一支隊左佢，好耐都搵唔到個 ngaam 傾啦，阿姐就黎生蜘蛛網啦。
小肥好唔好意思咁話，可唔好可以要阿候爺 (夜讀春秋個位漢壽亭候) 支米酒呀。
於是，酒過三巡，煙過五斗，就打開話題。
牛小姐話佢自小無心向學，十一二歲就開始逃學，離家出走，群埋成班童黨，欺男霸女，成日同人隻抽 (即係：你一個單挑我地成班或者我地成班抽你一隻)；屋企報埋警都無用 (若果現在就必定俾法庭送左去屯門)。
千古同一例，煲煙就基本動作，重開始 high 野，個陣叫忽得。
又係千古同一例，迷失少女又多數都係待溝少女，惡極都唔會抗拒拍拖。
結果溫埋仔，無耐就被人坤埋 (衰十一，係呀，係衰十一呀，個時衰十一好大鑊添；無奈，現實中又真係有咁 ge 情節)。
之後，就更加肆無忌憚，同條仔搵間山邊木屋住埋，雙宿雙棲咁話。
屋企都唔返，直情唔使離家出走。
可惜，兩件都係沙漠梟雄，塵夾無水。
條仔間中做下散工，搵夠就劈炮。
無錢咯，咪去偷去搶。
偷，就多數返偷屋企或者去 boutique 仔；出事，搏人地怕麻煩唔報警。
搶，就成班人圍住 D 小學生，逗人個一兩個銀錢，搶人名牌波鞋，Tee 之類 (個時未有手機)；褲佢地唔敢，驚條友無褲著，周街走，搞到黃曬。
結果梗係越玩越大煲，只係一個幾豪滿足唔到佢 ge 獸性 (佢自己話架喳)。於是 …。
作者: 咱是陳小肥 時間: 2013-9-1 01:16
點解，好似，變左：小肥和阿牛姑不得不說的故事；算唔算違反版規呢，大鑊。
補下鑊先。
捉黃腳雞，好似 X 先生同運動健將實際上最終目的都係勒索，不過個過程有唔同。
勒索，十居其九都係刑事罪行 (你唔買隻戒指俾我，我就唔煮飯；或者，唔准睇娜姐同高姐姐浸溫泉或者人地吹乒乓，唔係就熄電視；算唔算勒索呢下)。
哪，補左啦 (重無開名，無批評)，唔好插，唔好 “ban”，唔好打格仔呀。
講返哩句：(若果現在就必定俾法庭送左去屯門) > 有興趣可以睇下 - 保護兒童及少年條例。
好勒，又言歸正傳勒。
都起到頭咯，跟住就梗係好似滔滔江水，連綿不絕；又似黃河氾濫，一發不可收拾。
話說成班虱豆窿唔再甘心個一個幾豪，越玩越大，一心想食大茶飯。
邊條磨碌，唔知係師傅到定係忽上老腦，竟然話不如捉黃腳雞囉。
我日，個 D所謂大茶飯，咪又係得啖笑，諗住屈 D 咸濕伯父一百幾十，夠錢食飯買煙；跳舞，唔好話夠唔夠錢，諗都未諗過。
於是，成 team 人就成日係 D 公園呀，山邊度等老襯。
原來真係世風日下，人心不古；世上真係好多鹹濕死老野。
班 leng 仔食得和米多，前前後後斬左十幾個呀阿伯，加埋成千歲。
手法不外乎：叔叔，我唔識路呀，叔叔，我經痛呀，叔叔，我想 …。
然後，例牌，個阿伯梗係帶牛姐仔 (其實係姐仔引路) 埋山邊呀，草叢呀，垃圾房後面呀諗住玩個三支火柴頭或者老牛吃嫩草 …
作者: 咱是陳小肥 時間: 2013-9-2 00:57
同阿牛姑娘講到哩度 … 屋外面有人行過就會聽到阿密斯牛話：唔好摷啦 … 俾你勒 … 大力 d …大力 d 先得格 … … … … … 事源係小肥當時覺得口慷慷，想搵野趙，打開個雪櫃，密斯牛話雪櫃無野食，跟住遞左樽醬花瓜埋黎，小肥用力擰開緊個樽蓋；醬花瓜送米酒，一個字，正) … 唔信，試下咪知羅 … 呃得你幾耐。
繼續 … … …
唔使講，一埋到位，就梗係成班人湧出黎，喊打喊殺 (不過，可能係作賊心虛，無人喊話報串)，然後，咪一百幾十囉。其實，班死仔都算醒架勒，成日轉移陣地。
點知，上得山多進終遇虎 (講到哩度，牛妹一直都係笑口淫淫，間中重架架聲；不過，點解佢一直都係 smoke in eyes ge，真銷魂) …
講明，小肥只係鍾意研究但唔識寫鹹野。最叻都係寫：佢地就乜乜物物，然後再乜乜物物 … (下略八千字)。
寫下，寫下，突然間諗返起 > 朝崗 > 淺倉 > 白石 > 飯島；平成四姬。還重有成名於香江 ge 阿萍，阿蒂，丹娜，維英，少曼，莎莉同埋阿華月。
再繼續 … … …
所謂上得山多進終遇虎，今次重係猛虎出押。
Sorry，下次再繼續 … … …
作者: 咱是陳小肥 時間: 2013-9-3 00:48
又係好似往常咁，埋到位，成班塞豆窿又企出黎搵食 … 此路是我開，此樹是我栽，若從前此山過，留下賣路 … ya，ya，阿媽，油雞鹵味，香蕉你沙田柚。
錢字都未講，個路字還重言由在耳，成班未發育已經俾人打到一撲一碌，爆曬缸咁話。
條麻甩隻手重一路 ja 住姑姑心口 … 件 shirt 衫個領口。
原來條友好抽得，抽完，重每人加一腳落腿灣處。
算係無趕盡殺絕勒，唔係 ge 話，踹正係膝頭哥，警方就當堂多左班艾朗西，即係無敵鐵探長。
再然後，條友好點支事後煙 (唔使擔心，係打完人)。
掰開棚煙屎牙對阿姑姑講：(除左東南北之外) 痕呀，阿叔 ngaam ngaam 想食煙就有火，你唔好彩啦，忽得妹。
當時，成班天下第一粒曬水，有幾件重嚇到 (或者痛到) 失禁，標屎；無錯唔係尿，係屎。
作者: 咱是陳小肥 時間: 2013-9-4 00:21
本帖最後由 咱是陳小肥 於 2013-9-4 00:23 編輯
細路女就剩係識流馬尿。
煙屎牙跟住就拉，想拖個 leng 妹去入邊 D ge 地方，做咩，做佢愛做 ge 事情羅；被人拉哥個就直情唔知自己做緊乜。
煙屎牙一路拖就一路係度淫淫笑。
拉下，拉下，突然有人大喝一聲，做乜攬野。
煙屎牙轉頭就想小人地話 － 無攬呀，拖之嘛，點知兜頭就俾人一棍，嘔落頭，佢當堂流蚊飯。
跟住重窩心一腳，然後膊頭食正個轉身鞭錘。
膊頭食個鞭錘有幾傷呀。
弊就弊在個錘係 ja 住支棍 (係警棍) …支棍尾押落去，個膊頭當堂爆出血。
PS 話時話，有無人知以前，香港皇家警察支警棍同當時 ge 監獄署用 ge 棍有咩唔同。答中無獎，下面開估。
然後，無然後啦，煙屎牙都大字咁撻左落地，幾處 BODY 啤啤聲出血，可知個幾野幾應棍。唔好意思，係木字，佢係麻甩黎。
原來係個靚佬咩渣同兩個散仔，開拖哥個係咩渣。
作者: 咱是陳小肥 時間: 2013-9-5 03:31
查實，咩渣哥哩劑都已經係放左一水，若然係 “哼” 正 “雲精” 呀，真係一叩首呀再叩首，再叩首呀三叩首，三叩首呀 … 家屬 … … … 彩，大吉利市。
知無咩野係咩渣，巴力沙展，時沙，探長，警署警長。
棍，據聞員警同懲教支棍係唔同架；江湖傳說，一支用黎嘔，一支用黎隊。
咩渣一輪老母之後，散仔埋左一輪樁之後；咩渣就話勒：最攬憎人做埋 D 咁 ge 野 (所謂惡人自有惡人磨，哩次到咩喳食事後煙勒)，出黎行就環境逼能成，點難樣都係願打願捱。刀光劍影都總究係有個因由，最實衰就係哩 ｄ 淫賊，必佳杏加橙。阿叔見一鑊就鐘一鑊。
咩渣同牛姑結落哩段善緣，結果都收返個福報，有機會，又記得 ge 話再講。
咩渣勞完氣，就逐條 leng 仔小；你班 PK，我認得你地，成日周圍攪事，想隊你地好 Q 耐，由其是係你呀，指住密斯牛，最細係你，最壞又係你。
唔使講，照完肺之後，一架藍燈籠，車曬番去。有歌唱：為哥死，為哥亡，為哥打入雜差房。
全部車曬番去，連個煙屎牙都係。
結果，煙屎牙只係俾人告傷人；咩渣好心，話告其他野，條 leng 妹以後點見人，我都係人老竇咁話。
又話唔使告得大，煙屎牙都廢硬，阿叔個三十年彈腿白練架 （小肥心想：碌野硬就真）。
