|
 
- UID
- 23
- 帖子
- 8369
- 主題
- 4212
- 精華
- 10
- 積分
- 21123
- 金錢
- 239664
- 閱讀權限
- 200
- 在線時間
- 435 小時
- 註冊時間
- 2011-3-14
- 最後登錄
- 2020-10-15
                                  
|
炎夏天呑拿魚啱食
| |
炎夏天呑拿魚啱食
夏至一過，炎炎酷暑就眞正嚟到喇。隔籬鄰舍幾位師奶都大呻天氣太熱，屋企人冇晒食慾，去街市買餸認眞煩。我就話咁嘅大熱天最好就食啲瓜類蔬菜喇，宜家涼瓜、葫蘆瓜、南瓜呢幾種瓜類都係時令貨，清潤消暑又容易消化，而且點煮都得，清蒸白灼或者煲湯小炒都好味。
近排進入休漁期，本地海鮮就買少見少，但就有唔少新鮮呑拿魚入口，不妨買啲返來炮製。講起呑拿魚大家都唔陌生，呑拿魚肉高蛋白低脂肪，含有豐富DHA同OMEGA-3等多種營養素，俗稱“海底雞”同“小牛肉”。呑拿魚食法多多，尤其呑拿魚刺身可以話係風靡全球，不過做家常菜就唔推薦生食喇。可以整個簡單嘅生煎呑拿魚：魚肉上面撒幾粒芝麻用小火慢煎，唔使落油，煎出來口感夠爽，點返自己鍾意嘅醬汁來食，正！或者炒個茄汁呑拿魚都好開胃，做法都唔難：炒鍋加少少油燒熱，跟住落洋葱煸香；之後將番茄切塊用中火炒，炒到出水之後加番茄醬同豉油調味；然後加入呑拿魚粒翻炒，呑拿魚熟得快，記住唔好炒過龍，最後用水及生粉打芡就可以上碟。呢味菜步驟聽落好似幾多吓，但整起嚟好快，味道同營養價値都十分好，用嚟送飯更加一流。
至於要食呑拿魚刺身嘅話，最好就選擇去有信譽嘅酒店同餐廳食，安全衛生第一嘛。查實酒店嘅自助餐廳嚟緊七月除咗日日都有大把靚海鮮食，仲有大大條黃鰭呑拿，新鮮魚生現場即切即食，有興趣嘅朋友記得提早訂位呀！
|
|
|
|