牛姑娘就被送左入女童院。
出返黎，就疊埋心水係屋企住，重係藍天堂茶樓搵到分賣點心，亦無再均群返以前班友。
點知，就發生左佢一生人最遺憾個件事 … … …。
作者: 咱是陳小肥 時間: 2013-9-6 00:44
最遺憾個件事 … … … 無左隻豬，梗唔係啦；幾廿歲人重擔住碌柱四圍走，做走獸咩。
牛小姐講完遺憾兩個字，就連隨起身上香俾關二哥。
小肥就起身活動下筋骨，伸個懶腰，抬頭就見到牆上面有幅字掛住 (因為抵頭同平視會望到阿姐後面)，寫住 “點點在心頭”，下款係黃乜乜。字唔算靚，不過有 D 霸氣，擺明係打武佬手字。
牛姐轉身見小肥望住幅字；佢話係靚佬咩渣送 ge 。
小肥話忘年戀定孌童癖呀。
戀你條毛，你溝我就忘年戀；阿姐話，我當佢係老竇，不過，舊年走左囉。
返轉頭講返下姐姐 ge 屋企先。
牛姐未見過佢爸爸 ge ；佢係最細，重係遺腹子。而佢外婆係人地外室，做緊枇杷仔 ge 時間俾個南北行十九大少收起左，租左層樓，玩金屋藏嬌。
離題添 ．．． 咁睇唔睇訝。
牛姐外婆估話從此做個歸家娘，食淡安樂茶飯，生分返個慈姑掟，有個依靠，得返個名份。
可惜天不由人願，天上跌一個落黎，妹妹一個。
大少在生時都無咩地位，生得牛姐阿媽一個女，就更加無位企，唔好話數簿鎖匙，朱二盛都唔多件。
大少過身時，主家婆連香都唔叉俾佢上，門杉都唔俾佢攬過 (即係直情唔認可有任何身份)，莫講話分身家，就連生養死葬都無望 （哪，奇哥同區嘉惠套偷心賊入面阿容玉意追羅米飯個時講個句 － 大清律例，妾侍都有身家分就係咁黎架勒）。
作者: 咱是陳小肥 時間: 2013-9-7 00:05
係咪有 d 吊癮呢，係咪想吊小肥 ．．． 有咁高得咁高黎打呢。
小肥知錯，不過炳門話齋 ．．． 有知錯無改過。皆因小肥年事漸高，有心無力呀 ．．． sorry，sorry。
話就話大清律例，妾侍都有權在有生之年享用；但係，女人仔，鬼識咩，何況，佢連妾都唔係，舊底就叫住埋，家陣叫同居，國內現叫姘居。
大 ge 無，細 ge 就更唔在講 … 有 law 睇 …；唔似得家陣有咩未成年人監護條例呀，侵害人身罪條例呀，保護兒童及少年條例呀，父母與子女條例呀咁。呀，重有遺產跟贍養。
咁點呢，舉目無親，大 ge 唔食，細 ge 都要食架，唔通賣左個女，又或者，行返埋去石塘咀，甚至二四寨咩。諗下，行下，行下又諗下，突然，個女喊喎，驀然驚醒，竟然係企左係海皮邊，行多兩步就跌落個海勒。前路茫茫，真係點算好呢 …
註 係幾十年前，小肥係澳門街親眼見過人賣仔，真係販賣人口，一個慘絕人寰，一個算係 happy ending，不過始終令人神傷；有機會，又記得，就講講慘絕人寰哥個，另外哥個，多數唔會講架啦。
牛太媽越想越急，越急越想唔通，不如一了百了。
去到海邊，準備跳勒 ．．． 一，二個三， 咪住。
個女重細喎，唔得，死就四啦，二四就二四啦。
佢連隨轉身就行返去舊時個度。
真係舊時個度，唔係賣鹹鴨蛋個度，唔好亂諗。
去到書寓門口，輾轉徘徊，都係的唔起個心肝；正在猶豫之際，度門突然打開左。只見老鴇歸大娘同埋兩個阿姑逸柳與及鳳姐行出黎。
作者: 咱是陳小肥 時間: 2013-9-8 01:40
歸大娘愕左一愕。
牛太媽就支支吾吾；剛準備開口話想返閹，歸大娘即刻就妖聲妖氣咁話，乜咁錯蕩阿 “大少奶”；嘩，哩句殀心囉。
轉頭，歸大娘已經黑起塊面：妳 D 寡母婆，哩老舉寨羅彩呀。
過主啦，周身衰氣；采，采溫采燉你呀。
死左老公就唔好上門啦。
走，我地返入去。
跟住就轉身入屋，bang 門。
牛太媽當堂傻左，就咁抱住個女，痞係門口度喊。
歸大娘果真冷漠如斯，非也。
從來仗義每多屠狗輩，由來俠女出風塵。
今日班女人追小肥交功課，無時間，去住咁多先，再九求其寫 d 野訂住先，sorry。
後來，飛哥同小肥係瑪莉婭間餐廳度食燒羊扒；飛哥問起牛姐，講下，講下，論到小肥問飛哥點解搵小肥去撻牛姐 (飛哥講左，不過小肥唔信)。
飛哥好認真咁話，老曾個樣鹹濕 (哈，讀過書係有見地 D ge )，小肥人肥樣蠢 (夥計黎多客燒羊扒加底；老細，點加底呀。即係 double 上呀)。
跟住飛哥好輕挑咁話：俾老曾埋股，個客黃八對綠豆，相中左老曾，唔係佢撬，係個客自動走，咁點呀。
大家都係個類人，知 ge，認真 ge，九成係假，輕描淡寫個 D 先係上心；輕挑，只因為唔敢認真 je。
對事係咁，對感情咪又一樣係咁。
所以，死鬼古龍話：浪子無情，只因多情。
南海十三郎老竇，阿太史公個句對白：因為多情，所以我濫情，所以你咪有咁多個阿媽囉。
江湖人在，人在江湖 – 莫信直中直，需防人不仁；重有句，逢人且說 …，未可全拋 …。
鞋，少年子弟江湖老，江湖一老，難免有些少無奈 (夥計，加蝦多士雙份，再黎杯乜 2 年老納)。
食左落肚最穩陣。
係呢，ｄ 羊排呢。
作者: 咱是陳小肥 時間: 2013-9-9 03:47
繼續 …
一 bang 埋度門，歸大娘就紅都面曬，眼都濕埋，好無奈咁同兩位阿姑講，做女人難，老舉埋街做歸家孃就更難。
註：所以，唔好立亂話人埋街食井水，話人 “埋街” 就得罪人。話人 “食井水” 就笑死人 - 食井水應該適用於舊史秦淮河 d 花魁，阿姑。
出得哩個門口，就死都唔好俾佢返入黎；歸大娘咬牙切齒咁講。
佢老公哩頭釘蓋，個頭佢就上門，十成十係俾人 “糴”走。
大家都係可憐人；咍，逸柳，鳳，轉頭羅兩個銀錢過佢。
阿得，帶佢搵個地方落腳，舊屋 D 野，拿佢搵個收買佬，賣得就賣曬佢。
然後又再叫阿得 (龜公多數叫阿得 － 作 ge) 幫佢踱條橋同主母執番多小，羅得幾多得幾多。
咍，長貧都係難顧架咯。
阿得哥聽完轉身就準備行人。
跟住，跳，行咩呀行，都未講完，睇下有咩洗熨縫補俾佢做。
以後，就靠佢自己 (無可厚非 ge ，始終長貧難顧)。
哪，哩哩哪，哩 D 就叫三年老舉一個狀元勒。有部署，有舖排，有格局；重有埋位俾自己閃。
龜公得都醒啦，所窮不與富敵，點知大婆個邊有無搵人吊住牛太媽。
於是連隨轉身個左隔離間雜貨舖，一路岳住個死人頭望實逸柳，鳳過水，一路喊雜貨舖個打雜童工：鹹蝦粲。
咩事，得哥。
哪，一陣，你咁咁咁，然後又咁咁咁。
哦，知啦。
於是，又成就左一單雪中送炭勒。
於是，牛太媽就係附近 ge 一條橫巷，執 ｄ 頭頭尾尾材料，求其就搭左間木屋仔；唔使講，有係辦街坊幫手啦。
都叫做有個地方落腳喎。
作者: 咱是陳小肥 時間: 2013-9-10 01:45
叫做有個竇口遮風檔雨啦自此，牛太媽兩口子。
果然係天生天養；自此，牛太媽決定自力更新，平日同人洗洗熨熨，縫縫補補，有時間就返勾欄教 D 見習老舉打下洋琴，兩母女食下 D 送頭送腳，拉上補下。
間中重可以買罐煉奶俾過個女食 (邊得家陣咁矜貴要食配方粉呀)。
後來重租到個床位，上埋樓 (tong 房，早已有之啦；當年，一家幾口一張床，十幾伙一個廚房，一個廁所都係咁過啦)。
小肥就試過點火水燈，坐凳仔，用筆套駁長鉛筆頭做野勒；你呢。
係度呻一句：小肥從來唔覺得貧窮可恥 (小肥窮過，最窮個年過農歷年，全屋得返五個銀錢)；怕咩俾人知。
無，咪自己努力羅，路係人行出黎 ge。
咱命由我不由天喎。
窮，咪量入為出羅，機會唔係人地俾，係自己爭取 ge。
窮，但係唔想俾人知哩 ｄ 心態先係有問題。
呻完，繼續 ．．．
卒之養大左阿牛媽。
光陰似箭，就日月如梭。
牛媽好快就踏入青春期，然後好快就成個大姑娘勒 (青春期 ge 過程，就麻煩自己搵幾套 Tokyo Hot，芳友社，moodzy 之類自己參詳；不在此累贅)。
作者: 咱是陳小肥 時間: 2013-9-11 00:57
所謂十八無醜婦，唔醜唔代表索。
牛媽個樣子真係完全唔標青，普通過普通 … 甚至係 … 前面頂瓜瓜，後面似姑媽個隻。
班勾欄姐妹對牛太媽兩母女唔錯；無他 ge ，牛太媽與世無爭，幫得人時就得人。
黑暗 ｄ 講；班阿姑，今日唔知聽日事，亦樂於有個寄托喎。
唐老得亦教過下牛媽佢寫字，識得幾個字，寫到 D 咩 ．．． 父 O 大人 O 下，家中各人 OO，勿 O … 一類 ge 信咁啦。叫做唔係文盲得曬啦。
好彩幼承訓，知道世界艱難，腳踏實地做人。
夠秤就經媒人婆介紹，嫁左個走南洋船 ge 佬，大佢十幾年 ge 處男。
唔知係漁民，水手，水客定係走私； 總之就係要行船架啦。
雖然話敘小離多，老夫少妻；然而，老公顧家，都叫生活安定。
所以就勤奮做人，前後四件：牛一仔，牛二仔，牛三女同阿牛姐 (求其啦，懶諗呀，整緊件玩具呀)。
講到身裁；生得幾件，唔好話咩黃蜂腰，gaat jaat 肚勒 ．．． 即頭係籮霸或者再賤 ｄ 講句 － 孖籮柚都重得。
天之道，損有餘而補不足，樣子唔得；梗有樣得。
作者: 咱是陳小肥 時間: 2013-9-12 00:52
呢就係牛媽天生玩得一手好洋琴。
日常生活就係相夫教子同埋教 D 龜獸打琴，中間埋下會，標下會咁，日子還算安穩。
牛媽唯一唔好就係天生八卦 (或者係生活環境影響)，鍾意事非做人情；鬼咩，平時群埋都係三姑六婆。
而且，係哥個年代，無咩娛樂，西家長東家短，唔奇怪 ge （家陣咁多娛樂咪一樣）。
雖然搬弄事非始終唔係好事，都係陰質架勒，難免搞到人地夫妻不和，朋友反目。
唔同真係現眼報；好境不常 …
所謂風雲難測，月有圓缺，馱緊牛姐之時，牛媽佢老公條船出左事，人艇都無埋。
嗚呼，阿牛姊就變左遺腹子勒。
只有嘆一句，昊天罔極 … … …；哭一場，阿牛你咁就去左咯 … 但得你生前我就豐衣食呀 … … 得你死後我就難為人呀 … …。
一路叩叩碰碰，拉拉扯扯；卒之湊大幾條化骨龍 (個時應該無綜援，不個好似有救濟金，聖堂派奶粉，餅乾)。
生活就梗係緊絀些少；猶幸一直而來，都有儲返個錢，教打琴教得密 D (即係無牌營業)，做會做得密 D (即係無牌借貸)，日子還算可以。
做老母關心 ge 係養唔養得到，養唔養得大。
屋企環境，有得食就阿喱吉帝，其他野就真係顧唔到。
讀唔讀到書，絕對係其次過其次 (咁算唔算疏忽照顧)。
作者: 咱是陳小肥 時間: 2013-9-12 23:51
話咁快，幾條粉皮就長大勒，成唔成人，就兩睇啦。
大個人 je，腦筍未必生得埋架。
阿一做果欄 ge ，細細個就出身，人就無大問題，不過牛精過牛精良，成日打交；有個九代單傳，帶把 ge 慈菇掟。
阿二就完全係，上開人話事解，小赤佬黎，不學無術，五淫齊全無份工長。
原則上係做酒樓侍應，不過返一日走三日個隻；正式係較王，較腳個較。
阿三，未婚媽媽，師奶一名；同老公一樣，笨夾實，兩公婆夾手夾腳做茶餐廳。
生左兩個仔。最大嗜好就係帶足金，金戒指，金耳環，金乜金物。
最後，老公包二奶，離婚收場，後尾返頭，嫁左個金山返來 ge 金牙七。
唔知係咪唔行欠金。
提到茶餐廳 (其實上面唔係岔開係阿牛姑講緊佢 ge 故事)，小肥話肚餓。。。
好勒，講返食蛋炒飯。
又唔明咩係蛋炒飯,睇落去咪知羅。
廣告時間：講到食 －
小肥資料館 - 附屬飯堂
http://www.disanna.com/viewthrea ... &extra=page%3D1
香港老食店
http://www.disanna.com/viewthrea ... &extra=page%3D1
捧個人場呀；老細
作者: 咱是陳小肥 時間: 2013-9-14 00:44
牛姐：帶你去我姊妹間茶餐廳食蛋炒飯。
小肥之後不過應左句，有無泡菜架，無泡菜點食炒飯呀；姐姐當堂眼眨眨，O 曬嘴話：話左同你夾架啦。
小肥：咪，夾就無謂勒，小肥請，開公數。
唔知點解話口未完，阿姐就啤住小肥。
(望咩呀望 … eg 哩度有 http://www.disanna.com/viewthrea ... &extra=page%3D1) 請食飯又錯。
咁，妳請勒。
妖，出去等，亞姐要換褲，唔係笠你呀哪。
結果，小肥等左九個字；阿姐化到行曬，整個貞節牌坊咁高 ge 髮型出黎，跟住話：行得。
落到門口，見到表哥榮費塊面損曬，成個月球咁，問佢咩事 ．．． ．．． ．．． 你 ．．． 今日老臨扮菠蘿呀。
佢話係間辦館度，掛住 gap 野，踢到箱橙；跌倒，兜口兜面撞落箱榴槤度。
小肥笑住話咁唔小心呀，青瓜敷面聽過，榴槤就 … … … 真係有 d 特別：)。
表哥榮話要告實間辦館。
小肥問告咩呀告，你自己唔小心喳喎。
咩唔得呀，係我鄉下告到佢執添呀。
小肥：你慢慢告勒，哩度唔係你祖家。
個時重未有 PI （人身傷害索償專案），所有案都係出普通民事索償。
表哥榮突然發覺阿牛小姐企係隔離，跟住就：22，哈哈，騎騎，suet suet，藍藍，水水；跟住就陰陰濕濕咁走返上樓。
小肥就嗌住話 …
小肥嗌住：記住，食鵝，食滷水鵝呀，食鵝散淤呀，滷水去毒呀。
記得白飯加色，添豉油呀。
然後，小肥就同阿牛姐打的去食飯。
作者: 咱是陳小肥 時間: 2013-9-14 03:57
齋圖無文 ... ... ...
作者: 咱是陳小肥 時間: 2013-9-15 02:16
係唔係覺得好無哩頭呢；三句唔埋，又插 d 咩疏忽照顧呀，民事索償呀咁。
又無哩頭出上面 ja 圖。
查實原始係想話寫 d 同法律有關 ge 故仔 ge；點知寫下寫下，就變成家陣咁不倫不類勒。
Let’s continue … … …
去到某豆腐潤 size 速食店 (即係快餐店)，一落車，小肥就打左個突。
唔係間速食店嚇到小肥，係門口擺緊陣個三位阿叔。
個三位阿叔，一個 ja 住支士的係度踱步。
一個痞係度洗緊把電風扇。
最後個位重堅，直頭係度補緊鞋。
成間寶號黎曬，咁齊人，猛成咁。
嘩；重一人有杯茶 ．．． 咁大陣象。
哩三位阿叔，睇落當年都應該曾經威過，都有故事喎 (有機會先 ．．． 再睇睇啦；費事又再岔開遠 d)。
小肥諗左一諗，然後那那聲行埋去：細佬見個各位老公公。
三位阿叔望下小肥，又繼續持棍踱步，洗扇，補鞋。
高，實在係高。
牛姐就直頭拉住小肥入去速食店。
妖，佢地係哩到街坊，鹿叔，伍哥，易記，唔使係度扮諗野，整個諗樣出黎啦，行啦，八卦。
間所謂速食店，其實真係細到無輪，成間唔夠四百呎；水吧，吧檯，吧檯前面開到兩張四方型摺檯，四張摺凳：
水吧 [ 吧檯 ] {摺檯}
水吧 [ 吧檯 ]
作者: 咱是陳小肥 時間: 2013-9-15 02:20
水吧 [ 吧檯 ] {摺檯}
水吧 [ 吧檯 ]
水吧 [ 吧檯 ] ＆ ─── 此乃表示係人企 ge 位置 (小肥身形係咁， 近乎完美 ge 啤梨形)
水吧 [ 吧檯 ]
水吧 [ 吧檯 ] {摺檯}
作者: 咱是陳小肥 時間: 2013-9-15 02:27
2012-5-23 當時係第一次出現係八角亭; 帖名 ... 傳說.
某日係電視新聞度睇到香港舊立法會。不期然想番起以前 … … … 的一個朋友，俊朗飛哥。 立法會以前曾經做過法庭，俗稱大 Court (通常讀成 god) 樓。 這是俊朗飛哥話過小肥知的。
當年 (都應該有三十年，甚至三十年過外啦)，識俊朗飛哥時，他在律師樓 (後來叫律師行，現在有些叫 律師事務所) 做文員 (實情係大後生)，負責去法庭存檔文件，做手續同派送法庭文件；即係所謂 filing clerk (家下叫法律文員或者訴訟文員；還要認真一些的話, 就用 “書記”，利害 … 書記)。
當年俊朗飛哥話俾小肥知：法庭由中環消防局拆開之後，總部搬左去大 Court 樓，部份搬到現在砲台裏的終審法院地址，登記署同聆案官辦事處就搬左去統一中心，執達吏辦事處就散開曬 (例如 中環 恒昌大廈，九龍地方法院，荃灣多層停車場)。
那時，地方法院分 “維多利亞地方法院 – 薄扶林道2A”，“九龍地方法院 – 加士居道，現土地審裁署毗鄰”，“粉嶺地方法院 - 馬會道 302號”，“荃灣地方法院 – 即現在荃灣裁判署位置”。
裁判署就有 – 西區裁判署，南九龍裁判署 (現土地審裁署位置)，北九龍裁判署 (石硤尾 大埔道)，粉嶺裁判署 (同上述舊粉嶺地方法院位址)，荃灣裁判署 (現荃灣裁判署位置)，新蒲崗裁判署 (太子道東690號)。
作者: 咱是陳小肥 時間: 2013-9-16 00:37
綁你 ＝ 番文 ge Bonnie。
綁你：死八婆又黎黐餐呀。
等陣啦，洗緊碗呀。
咦，你條仔呀，咩你 D 仔 越黎越撻 ge 。
小肥：唔係呀，伯母，咱係佢表姨媽呀。
綁你： leng 仔 (係 “口青見”，唔係 “青見”；小肥自己知自己事)，飲咩。
利納呀唔該；無呀，咁，唔使，唔該。
呀，有無青瓜呀，北京黎有勒個隻。
兩女當堂：妖，阿支阿左，正中秋幽靈。
坐底，咬曬耳仔，牛姐細細聲問，佢索定我索。
小肥：熄左燈，都係一塊，差唔多；妖，一塊面呀。
綁你同我差唔多年紀，未到三十，你睇，家陣老我幾多。
驅風喎 (妳都未夠三十 … 唔似喎，乜生得咁老積)。
頂，講正經呀。
正經．正經就要食益母草或者飲死無路啦；通就崩大 ．．． ．．． ．．． bowl。
牛姐跟住話：當年做小姐時，同佢打生打死，爭客，爭第一；結果都係佢紅個我，事關佢個胸大呀嘛。
小肥斜眼望下隔離，你有咩。
人係人他媽生，妖係他媽生；五行欠打係咪。
細佬欠 ge 係水。
丟，你鹵味唔叫，叫老舉。註：哪，有逗號架，唔好連住讀呀。
食緊炒飯 ge 時候，牛小姐話：綁你好似賴左野 …。
作者: 咱是陳小肥 時間: 2013-9-16 23:37
本帖最後由 咱是陳小肥 於 2013-9-16 23:38 編輯
小肥：賴 ．．． 野 ．．． 俾人過左一棟係嘛，頂左間咁 ge 茶餐廳；烏蠅都無隻 (佢係度洗乜春呀)。
茶餐廳用茶包沖奶茶，唔賴都無天理啦。
係囉，係囉，有無計 je，幫下佢啦。
頂俾佢個條粉腸知佢唔賴架步，點佢用茶包沖茶。
又教佢賣盒飯俾學生，咩腿蛋，餐蛋，簡單喎；只係得個晏晝做，學生盒飯要平，油水又小，收支唔係好掂。
小肥：得一輪做 – 賴野；得學生餐做 – 賴野；做食店無七分利 – 賴野；但係，哩區係老人住宅區，周圍都係師奶，自己煮飯。好難做夜市。
死症，死症；有得食就食，有得玩就好玩啦。
聽小係呀。
唔好意思，唔好意思，講慣左。
總而言之，包龍圖塊面皮咁長 (擺明係塘邊鶴 ge 態度，四個大字，關人卵事)。
咩皮話，即係咩呀。
過長就梗係惡劣囉，塊皮，妳無，唔知架啦。
Daam 下鐘，又講返下鄰舍噪音自力救濟的問題 (講明，睇還睇，就真係千祈唔好學，好危險，分分鐘係老謀；出左事，條數小肥唔 me 架)。
有條伯父 A (成個張十四咁款) 住係單位 A，唔知係佢有心呀，定鍾意熱鬧；成日開音樂呀 (重係 － 華咩滋，貝咩分，或者 D 洋大戲 – 船頭呎話齋：shall we dance，登登登
個庭)。
人地投訴就話隔離由朝嘈到晚；樓上樓下樓左樓右 D 人就話伯父 A，佢開足廿四小時，重打開門，講電話就樓上，樓下都聽到。
該猥；阿 ge 條 “絲” 老野係撞聾架嘩。
所以，個個知佢炒股票，又成日俾好多經紀食夾棍 – 叫左你買，點解無買到或者買貴左；想叫你放，成朝你都唔聽我電話，家陣蝕到阿媽都唔認得咯；重叫我幫襯你 … 之類。
真係聞者傷心，聽者流淚。
管理員，員警，社工黎過，勸過，鬧過；一概當你發 ngaap 風。
真係打佢就殘忍，唔打佢就難忍。
卒之 ．．． ．．． ．．．
作者: 咱是陳小肥 時間: 2013-9-17 21:04
本帖最後由 咱是陳小肥 於 2013-9-17 21:05 編輯
卒之，惡人還有惡人磨，黎左另一個極品伯父，伯父 B；住係 單位 B。
哩個伯父係退左休 ge 文匾師爺 (成個羊毛底褲咁款)。
伯父 B 俾伯父 A 日嘈夜嘈；玩緊雀佢嘈，係廁所踱橋佢又嘈，睇飯島愛懷念下佢又嘈；搞到伯父 B 十七日都不能一。
投訴無門，告佢又驚 balance of convenience。
話說投訴之後，伯父 A 一聽到伯父 B 開門出街就單單打打。
伯父 B 又自持係文人，不屑同人潑婦罵街。
苦無良策之際，突然靈機一動，睇下邊個命硬。
作者: 咱是陳小肥 時間: 2013-9-18 22:02
以圖代文, 讓大家睇下自己有無惠根想到背後發生咩事.
作者: 咱是陳小肥 時間: 2013-9-19 00:32
咱是陳小肥，咱唔是 XXX。
繼續兩個死老野的故事 ．．． ．．． ．．．
於是，作左幾首歌，每逢一聽到伯父 A 單打就唱：買左就跌，賣親就蝕，你綁住未。
又或者，死老襯，信錯人，益你阿爸；有人無良執到你怕；老襯你做梗架啦。
正所謂：咱不記仇，有仇當場就報了。
起初幾日，伯父 A 唔係好為意。
唔知係唔係伯父 B 時運高，唱左幾日，個市就反覆左幾日；伯父 A 又係電話度一連幾日鬧完股票鬧經紀。
然後，伯父 A 留意到 D 歌詞勒，弊在佢情商有限之外，文彩更有限，連語文都未瞭解清楚；自不然係 － 庸人自擾，自取其辱。
條粉皮當然就梗係頂住度氣啦 ．．． 錯都比人寸 (又想咩咱們 XX 就係咁)，好明顯係過份自我 ge size effect；佢學人還拖勒，又學人阿支阿 joh 玩鬥氣添 - 買左就昇，賣左先跌；個市 heat 過火燒鐵。
或者，真係天收，個市越來越反覆，伯父 A 又越來越鬧得密；最後重罵天罵地罵鬼神，噢，天天地地，爸爸媽媽。
一個風和日麗，又剛 ngaam 個市唔係幾好之後 ge 星期日，兩條老野又係到唱歌，點知伯父 A 越唱越細聲，間中加幾聲咳，最後重喘埋氣 - 買… 左 … 咳 … 就 … … 咳咳 … 昇 … 曉曉曉，曉 … 賣曉左 … 賣咳 … 賣左先 … 先 … 鐵 … … … 曉曉曉曉 …。
嘩，直情氣若遊絲，走曬音。
伯父 B 當堂雞咁腳走，連隨賣埋飛過大海。
作者: 咱是陳小肥 時間: 2013-9-19 00:43
2013-9-18 - 咁蹺天氣風和日麗, 小花又 hang 左半日 ... ... ... 夾成咁 (一個風和日麗，又剛 ngaam 個市唔係幾好之後 ge 星期日), 無計 ... 噢，天天地地，爸爸媽媽。
咩意思 ... ... ... 為咩叫 "比人寸" 提供一個例子; 順便呃個帖, 羅 d 分羅.
註: 串人個串, 係用串, 唔係寸. 個串字來自當年紅衛兵大串連個串字.
註: 帖係用一個個 ge, 當日八仔阿大將哥教 ge ... 有文化真係好, 無用白字.
作者: 咱是陳小肥 時間: 2013-9-19 20:56
三日之後返黎，伯父 A 度門無開。
七日之後，伯父 A 度門仍然無開。
伯父 B 真係驚勒，於是走去問 care-taker 先知伯父 A 搬走左，重話要放盤賣左樓；個心先至定一定。
返來囉 … 返來囉 … …；唔使喊囉。
喊驚見過未。
又去返綁你條線 ．．．
牛：黎呀，PK，幫下手啦。
小肥：嗌 ya，腳痺添。
牛：佢好陰功架。
小肥：陰功得過七屍八命，梁天來 (此乃反貪，反腐案例)。
牛姐姐：唔係哩，當年最紅個時，黐左條仔，真係前世欠落，立即洗盡鉛華，牌都唔打。
後來條仔賴野，綁你替老公出頭，自己賴埋野，都係剛 ngaam 出返黎一段時間喳。
咦咿，講來聽下。
作者: 咱是陳小肥 時間: 2013-9-20 07:30
唔使搵勒；個帖係某壇某帖，花仔搵唔到 ge. 哩個係小肥疏忽，sorry 羅。
人地收樓，你賣樓適當的爭取， ...
咱是陳小肥 發表於 2013-7-30 23:44 
疊樓係咁上下, 不個層數多 d
作者: 咱是陳小肥 時間: 2013-9-21 01:14
話說，當年係有錢佬大舞廳有兩條新入行 ge 女，樣靚 (見仁見智，各花入各眼啦)，一個身材好，一個身材 “梗”；兩個都係顛雞十三點加個喪字。
無論係麻甩，立時俾你銀，老中青，一律通殺；直情嗒曬糖；雖然都重係做緊金魚。
兩條衰女，由碼頭鬥到底橫；你著無卡咩，我著兩邊全哩士，你扮護士呀，我就做洋姑子。
佢地就精彩絕倫，個場就搞到火過火力發電廠。
點知，真係前世冤業。
係一個股市無乜運行，遇 ngaam 過節，又大雷大雨 ge 晚上，個場黎左班黴友核能人和尚 (西飛利過田鼠泥鰍龍)。
唔識田鼠泥鰍龍 ．．． 孩，又一個悲慘的童年
成班中坑帶住兩個後生仔入到黎大堂，頭岳岳，扮大鱷。
但係，著皮鞋，穿白襪 ．．． 個隻；一睇就知係鱷魚頭老襯底。
成班媽咪大班一睇，無曬癮頭。
不個，打開門口做生意，好醜都係客，領導媽咪唯有挺身而出同佢地交接。
幾位老細，好耐無黎啦喎 (諗住求其棟兩件冷板，係咁意招呼下就算，都叫充橕下場面)。
點知幾條所謂老雀唔熟性，一聽就你推我讓，扮曬老處話 ．．． 無，從未黎過。
重衰格到借意拉下手，抽下水，諸如之類，諸如之類。
作者: 咱是陳小肥 時間: 2013-9-21 01:15
sorry; 漏左哩兩句:
搞左十幾分鐘都起唔到個頭，媽咪開始有 D 噪勒；點呀，老細，我房度有通勝喎，使無揀個好時辰呀。
點知班二打六重啜核 ．．．；點啜核法，請看下回分解。
作者: 咱是陳小肥 時間: 2013-9-21 22:51
其中一個老細就支支吾吾，其實，呢，就咁，我地呢，就上黎見識下，坐個零鐘，夜 D 要交人，無計，你明架啦。
有無 D 唔出街 ge 小姐，另外要兩打啤酒。
(妖) 阿踱哥係嘛 ．．． 見你衣著顯風度，意氣風發豪情高，便知你大有來頭。http://www.youtube.com/watch?v=8gZ9j-Ow7eQ
得，轉頭同你搞得好好睇睇，風光 … 呀，唔係，係風風光光。
阿超，上個果盤加碟花生，羅兩打啤酒。
入到小姐房，媽咪即刻就超也麼，風吹黃帝褲浪，跟住一輪XYZ，你老母就係佢外母；成班小姐聽完，又循例小一輪。
媽咪：邊個帶埋親戚返工 ge 就出去搞掂班欄籐啦。
綁你突然好囂屎咁對住阿牛講，又話巴之閉，石頭都鑽到血出黎 ge，睇你啦哩期。
阿牛：我就無問題呀，怕妳拗底ja 流攤喳。
那，玩大 D，起佢老母底 (小肥聽到就問：咁佢老竇個底呢 － 答案得一個字，邊個字，自踱啦)，睇下邊個拖到刀，斬得多。
輸 ge 擺三圍，以後見到面要叫阿姐。
怕你鑲鑽石呀。
註
好似係 gaming contract。
contract 同 agreement 或者問 合同跟合約 ．．． 有咩分別呢 ．．． 估到 ge 話，小肥開估。
於是，兩位阿姐拖住三個帶姨媽返工 ge 阿姐就出左去耍勒。
作者: 咱是陳小肥 時間: 2013-9-23 07:27
水吧 [ 吧檯 ] {摺檯}
水吧 [ 吧檯 ]
水吧 [ 吧檯 ] ＆ ─── 此乃表示係人企 ge 位置 (小肥身形係 ...
咱是陳小肥 發表於 2013-9-15 02:20
sorry, sorry; 琴晚唔覺意撻左皮.
間舖同哩個 size 差唔多 ... ... ...
作者: 咱是陳小肥 時間: 2013-9-23 07:33
點知，始作俑者，就首先馬失前蹄；接招個位，因為忘記左 “片葉不沾身” 哩句至理明言，亦於稍後時間陷落勒。
人在河邊走，那能不失 ．．． sorry，係濕腳。
唔使講，豬腳梗係個兩個後生啦。
至於點失手，關於綁你同條仔點攪埋 ge ，牛姐唔肯詳細講 (其實，小肥覺得係佢自己衣那七都唔係唔得清楚) 。
佢講左個 D，小肥又唔識寫返出黎，劃公仔又曬時間。
所以，當小肥唔知啦。
同埋好似係私隱。
跳，Privacy 添，堅。
個晚之後，果真是緣來沒法檔；綁你識左阿細，即係其中一個後生仔。
識左無耐之後，綁你就成日唔上班，重著親都係越南裝。
咩係係越南裝呀。
有頭包到落腳，著裙重要加條褲羅。
再過多陣，直情唔返工，洗盡鉛華，牌都唔打。
真係唔知邊個綁邊個勒。
作者: 咱是陳小肥 時間: 2013-9-23 18:49
後來，小肥曾經係咁意問過牛姐，佢同綁你年代條仔咩料，牛姐話：關你春事。
然後，到牛姐想爆佢同綁你年代條仔咩料，小肥話：關小肥鴨事。
跟住，就到講唔講都無所謂。
最後，就係提黎做咩個隻。
點解，睇落去，又有緣 ge；自然會知架啦。
好夜重有一帖。
作者: 咱是陳小肥 時間: 2013-9-24 00:34
繼續 ．．． ．．． ．．．
阿細係做財務金融 ge，係同佢個條 line ge老頂出黎，應酬阿寶 (牛姐件野) 個開車房 ge 師傅。
原來係咁 ge ，阿細屋企算係大家族 (人多個隻大法，純粹疊馬同疊水無關)。
碰 ngaam 識綁你之前無耐，阿伯母呢就中左風，半身不遂。
於是 D 未結婚 ge 仔仔女女就帶曬 D 拖友返屋企見老人家。
咁蹺，有真係咁蹺；所謂無冤不成夫婦，無仇不成夫子 ．．． 千百世一次回眸，換來 ．．．
阿世哥又係用 D 狗公成日用個招，我無女架，拍硬檔扮住我女朋友，等下我老母開心，有個咁索 ge 新抱，佢病左都快 D 好。
男有情，女有意，無野 ge 話，你死人 laam 樓又關我叉事；有心 ge，刀山火海都敢倍你闖。
兩條粉皮重講到真 ge 一樣，當老臨計，每日五舊添，一個星期出一次糧。
唔好玩啦，阿姐隊杯交叉癃封老毛都唔止五舊啦。
五舊，當時係港資銀行做個主任，都係得兩釵野 ja。
去到見伯母，大家就客客氣氣。
第二次，綁你就幫成班姨媽姑姐睇住班細路，free 曬 D 大人。
第三次，有人開始叫阿嫂，細路就叫亞嬸，阿妗勒。
第四次 … 密密地參加家庭 jui 會，直情有權斟茶，拜祖先添 (係大陸，可能係事實婚姻喎)。
作者: 咱是陳小肥 時間: 2013-9-24 09:08
話說，當年係有錢佬大舞廳有兩條新入行 ge 女，樣靚 (見仁見智，各花入各眼啦)，一個身材好，一個身材 “梗 ...
咱是陳小肥 發表於 2013-9-21 01:14
解釋一下小肥對於 "一個身材好" 同 "一個身材勁”ge 理解.
一個身材好 - 有線條, 唔需要大, 電腦都得 (點解 - 人地話波大無腦, 電腦咪即係 ... ... ...).
一個身材勁 - 好簡單, 要幾大有幾大, 兩隻手都 ... 咩唔曬羅. 咩野 ... 咩唔曬呀, 有經驗自然知, 無經驗 ge ... 小肥幫你唔到, sorry.
作者: 咱是陳小肥 時間: 2013-9-24 22:01
阿細屬羊，人醒目又能夠做到野 (即係 ．．． 能羊)，識左綁你無耐，就埋到腦腫身，企兩邊。
個腦兩邊即係耳仔同眼，做左腦腫私人助理。
於是，開始拉車邊，學人試下食大茶飯。
家中各人就越睇綁你越順眼；腳頭好啦喂，重有 ball 有 butt，黃蜂腰，gat jat 肚，成個宜男相，好生養。
註，哪，唔好隊性別歧視呀。
唯是，家中各人就唔包括個位臥病在床 ge 老人家。
老人家一直覺得佢太識做人 (所謂世故勒 － 哪，真架，中國人講 d 野，三年老舉一個狀元呀)。
後生細女，圓滑成咁，一定唔簡單；更唔喜歡佢大花筒，日日著到成隻雀咁。
仔阿仔，命阿命，最緊要個仔甩。
更何況，女 ge 並無行差踏錯，樣樣做到足。
點話點好啦，條老命又睇得你幾耐喎。
不過，老人家一早預言，出親事就必定係關間屋同綁你事。
老人家字都唔識多個，但就真係挑通眼眉。
作者: 咱是陳小肥 時間: 2013-9-25 22:04
大姑娘轉頭唔知係邊羅左兩支利納，呀，唔係，係紅酒出黎。
一人一支隊左佢，好耐都搵唔到個 ngaam 傾啦， ...
咱是陳小肥 發表於 2013-8-30 02:24
廉租屋 ... ... ... 記否得哩個名稱呀
作者: 咱是陳小肥 時間: 2013-9-25 22:09
老人家睇到都當睇唔到 … 日後有事，算唔算 volenti non fit injuria 或者係 acquiescence。
鬼咩，綁你哩 D 挑通眼媚 ge 世界女，點會搞唔掂 D 三姑六婆呀。
今日請你飲茶，聽日俾個上晝買，然後下晝話舊左 ge 矮佬威妳。
錢之嘛，阿姐有，阿姐俾完，重可以攤大手板問情哥仔踱水。
行賄貪汙，重係集團式經營同串謀。
原來唔係喎，佢就係死係 D 個婆仔手，重係字都唔識多個 ge 婆仔手上。
有時真係人算不如天算勒 (所謂 act of god 勒)。
事實婚姻，volenti non fit injuria，acquiescence，行賄貪汙，重係集團式經營同串謀，act of god 哩 D 係勉強左些少，無計，怕被人話唔對題。
親家多，無辦法。請諒，請諒。哩句係以前個壇用 ge；食得唔好晒，打左無謂 delete 咁解者。
事情經過，請聽小肥慢慢道來。
當然啦，一如以往，買個關子，下帖請早呀，各位老細。
作者: 咱是陳小肥 時間: 2013-9-26 23:02
話說，阿世搵到；個時，身光頸靚，隨時身邊有幾皮野袋住 (個時，賣隻大花刁，玩刁類勞味 (唔係粗口，係刁鉈種類，勞力士品味) 好似都唔使一撇水)；鋼勞鋼帶都係幾撇水。
佢個細佬阿漆又搵到；兩兄弟不期然就心雄起上黎，夾錢買左個高尚住宅區 ge 單位。
講起阿漆，不得不順帶提下哩個奇人。
點奇法，奇就奇在佢中學未畢業。
出黎做野，由推車仔送旅行箱 ge bell boy 一路碌到做飛機工程師。
最高級去到某歐美航空公司總工程師，head 住成班魁頭。
阿漆 ge 人生目標：搵份工無得俾人隨便炒 ge。
詳情，可能，或者，有機會，開個外傳啦。
兩條光棍，又未結婚，又怕老人唔識番文 (記得就應該未興外傭)，就請左個一直打開住家工 ge 婆仔港傭。
哩，有條辮個庭呢；係勒，叻勒，就係梳起個停媽姐勒。
好衰唔衰，個港傭以前老細個老婆識得綁你以前個媽媽桑。
個老細婆又成日約個媽媽桑同佢班小姐食飯打牌。
綁你姐就貴人 “善” 忘，對個港傭無咩特別反應。
個港傭就記得綁你姐 d 私人醒；見到綁你 ge 時候，面色就有些少古怪。
又稱呼綁你做 “姑娘” ．．． 乜口人忌乜口碗嘛；熟性 ge。
熟性就賴野勒。
有公仔睇。
作者: 咱是陳小肥 時間: 2013-9-27 08:40
77/10003 有一雞啦 ... 刁類勞味
作者: 咱是陳小肥 時間: 2013-9-28 00:05
點賴法呀。
一個唔覺意加一個唔好彩，就俾 D 姑奶留意到。
姑娘 ．．． 乜個叫得咁啜核 ge。
於是就口痕問下阿 ge 媽姐勒。
起初，港傭把口都好密，皆因佢見阿世兩公 na 夠疏爽，俾左錢賣
作者: 咱是陳小肥 時間: 2013-9-28 00:06
送又唔返黎食，斧頭有任打唔嬲。
你知啦，有 d 人把口唔收，想話口密 d 都真係好辛苦。
忍得辛苦，講野左閃右避，點點滴的，蛛絲馬跡，就更引人疑竇架嘛。
後來唔知邊個擺計，用隻芝麻咁大 ge 鑽石戒子溝掂，sorry，係講掂個港傭爆響口。
一爆就大檸樂啦。
哪哪哪，又係行賄貪汙，同樣犯法，重出埋身份證明，洩露私隱添。
我地大家族哩架 (其實，大乜夏秋冬，幾兄弟，撈左十幾年，叫有些少事業 je)。
其實，阿貓阿狗，殷殷實實咁做野，做得耐，多少都會有 D 成果。
哩班二打六，自我感覺極端良好，又唔記得自己曾經都係工人階級，都係工人家庭出身。
於是，有晚 … … …
唔記得問句 ．．． 有無人未睇個八仔年代個 part 呀；想睇就開聲，超過 50 人想睇，小肥貼返出黎。
作者: 咱是陳小肥 時間: 2013-9-29 00:02
阿世一路用右手開門，一路用左手休褲襠，把口就吹住口哨。
個腦就諗緊，哈，頭先條女幾索。
又諗，阿媽 fan 左咩未 (唔好問小肥點知，小肥老作 ge )。
點知一開門，嚇一跳，重打左個突。
超也麼，大龍鳳呀，乜得咁大陣象呀。
嘩，大伯父 ja 住支拐杖，金刀大馬咁坐係廳中間，正正中間 (大伯父以前都係出左名爛滾，同阿世個老竇齊名，重拍住飲花酒。大伯娘重做過花魁)。
大伯父隔離坐住阿八姨婆；兩個加埋起碼百五歲。
最羅人命就係阿八姨婆不停咁用條手巾仔係度作抹眼淚狀，隔離家姐就玩慰安，唔係，係安慰先 ngaam 。
然後，兩位老大左右手兩邊就企曬 一二三四 … 一路到個得十幾歲 ge 老表。
嘩，咩料。
神檯就香火點齊。
阿世，大伯父喝一聲 (想像下關老師叫阿蘇就得勒)。
作者: 咱是陳小肥 時間: 2013-9-30 00:30
本帖最後由 咱是陳小肥 於 2013-9-30 00:31 編輯
係 (阿世心諗，大欖有隻鑊勒，開香堂)；哩個係名太祖誅完章流落黎 ge 二窿甑煮令 … … … 寫錯，哩句係當年張雷係電視劇鹽梟 ge 對白。
阿世，大伯父再喝一聲，你點做人架，點做人個仔架。
係 (阿世心諗，無呀，我有拜老竇山喎，你條伯父上次收我隻窮到 lung 咪戴得好開心，八姨婆個孫入到有聖母愛護同照顧個間學校都係我幫佢 ge，重成日舉行酬賓週，次次都係 X 會會長，周有；衰咩呢，哩勻) 。
我有咩唔 ngaam，你就出聲啦，大伯父。
大伯父黑起塊面問：你個女人做咩架。
我女人囉。
唔係，你 … 你 … 你個衰仔，你係邊度識返黎架。
香港囉。
鞋，家門不幸囉，你個衰仔。
阿世回魂勒，知咩料勒。
入屋之前，成身軟曬，得一度硬；哩一刻，就成身硬曬，得一度軟。
阿世條頸當堂軟曬，耷曬頭。
老伯又唱：跪 … 係祖先面前跪低。
跪，我跪你 (河蟹) 老母 … … … … … … … 跪埋你老竇，再跪我老母，又跪埋我老竇，係都唔攬叉跪 X 門堂上呀，成個神樓都係我出錢架。
心咁諗，把口都重忍得住未出聲 (不過，好似佢老竇幅磁相都係係神樓喎)。
哩一刻，阿世條頸又硬返啦；愛情真係可以戰勝一切牛鬼蛇神。
作者: 咱是陳小肥 時間: 2013-10-1 07:49
Sorry, sorry, nam 左 … … …
繼續 …
佢原本做咩架。
阿世心想，關你春事呀；把口就應，後生細女，未認真做過野。
無咩事，我想早 D fan。
阿伯重未醒水喎，繼續擺款：做小姐喳嘛。
阿世無出聲，直行入房。
大伯父又再喝一聲。
阿世照舊唔理。
八姨婆出聲勒，你唔甩左佢，你就唔好返黎屋企；佢貪你 D 錢架喳。
其實，八姨婆睇錯勒，綁你係貪個人 (大佢七八年，未結婚，重還有頭髮，生活安定，”乙水 即係 taam” 得佢開心，就曬佢)，錢唔係最重要 (當然，佢唔會係食大牌檔 ge 人；無錢亦係萬萬不能，無錢，點食吉品，搵咩啷口 (原來褲襠個襠字係咁寫：“襠” 讀浪唔係讀黨，之前小肥寫錯)，點去 1/2 個島 afternoon tea 呀，點 shopping 完，去希記 cat walk street 攤 tau 下呀)。
更何況 …
作者: 咱是陳小肥 時間: 2013-10-1 20:49
更何況，阿世點可以算真係有錢 je；最多咪比普通打工仔搵多些少冤枉錢，亦都只係老細手指罅跌落黎之嘛。
起碼，買層樓都重要夾份。
阿世開始滾，準備做 D 反動 ge 野勒，所謂有錢就有膽，人有多大膽，地有多大產。
人民大翻身喇喂。
氣在心頭；你班正富貴，食我 ge ，用我 ge ，重口水多過浪；越想越滾，越滾就越想，突然一個獅子回頭，再黎個獅子哮：夜啦，咁多位，早 D 返屋企 tau 啦；哩度係 “我” “屋” “企”。“大” “伯” “娘” 等緊你門呀，阿伯。
“ bang ”。
成班友，當堂吊吊 think，做曬吊住條利 ge 笑口佛。
出黎行，俾面就叔父，唔俾面就就羊牯。
又有謂吃人 ge 手短，何況佢地又食又擰，有世食世成左例。
於是，個晚就不歡而散，個批鬥大會，就無疾而終，連例牌宵夜都無得咬。
其後，重有好多枝枝節節，相勸呀，互片呀，邊個親 D，隔江罵戰呀，銀彈呀，甚至後來阿世同阿漆分家，搞到兩敗俱傷。
真係中左老人家個句 - 出親事就必定係關間屋同綁你事。
好彩，老人家都見唔到囉。
作者: 咱是陳小肥 時間: 2013-10-2 21:45
講起兩敗俱傷 …
此路是我開，此樹是我栽，欲從此路過，留下買路錢。
咪料呀，坤哥，咪交左保護費囉。
肥仔，知唔知雞的屁點搞。雞的屁，雞屎忽就知，最好白斬。
阿獅子頭係隔離話：GPD 呀，坤哥要交功課。
嘩，乜家陣 D 功課咁深 ge 。
兩敗俱傷，兩兄弟係個段黑暗時期，真係嘗盡甜酸苦辣。
最後，都要好一段時間先回到氣。
其實，綁你都算做得絕，佢睇死阿漆無錢俾埋個半層樓，所以就死人都要錢唔要樓，諗住趕絕老漆。
阿世財大氣粗，幾百萬未開頭，又氣在心頭，加埋又心痛個老婆俾人睇小。
少年父妻；鞋，結果就一發不可收拾。
點解咁絕 …。
乜人出手，乜人出口；又邊個同個港傭最熟，又最關心阿世哥呀 (兩兄弟，一前一後三年抱兩，一罐啤酒兩份飲，一條孖條兩人分)。
事後，唔使係江相，都算到出黎啦。
其次，係江湖走糴過 ge，多少都會係狠手 D 架啦 – 朝朝起身腳 young young，永遠無話同情人 …。
結果，當然，最後，兩兄弟就越行越遠，你有你生活，我有我忙碌。
作者: 咱是陳小肥 時間: 2013-10-4 00:54
85/14306
老人家辦喪事，都搞到梗有一個係門口收吉儀，老死不相往還，這麼近那麼遠；莫奈何，真個係莫奈何呀。
都好，阿世同綁你就疊埋心水，係外邊租左個單位仔，雙宿雙棲 過其二人世界同居時代。
阿世日頭返工，綁你就晏晝起身，call 齊 D 姐妹，食 bunch，重係要係在 XX門呀，XX樂呀，金山呀個類食肆。
個條魚咁似老鼠 ge，蒸黎食下。
天九翅點九法呀，炒個桂花翅黎咬下。
日夜呼朋喚友，三日一小宴，七日一大宴，杯莫停，雀聲更長鳴，好不快活，好不奢華。
然而，正如瞽師南音唱來，個兩句呀：但係，唔該，就唔該享盡 d 奢華福﹐錦誘，錦誘河山就毀路塵 … … …。
註 小肥一直覺得客途秋恨由瞽師唱來，入過師娘好多；更唔好話出自閨秀，勾欄樂師腔口勒。
白駒榮前後兩次版本，都爭好遠；小肥偏好佢晚年，技巧純熟，體力欠缺時所唱的版本，入形入格，入情入性。
無耐，一個機緣巧合，阿世搵到一大舊錢 (當然係坑渠水啦)，又用差唔多半價買到個三千呎豪宅 (當然有唔係好野黎啦)。
狂情盡放失迷人，意氣風發無愁眉。
殊不知，福系禍所伏，哩個機遇竟然係佢兩公婆患難見真情 ge 開始。
作者: 咱是陳小肥 時間: 2013-10-4 22:40
86/14970
不過，好多野，福禍自招，得失自問；總之，來過，活過，痛快過，夠架啦。
早前咪講過：後來 (綁你) 條仔賴野，賴野個位就係阿世勒。
話說，有個富二代，平時神神化化，最驚女人，最怕食蛇。
點解究會驚女人，就真係無咩人知，情傷掛怕係。
怕食蛇就好易理解，because 佢姓佘，真羅命。
但係羅命唔得過佢老竇大把。
富大代知道自己個仔神神化化，可惜係老來得子，重係獨子添。
做老竇老母 ge，真係驚行人之後，阿二代哥無人無物，咬完個餅前面，都唔識轉一轉個餅。
搵屋企產親友幫手，又驚佢慘個林妹妹。
其實，紅樓夢個林妹妹，係一個 typical 個案 – 被 “毀壞誠信 ge 託管人” 非法地侵佔受託財產 ge 受害人 (重可能係無行為能力者 – 未夠秤之前係，夠秤之後由於心理問題，都可能係。
如此類推，石頭哥咪可能衰十一 … … …，該猥囉)。
唔使驚，阿世唔係衰十一，又唔係好粗獷。
佢係托水龍，重係串謀個隻。
作者: 咱是陳小肥 時間: 2013-10-6 02:12
87/15850
言歸正傳，阿大代一向幫襯開阿世打工間公司 (當係叫信我就托銀樓啦)，於是，就搵左信我就托銀樓做左 D 咩信託呀，監管呀咁，諗住萬無一失。
點知 …
大代兩公婆轉行賣蛋之後，佢係銀樓 D 老死亦都先後去左仙界旅遊，簡稱仙遊。
大代單信託就輾轉落到信我就托個最細 ge 老闆仔手。
細托不務正業，成日群埋班高級行政傍友，阿磨，阿擰，阿 thing (統稱 morning thing)；後尾重收埋阿世做 leng 。
成班友日日係度 morning thing，唔生性。
嘩，佢地見到富二代，直頭同見到隻鷓鴣無分別。
鷓鴣, 鷓鴣愛黎做咩 ．．． 你知 ge。
其實，天網恢恢，簷前滴水，有時真係要講下因果。
初頭，阿世不過係個職員仔，所謂九等靚。
就算係話頭勝尾極，原本都要碌幾年甚至幾十年先有機會慢慢爬上去 ．．． 或者係根本無機會。
就係因為佢眉精眼企，留意到阿二世祖好怕女人。
原本公司就話搵 D 女同事招乎阿二代，點知點正人地死穴。
阿世就次次特登叫幾位姐仔過去，係二代哥心臟病發之前過去救駕 (可能會係謀殺不遂)，久而久之，二代哥直情只係比世哥攪佢個代 … 理 D 野。
當然，阿世事必然係過水濕腳。
作者: 咱是陳小肥 時間: 2013-10-7 00:50
88/16443
點濕法，好似，一先一後買同一隻股票，邊個位入蝕些少或者買貴些少，就當係阿二代 D 貨 (breach trust 勒)；重有其他，例如，食夾棍呀，兩頭佣呀，黐飲黐食呀 (茶煙酒，飲食係款待，未必係貪汙)。
唔覺意摸到大髀唔算，個 D 叫抽水。
濕碎錢，阿世就已經眉飛色舞。
卒之比細托留意到。
首先，借 D 意升起阿世，跟住帶佢去合皮，醒多小。
時機成熟就準確出手 gam 鷓鴣勒。
當年某日，有點兒黯然。
十多二十年前，有個剛畢業的法律生，幾位老行尊睇好佢。
本來前途一片光明，點知少年得志，不知自愛，結果係人都怕左佢，女朋友飛左佢，師傅憎死佢，由出道一路衰到現在。
小肥路過，見到佢好似乞一樣係度 “拗” 撈。
何必呢。
唔好話頂天立地，問心無愧，都可以生活得開心 ｄ 。
呢哪，阿世咪人版羅。
寫兩行，發洩下。
講返阿世。
有一晚，細托帶齊手足，連埋阿世，去到酒店。
係酒店度，班友有間長房用來開局，開派對，隊可樂。
成班老契，連架生都準備好，準備用來恐嚇阿世，逼佢上山。
作者: 咱是陳小肥 時間: 2013-10-8 00:31
89/17160
點知，真係姣婆遇著脂粉客，咩都未講，只係提下二代個名，阿世哥重興奮過食左冬天之後個季 D 過期藥 (阿世心想，祖墳冒清煙啦，發啦，今勻；埋堆啦，上位啦，有錢過鄧爵士啦；D 女 ．．． 呀，女唔得，綁你睇實)。
結果，個班人版，就你眼望我眼，嘩，重狼死過我地，會唔會搵錯 partner 呢 (傳說中，好正統的串謀出現啦)。
如是者，成班友就一路商量到天光。
踱左幾條死竅，一句講曬，唔係而家的走曬 D 錢，好易黃；先借艇割禾，空手套白狼搵 D 使用。
穩穩陣陣搵十年八年錢，先同阿二代一煲清檯 (好多人話係清袋。小肥就認為應該係出自一 Q 清檯)。
D 屎計不外乎，借隔夜錢炒股票，租樓食夾棍 (食得幾多，兩棟工業大廈，半棟住宅；真係無幾多) … … … 唔寫太多，費事比人話教唆。
返到屋企，阿世重有多小忐忑，唔知點同綁你開口 (唔講，唔講點衣錦還鄉，點係條女面前威呀，人之常情)。
作者: 咱是陳小肥 時間: 2013-10-8 01:19
短左d, 出圖睇住先啦
作者: 咱是陳小肥 時間: 2013-10-9 00:02
91/17887
點知，一入門口，綁你就即刻彈起身，三點全露 (加入色情成份以加強劇情)：honey，我煮早餐過你食呀下。
咩料，你大小姐平時三點不露 (哩下係三點鐘，與色情無關) 唔鬧我嘈聲你，重有野咬。
咪住，你煲水都會煲乾喎，買左火險未。
眨下眼，一碗非洲荷包蛋半生熟丁就放係檯面勒。
老公，你試下，人地煮得好辛苦架。
哦，係呀。
點解 D 麵有 D 硬。
朝頭早嘛，多數都會硬 D 架。
係。咦，D 麵中間心重係白色 ．．． 未熟 ．．．
真係硬咩，咩丁麵唔係就咁用滾水漉就得咩。
漉麵 ．．． 漉丁麵 ．．． 丫 ．．． 丫 ．．． 丫；烏鴉飛過。
老公呀。
哦。
老公呀。
咩事。
老公呀。
講啦。
阿蘭西呢，有隻呢，X 卡XX戒指。
哦。
個八婆係度曬呀。
哦。
不過算啦，你搵錢都唔係容易。
唔怕喎，聽日去買隻 X x 150% 卡，大返佢。
你有錢咩。
就有 … 咁 … 咁 … 咁 … 然後就咁咁咁。
咪有錢囉，重係大疊水添呀。
老公，你真係叻勒。
你唔覺得咁搵錢唔好咩。
我日，有錢唔搵先不知所謂。
(記唔記得靚妹仔裏面個光頭淫媒呀。 位阿哥做老臨出身，後來做埋臨記頭 (即係 contractor)；閒時重做埋遊船河呀，P 場，係商界，相當長袖善舞)。
唔明點解無啦啦有圖出現呢 ．．． 睇落去啦；老友。
作者: 咱是陳小肥 時間: 2013-10-10 00:21
92/18629
開壇 … … … 一進香呀，再進香；再進香呀，三進香；一拜請到東方龍王，二拜請到南海觀音，三拜請到西方如來，四拜請到北帝神君；三清六道，八方上下，宇宙陰陽，五鬼五鼠，六丁六甲，風雷雨電 … … … (唔好意思，聽緊電話，呃住鐘先)。
起壇 … 哩下真勒 ．．．
一路搵食，搵左差唔多半年，二代都唔發覺，因為，佢將所有野包括文件，印章，證書都放係阿世度。
然後，阿世叫佢簽就簽；二代只係個個月羅夠使用就算 ．．． 哩 D 先係生活呀嘛 ．．． 視錢財如糞土，起身唔使要早。
有時，或者，其實，對某些人來說，錢真不個係一堆數字同文件。
於是，班友個賊膽就越來越大，估話玩舖大勒。
點大法，羅 D 野去當；點當法，羅 D 樓去按。
其實，好似，應該係典先係，因為當，好似係要留低件野，即係話物主無權用件野。
典就重保留使用權。
按揭係後現代先出現。
小肥又覺得典同按有些少分別；物品似乎用典好 D，土地樓房就用按 (因為以前要按手印)。
純粹亂吹，唔好當真。
呀，抵押呢 … … … 可以寫本書。
成班友做完個諗樣之後，決定偽冒簽名，羅阿二代兩個單位去當。
家下明點解有圖啦。
作者: 咱是陳小肥 時間: 2013-10-11 01:05
93/19401
寫開按揭，知唔知點解同銀行贖樓份文件，有時用 release，有時用 discharge，有時用 re-assignment 呢。
唔識 ge 撞中有獎；識 ge 答中無獎。
借足十成 (九成加 OD)，估話同阿邊個搏舖大細。
班友問計於阿世，阿世問計於綁你；於是條竅出來了。
雖然話二代信阿世；但係，始終有可能會望下 D 檔，二代唔係無文化，假假地都去到調理農務 (英文係 agricultural management) 博士後。
重有，簽下，簽下，見份檔唔色都可能會穿塴 (契紙係藍色長紙 size，個時，個時呀；咩係長紙 size，F4呀嘛，咁紅都唔識)；平時 D 文件，信件多數係白色係 A4 size。
為左減低風險，只會將簽名個版攝係成堆文件入面 (其實係作賊心虛)。
為左再減低風險，條轎係咁 ge 。由阿世搵二代打邊爐 (成檯野，無位放低慢慢睇)。然後中途阿世就話唔記得帶袋 … … … 文件，話叫個人羅來 (哩個係綁你，扮馬臣蓆)。
差唔多綁你到之時 (大約下班時間)，阿世扮肚痛去爆石。
然後綁你話趕時間即日做好，唔等阿世直接比二代簽。
二代怕女人架嘛，綁你就成對野 (sorry，係成堆野先 ngaam ) 隊埋去，檯面無位，就用手 ja 實，只係露出重要部位，即係簽名個位。
劇情一路按照劇本發展，點知，問題出現係 …
作者: 咱是陳小肥 時間: 2013-10-11 23:17
94/20086
問題 … 問題出現係阿代哥身上。
阿代哥企起身，一手搶左疊文件；然後自言自語話有無攪錯，當我傻架。
嘩，綁你當堂嚇到標汗。
哩條友，生藕無用架喎；何況老公重係度望住。
點知條友跟住就痞低，將 D 文件放係將椅上面簽，一路簽一路鬧，咩 … 女人 … 女人 … 女人 … 咩頭髮長短呀。
自己就用手 ja 實 D 文件，只係露出簽名個半頁位，含梅疾走，係咁簽，係咁簽，慌死見多綁你一陣會死咁 (或者綁你有菜花一樣)。
簽完望都唔望文件同綁你，真係簽左咩都唔知。
然後，就彈起身話，羅走，唔好掂到我。
咁就攪掂。
其後，班友串埋個師爺同銀行做按揭，棟左一大筆錢，要黎做自己想做 D 野。
只要準時還月供，本來就神不知鬼不覺。
點知千算萬算，始終係人算不如天算。
作者: 咱是陳小肥 時間: 2013-10-12 01:26
幾十年前曾經有個故仔，蕉的故事 （部份情節經小肥修改，與原本故事有出入）：
哪，話說，好耐好耐之前；有個航海家，冒險者係唔知邊度帶左 d 蕉黎中土。
其實個航海家都唔知係咩呢，叫咩名；只係知食得。
航海家黎中土，首先梗係拜地主啦。
唔記得提，個航海家係紅鬚綠眼 ge 洋人。
輾轉間就搵到個跎地海商。
洋人自然送大禮；其中包括一梭蕉。
送得禮，自然自吹自擂 d 點好點好；重教埋個海商食蕉要剝皮。
海商第一次食蕉；嘩，直頭人間美味，自然就諗起出面收埋個小蜜。
諗住留番d 蕉過 honey 佢嚐下鮮。
點知未收好，就被大婆見到。
大婆問咩黎。
知到食得，就要羅黎食。
海商靠外父發達，係妻管嚴；唔敢話推搪，只好話妳唔識食架啦。
大婆一辣就滾：咩唔識食呀，識 ．．． 跟住就連皮一啖咬落去，然後話用口食羅。
點知話口未完就嘔返出黎 ．．． 一路吐就一路 boo。
海商唔知癡左邊條根；竟然狂笑重駁嘴：話左妳唔識食架啦，笨，食哩樣野要剝皮架。
大婆顛起上黎，拿住梭疏蕉係咁扳 (baan) 海商，重一路扳一路鬧：笨呀哪，笨呀哪 ．．．
航海家個通譯又譯 d 唔譯 d ，航海家聽到就以為蕉 ge 正式名字叫笨呀哪；自始洋人就叫蕉做 banana 勒。
作者: 咱是陳小肥 時間: 2013-10-13 02:20
96/20812
班人精誓估唔到 D 老人家真係挑通眼眉。
自己知自己個仔事，一早留定後路，竟然黎招外援查數。
個外援係老人家某疏堂親戚個女，阿掃把頭，係愛美麗家做唔知咩專業 (好似叫咩貨輪殖，總之好高檔次)。
因為，老人家臨行人前，總係覺得較靠托記班老友始終係有風險。
有錢唔代表唔貪錢。
有錢唔代表有個好仔。
於是，就同掃把頭簽左張合約，話明供書教學，x 年後到黎香港玩核數；一來睇下個仔有無咩唔妥當 (咪個死左係屋企，臭左都無人知)，二來執下個仔有無俾人搵笨二加五。
張合約重有份基金，用來出糧過阿掃把頭。
核數 … 嘩，高潮快感一齊黎啦，哩煲。
作者: 咱是陳小肥 時間: 2013-10-14 01:12
97/21550
掃把頭黎到之後，都好識做人，應該做就做足，唔應該做就避足。
當然，應該食就食，應該歎就歎。
本來大家相安無事，掃把頭就當返香港探親旅遊；住阿公，食阿公。
阿二代又怕女人，全部交曬俾阿世跟。
於是，班友又招呼到掃把頭契爺一樣；直情係 up-grade 到掃把頭員外。
掃把頭係原居地都係做咁上下 ge 工作，自然知自己咩身份，班友玩緊乜；更自然識得點潤樣 “打草驚蛇”。
例牌有野鋤，又例牌有改進空間；預期核數結果係審慎樂觀。
日日係信我就托度開個地攤賣藝；一做兩粒鐘。
點知，有人心虛；邊個，哩，咪阿細托囉。
作者: 咱是陳小肥 時間: 2013-10-14 01:13
Banana 事件之後一段時間，海商突然老馬有火，用無後為大，成功爭取到小蜜入宮做其如夫人勒。
洋人航海家自然又要出場，自然又係送大禮；今次係一粒菠蘿。
當然，個洋人梗係又知道哩粒係食得野啦。
佢當然又係唔知隻粒菠蘿叫乜名；佢實情係不安好心，實際目的係想借海商位夫人幫起清粒菠蘿 ge 字容。
小三入門，海商夫人自然係哭哭啼啼；但係事實擺在眼前，喊係無用 ge。
同班姨媽姑姐商量之後，結論就係爭寵意義不大，始終係東風西風 ge 問題；即係邊個壓倒邊個。
海商夫人就諗住斟茶 ge 時候點都要擺足姿態，壓老二一頭。
點壓法，最簡單莫如等佢叩頭時踩住佢黎個下馬威，收個頭彩。
於是，海商夫人就正襟危坐，等個女人捐完褲襠埋黎叩頭。
點知，海商夫人一見小蜜就呆左。
原來，阿小蜜原來係混血兒，生得牛高馬大。
海商夫人就五尺爭五寸 (哩個尺同寸係 address 唐尺用)；就算佢坐係度，都高唔得跪係處 ge 小蜜幾多。
海商夫人知道瀨野，就想搵野墊高 d 自己，方便落腳；四顧週維，只係見到粒菠蘿最就手。
海商夫人連隨就揳粒菠蘿係位，再 bang 一聲坐落去 ．．． 呀吔 ．．． 好痛呀 插死人啦。
原來海商夫人俾菠蘿 ding 上面 d 葉插到；變成菠蘿佢個沙田柚，都好過係香蕉佢個沙田柚。
海商夫人一路嗌痛，一路話擺咩譜呢，擺咩譜呢。
個洋人立刻羅本簿出黎抄底佢。
自此，番邦人士餐桌上就多左一種生果；叫 pineapple (請留意，最後個 le 可能就係出自擺咩譜呢個呢字勒)。
| 歡迎光臨 小花俠論壇 (http://www.disanna.com/) |
Powered by Discuz! 7.2 |